Հա

Քաղաքական

05/09/2018 - 13:30

«Փաստ». «Ո՞ր ուժերը կանցնեն Երեւանի աւագանու կազմ. աւագանիում ընդդիմութիւն չի լինի»

«Փաստ»-ն այսօր անդրադարձել է Երեւանի աւագանու ընտրութիւններին. «Փաստը մնում է փաստ, որ հիմնական ֆաւորիտ երկու ուժերից՝ «Իմ քայլը» դաշինքից եւ «Բարգաւաճ Հայաստան» կուսակցութիւնից զատ շեմը յաղթահարելու շանսեր տեսականօրէն ունեն «Լոյս» դաշինքը եւ, լաւ երեւակայութեան դէպքում, «Ժառանգութիւնն» ու ՀՅԴ-ն:

«alikonline.ir» - «Փաստ»-ն այսօր անդրադարձել է Երեւանի աւագանու ընտրութիւններին. «Փաստը մնում է փաստ, որ հիմնական ֆաւորիտ երկու ուժերից՝ «Իմ քայլը» դաշինքից եւ «Բարգաւաճ Հայաստան» կուսակցութիւնից զատ շեմը յաղթահարելու շանսեր տեսականօրէն ունեն «Լոյս» դաշինքը եւ, լաւ երեւակայութեան դէպքում, «Ժառանգութիւնն» ու ՀՅԴ-ն: Հասկանալի է, որ վերջին երկուսի համար չափազանց դժւար է լինելու, սակայն տեսական հնարաւորութիւններ ունեն՝ հաշւի առնելով Րաֆֆի Յովհաննիսեանի գործօնն ու ՀՅԴ-ի՝ ոչ շատ մեծ, բայց որոշակի կայուն ընտրազանգւածի առկայութիւնը:

Մնացեալի պարագայում, անկեղծ ասած, դժւար է պատկերացնել, թէ ինչի հաշւին են կարողանալու, ենթադրենք, 20-25 հազար քւէ ստանալ: Քւէներ, իհարկէ, բոլորն էլ կը ստանան, նոյնիսկ «Երկիր ծիրանի» կուսակցութիւնը, որն իրեն ճոխութիւն թոյլ տւեց կորցնել իր սակաւաթիւ անդամներից մի քանիսին, այն էլ՝ այնպիսի, որոնք (կամ գոնէ 1-2-ը) համարւում էին այդ կուսակցութեան առաջամարտիկները: Արդիւնքում կոյուղաջրի տհաճ հոտն ու ծանր հետքը մնացին: Ամէն դէպքում, ցուցակում ընդգրկւածներն ու իրենց շրջապատը կարող են քւէարկել այդ ուժերի օգտին: Սակայն դա բաւարար չէ, ուստի արդիւնքում մենք կարող ենք ունենալ ձայների պարզ փոշիացում:

Այսուամենայնիւ, այս ընտրութիւնները մի չափազանց կարեւոր հանգրւանի կը բերեն. գոնէ մայրաքաղաքում յստակ կամրագրւեն յեղափոխութեան արդիւնքները: Այս պահի դրութեամբ ուժերի առկայ դասաւորութիւնը ցոյց է տալիս, որ Երեւանի աւագանին ամբողջութեամբ (կամ՝ գրեթէ ամբողջութեամբ) կազմւած կը լինի յեղափոխութեան հետ առնչութիւն ունեցող ուժերից՝ «Քայլ արա», ԲՀԿ, «Լոյս»:

Սակայն սա ունի մէկ վատ կողմ. աւագանին փաստացի ընդդիմութիւն ըստ էութեան չի ունենայ, քանի որ դժւար է պատկերացնել երկիրը միասնական ջանքերով նախկին իշխանութիւններից ձերբազատած կուսակցութիւններից որեւէ մէկի ընդդիմադիր լինելը: Զուտ ֆորմալ առումով փոքրամասնութիւն կազմած ուժերը կարող են դիտարկւել որպէս ընդդիմութիւն, սակայն դասական իմաստով աւագանին կը լինի անընդդիմադիր:

Գուցէ հէնց այս իմաստով է այս ընտրութիւնը լաւ լակմուսի թուղթ արտահերթ խորհրդարանական ընտրութիւնների շեմին, որպէսզի դրանք էլ չանցնեն անընդդիմադիր մթնոլորտում»:

Յարակից լուրեր

  • «Փաստ».  «Կոշտ խօսակցութիւն իշխանական կուսակցութեան ներսում. Փաշինեանը բարկացել է»
    «Փաստ». «Կոշտ խօսակցութիւն իշխանական կուսակցութեան ներսում. Փաշինեանը բարկացել է»

    «Փաստ» օրաթերթը գրում է. «Մեր ունեցած տեղեկութիւններով, շաբաթ օրւայ երթի մասնակցութեան ցուցանիշները դարձել են լուրջ քննարկման առարկայ իշխանութեան միջանցքներում ու ՔՊ–ի կուլիսներում: Նիկոլ Փաշինեանը չի բաւարարւել միայն երթը հեգնողներին ֆէյսբուքում տւած կոշտ պատասխանով: Թիրախում յատկապէս յայտնւել են աշխատակազմի որոշ պաշտօնեաներ, որոնք պատասխանատու էին երթի կազմակերպչական աշխատանքների համար, եւ ՔՊ-ի երեւանյան կառոյցների պատասխանատուները:

  • Չէի ցանկանայ, որ արհեստական սահմանազատումները վերածւէին իրական սահմանազատումների
    Չէի ցանկանայ, որ արհեստական սահմանազատումները վերածւէին իրական սահմանազատումների

    «Առաւօտ»-ի զրուցակիցն է ՀՅԴ Բիւրոյի անդամ, ՀՅԴ խմբակցութեան պատգամաւոր Սպարտակ Սէյրանեանը:

  • Ինչո՞ւ սկսւեց սեւի եւ սպիտակի խաղը
    Ինչո՞ւ սկսւեց սեւի եւ սպիտակի խաղը

    Աւարտւեցին Երեւանի աւագանու արտահերթ ընտրութիւնները, որտեղ ձայների մեծ առաւելութեամբ յաղթանակ տարաւ «Իմ քայլը» դաշինքի թեկնածու Հայկ Մարութեանը: Բուն ընտրութիւններն անցան առանց լուրջ խախտումների եւ, իրաւամբ, դրանք կարելի է համարել վերջին տարիներին անցկացւած ամենաազատ, արդար ու թափանցիկ ընտրութիւնները մեր երկրում: Սակայն գնահատական տալուց առաջ չի կարելի անտեսել ընտրական գործընթացի անբաժան մաս կազմող նախընտրական քարոզարշաւի փուլը, ինչից մեծապէս կախւած են ընտրութիւնների արդիւնքները: 

  • Միքայէլ Մանուկեան. «Դաշնակցութիւնը երբեք հատակին չի մնայ»
    Միքայէլ Մանուկեան. «Դաշնակցութիւնը երբեք հատակին չի մնայ»

    Երեւանի աւագանու ընտրութիւնների Հայ Յեղափոխական Դաշնակցութեան ցուցակը գլխաւորող, ՀՀ ԲՆ անտառային կոմիտէի նախագահ Միքայէլ Մանուկյանը «tert.am»-ի հետ զրույցում անդրադառնալով ընտրութիւնների  արդիւնքներին` կարծիք յայտնեց, որ ընտրութիւններն աւելի շատ դիտւեցին որպէս վարչապետի վստահութեան հանրաքւէ եւ ժողովուրդը քւէարկեց նախկինների չվերադառնալու օգտին:

  • Ակնարկ. Միջազգային վարկի ապահովման դիտակէտով
    Ակնարկ. Միջազգային վարկի ապահովման դիտակէտով

    Վարագոյրը իջաւ Երեւանի քաղաքապետական ընտրութիւններուն վրայ: Ներհայաստանեան առումով տակաւին կը քննարկուի մասնակցութեան համեմատութիւնը. Ճշգրիտ տուեալներու հիման վրայ կը ներկայացուին քաղաքապետական նախորդ ընտրութիւններու մասնակցութեան քանակը, համապետական ընտրութիւններու եւ համայնքային ընտրութիւններու մասնակցութեան շարժառիթներու տարբերութիւնները եւ իւրաքանչիւր քաղաքական ուժի նախապէս ապահոված քուէներու չափն ու յետյեղափոխական իրավիճակին մէջ իւրաքանչիւրին նկատմամբ ժողովրդային ընկալելիութեան խնդիրները:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։