Հա

Քաղաքական

04/09/2018 - 10:00

Բաբայեան. «ՌԴ-ն եթէ զէնք մատակարարի Ադրբեջանին, աւելի ուժեղ զէնք կը մատակարարի հայկական կողմին»

«Ռուսաստանից Ադրբեջան զէնքի մատակարարման պայմանագրերի 5 միլիարդ դոլար գնահատման մասին յայտարարութիւնը չի ազդի տարածաշրջանի կայունութեան եւ խաղախութեան պահպանման վրայ»,- «panorama.am»-ի թղթակցի հետ զրոյցում այսպիսի կարծիք յայտնեց ԱՀ նախագահի աշխատակազմի տեղեկատւութեան գլխաւոր վարչութեան պետ Դաւիթ Բաբայեանը՝ մեկնաբանելով սեպեմբերի 1-ին կայացած Պուտին-Ալիեւ հանդիպումն ու յայտարարութիւնները։

«alikonline.ir» - «Ռուսաստանից Ադրբեջան զէնքի մատակարարման պայմանագրերի 5 միլիարդ դոլար գնահատման մասին յայտարարութիւնը չի ազդի տարածաշրջանի կայունութեան եւ խաղախութեան պահպանման վրայ»,- «panorama.am»-ի թղթակցի հետ զրոյցում այսպիսի կարծիք յայտնեց ԱՀ նախագահի աշխատակազմի տեղեկատւութեան գլխաւոր վարչութեան պետ Դաւիթ Բաբայեանը՝ մեկնաբանելով սեպեմբերի 1-ին կայացած Պուտին-Ալիեւ հանդիպումն ու յայտարարութիւնները։

«Սա ոչ թէ նոր զէնքի  գնման պայմանագիր է, այլ ընդհանուր առմամբ մինչ այս կնքւած պայմանագրերի գնահատականն է։ Մենք յոյս ունենք, որ ՌԴ-ն շահագրգռւած է, որպէսզի տարածաշրջանում պատերազմ չլինի, քանի որ հանդիսանում է նաեւ ԵԱՀԿ Մինսկի խմբի համանախագահող երկիր եւ ջանքեր է գործադրում, որպէսզի տարածաշրջանում պահպանւի խաղաղութիւն ու կայունութիւնը։ Համոզւած եմ, որ ՌԴ-ն կը պահպանի հաւասարակշռւածութիւնը եւ նոյնիսկ, եթէ զէնք մատակարարի Ադրբեջանին, աւելի որակով, ուժեղ զէնք կը մատակարարի հայկական կողմին, որպէսզի հաւասարակշռւածութիւնը պահպանւի, քանի որ միշտ ասում ենք, որ Ադրբեջանն ահաբեկչական երկիր է եւ նոյնիսկ ռագատկա այդպիսի պետութեանը չի կարելի տալ»,- ասաց Բաբայանը։

Հարցին, թէ արդեօք իրողութիւն չի՞ փոխւել եւ այն չի՞ ազդում զէնքի վաճառքի գործընթացի վրայ, նա պատասխանեց. «Նոր իշխանութիւնները յայտարարում են, որ հաւասարակշռւած քաղաքականութիւնը շարունակւելու է, դա շատ կարեւոր է, քանի որ ցանկացած խարխլում կարող է բերել անկանխատեսելի հետեւանքների»։

Ինչ վերաբերում է Պուտին եւ Ալիեւ բանակցութիւնների արդիւնքում ստորագրւած աւելի քան 10 փաստաթղթին, Դաւիթ Բաբայեանն ասաց. «Ռուսաստանը գերտէրութիւն է, եւ փորձում է բարիդրացիական յարաբերութիւններ ունենալ իր բոլոր հարեւանների հետ, մենք պէտք սա հանգիստ ընդունենք, պարզապէս անենք հնարաւորը, որպէսզի նոյն ադրբեջանը երբեւիցէ մեզնից առաւելութիւն չստանայ»։

Նշենք, որ Արցախի հանրապետութեան նախագահի խորհրդական Տիգրան Աբրահամեանն «news.am»-ին տւած մեկնաբանութիւնում անդրադառնալով ռուսական լրատւամիջոցների հրապարակումներին, նշել է, որ «Ադրբեջանի՝ ռազմական գործողութիւններին նախապատրաստւելու վերաբերեալ յայտարարութիւնների ֆոնին, դժւար է այս տեղեկատւութիւնը հէնց այնպէս շրջանցել»:

Ընդ որում, ըստ Աբրահամեանի, ռուսական լրատւամիջոցներով եկող այս լրատւական հոսքին զուգահեռ, ադրբեջանական լրատւամիջոցները յայտնում են նաեւ Թուրքիայի, Բելառուսի, Իսրայէլի հետ ռազմա-տեխնիկական համագործակցութեան խորացման, դրանց հեռանկարների ու առաջիկայում սպասւող նոր ձեռքբերումների մասին։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։