Հա

Քաղաքական

Շաբաթ, 08 Սեպտեմբերի 2018 11:40

Ի՞նչ է ակնկալում Ստեփանակերտը Փաշինեան-Պուտին հանդիպումից

Ստեփանակերտը անհրաժեշտ է համարում հայ-ռուսական բարձր մակարդակի յարաբերութիւնները պահպանելը եւ յոյս ունի, որ Ռուսաստանը կը շարունակի ջանքեր գործադրել արցախեան հակամարտութիւնը կարգաւորելու ուղղութեամբ։

«alikonline.ir» - Հայաստանի վարչապետ Նիկոլ Փաշինեանի եւ Ռուսաստանի նախագահ Վլադիմիր Պուտինի գալիք հանդիպումը պէտք է դիտարկել երկու հարթութիւններում` արցախեան հակամարտութեան կարգաւորման եւ երկու երկրների միջեւ ռազմավարական գործընկերային յարաբերութիւնների պահպանման։ Այդ մասին «Sputnik» Արմենիա ռադիոկայանի եթերում յայտարարեց Արցախի Հանրապետութեան նախագահի մամուլի քարտուղարը Դաւիթ Բաբայեանը։

«Մենք ակնկալում ենք, որ միջնորդ երկրները, այդ թւում` Ռուսաստանը, կը շարունակեն ջանքերը տարածաշրջանում խաղաղութիւն եւ կայունութիւն պահպանելու, արցախեան խնդիրը կարգաւորելու համար», – ասաց Բաբայեանը։

Նա դրական գնահատեց Փաշինեանի յայտարարութիւններն այն մասին, որ Արցախը պէտք է դառնայ բանակցութիւնների լիիրաւ մասնակից, թէեւ Ստեփանակերտում հասկանում են, որ դա երկար ու բարդ գործընթաց կը լինի։

«Նոր իշխանութիւնները խօսում են այն մասին, որ Արցախը պէտք է դառնայ բանակցութիւնների կողմը եւ դա, իհարկէ, գովելի է։ Ցանկալի կը լինէր, որպէսզի մենք զգալի արդիւնքներ ունենանք այդ ուղղութեամբ»,- ասել է Բաբայեանը։

Միաժամանակ նա կարծում է, որ անհրաժեշտ է շարունակել քայլեր ձեռնարկել այդ նպատակին հասնելու համար։

Ղարաբաղեան կարգաւորումից բացի Փաշինեանի եւ Պուտինի գալիք հանդիպումը չափազանց կարեւոր է Հայաստանի եւ Ռուսաստանի միջեւ ռազմավարական գործընկերութիւնը պահպանելու տեսանկիւնից։

Բաբայեանի կարծիքով` Հայաստանի հսկայական սփիւռքը թոյլ է տալիս ճկուն քաղաքականութիւն վարել գերտէրութիւնների հետ եւ շրջանցել սուր անկիւնները նոյնիսկ  յարաբերութիւնները վատանալու դէպքում։

«Շատ կարեւոր է պահպանել հայ-ռուսական յարաբերութօւնները բարձր մակարդակում, դրանցի շատ բան է կախւած»,- համոզւած է Բաբայեանը։

Մեկնաբանելով իրավիճակը արցախեան հակամարտութեան գօտում` նա փաստեց, որ ապրիլ-մայիսին Ադրբեջանը տեխնիկա եւ զօրամիաւորումներ է կուտակել առաջնագծում։ Սահմանին տեղակայւել են զօրքեր երկրի այլ շրջաններից։ Այնուհետեւ շփման գծում համեմատաբար հանգստութեան շրջան հաստատւեց։

Ինչպէս նշեց Բաբայեանը՝ Ադրբեջանը չի վերանայել իր մօտեցումները եւ անցկացնում է նույն քաղաքականութիւնը։

Դրա հաստատումն են դարձել համեմատաբար անդորրին հետեւած սադրանքները։

Օգոստոսի 17-ի կէսգիշերին հակառակորդի 15 հոգանոց խումբը յարձակման փորձ է ձեռնարկել արցախեան առաջնագծի հիւսիսային հատւածում տեղակայւած մարտական դիրքերից մէկի ուղղութեամբ: ՊԲ դիրքապահ ստորաբաժանումները ժամանակին հաւաստանշել են հակառակորդի նախայարձակ խմբի գործողութիւնները եւ վերջիններիս յետ են շպրտել ելման դիրքեր:

Սեպտեմբերի 1-ին քաղաքացիական հագուստով անձանց խումբը Ադրբեջանից ուղղւել է Պաշտպանութեան բանակի դիրքերի կողմը։ Ինչ-որ տարածութիւն անցնելով` նրանք շրջւել են եւ յետ գնացել։

Արցախում վտանգաւոր միտում են համարում հումանիտար խնդիրների վերաբերեալ շահարկումը։

Բարեբախտաբար հումանիտար ոլորտում այդ դիւերսիան ձախողւել է, բայց, ինչպէս նշեց Բաբայեանը, արցախյեան կողմը պէտք է պատրաստ լինի ապագայում նման ակցիաների կրկնութեանը։

Միաժամանակ նա նշեց, որ այդ դէպքում հետեւանքների համար ամբողջ պատասխանատւութիւնը կընկնի պաշտօնական Բաքւի վրայ։

Related items

  • Ատրպատականի հայոց թեմի առաջնորդը ընդունեց Իրանում ՀՀ դեսպանատան դիւանագէտներին

    Երկուշաբթի, 17 սեպտեմբեր 2018-ի կէսօրին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, Ազգ. առաջնորդարանի իր գրասենեակում ընդունեց Իրանի Իսլամական Հանրապետութիւնում ՀՀ դեսպան Արտաշէս Թումանեանի Ա խորհրդական Էդւարտ Խաչատրեանի եւ ՀՀ հիւպատոս՝ Գարիկ Գրիգորեանի այցը: Հանդիպմանը ներկայ գտնւեց Թեմական խորհրդի ատենապետ՝ Ռուբիկ Ջանանեանը:

  • Սամուէլ Ֆարմանեան. «Հայաստանը Թուրքիան չէ, պարո՛ն Փաշինեան, ու Դուք էլ Էրդողանը չէք»

    Պետութեան կառավարումը, պետականաշինութիւնը բազմակողմանի, համակարգւած ու նուրբ գործընթաց է, առաւել եւս, երբ խօսքը գնում է անցումային քաղաքական իրավիճակների մասին: Քաղաքական իշխանափոխութիւնը մեր երկրում եւս հետեւանք էր խօսքի ու մամուլի, այլ ազատութիւնների անխախտ առկայութեան:

  • Այցելութիւն Ազգային առաջնորդարան

    Երկուշաբթի, 17 սեպտեմբեր 2018-ի առաւօտեան թեմիս առաջնորդ գերշ. Տ. Սեպուհ Ս. արք. Սարգսեանին այցելեցին Թեհրանի քաղաքապետարանի 6-րդ շրջանի մշակութային եւ հասարակական հարցերի օգնական ճրտ. Ալի Փուր Զոնուզին եւ նոյն պաշտօնով՝ նոյն շրջանի առաջին բաժնի օգնական դոկտ. Զանդին։

  • Ռուսաստանը եւ Թուրքիան որոշել են Իդլիբում ապառազմականացւած գօտի ստեղծել

    Ռուսաստանը եւ Թուրքիան որոշել են Իդլիբում ապառազմականացւած գօտի ստեղծել։ Այս մասին Սոչիում Թուրքիայի նախագահ Ռեջեբ Թայիբ Էրդողանի հետ հանդիպումից յետոյ յայտարարել է ՌԴ նախագահ Վլադիմիր Պուտինը:

  • Ալիեւը վերականգնում է հաւասարակշռութիւնը՝ որդուն բանակ ուղարկելով

    Կողմնակի դիտորդի մօտ կարող է տպաւորութիւն ստեղծւել, որ Լեռնային Ղարաբաղի շուրջ վերջին շրջանում որեւէ լուրջ զարգացում չկայ՝ հակամարտութիւնը մնում է սառեցւած, խնդիրները՝ չկարգաւորւած։ Արտաքին այս թւացեալ հանգստութեան հետ կոնտրաստի մէջ է հակամարտութեան հետ անմիջական կապ ունեցող հասարակութիւններում՝ Հայաստանում, Արցախում եւ Ադրբեջանում տիրող մտահոգութիւնները՝ կապւած ԼՂ խնդրի կարգաւորման հեռանկարի հետ։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։

Joomla-ի վրիպազերծման կառավարակետ

Աշխատաշրջան

Հարցումների հսկման արդյունքները

Հիշողության օգտագործում

ՏԲ-ի հարցումներ