Հա

Քաղաքական

09/09/2018 - 08:50

Փաշինեանը բացեց փակագծերը. ի՞նչ առաքելութիւն է իրականացնելու Հայաստանը Սիրիայում

Հայաստանն ու Ռուսաստանը շուտով Սիրիայում համատեղ հումանիտար ծրագիր են իրականացնելու, ՌԴ-ում Վլադիմիր Պուտինի հետ հանդիպումից յետոյ լրագրողներին ասաց Հայաստանի վարչապետ Նիկոլ Փաշինեանը:

«alikonline.ir» - Հայաստանն ու Ռուսաստանը շուտով Սիրիայում համատեղ հումանիտար ծրագիր են իրականացնելու, ՌԴ-ում Վլադիմիր Պուտինի հետ հանդիպումից յետոյ լրագրողներին ասաց Հայաստանի վարչապետ Նիկոլ Փաշինեանը: Հաղորդում է «Sputnik» Արմենիան:

«Դա ամբողջովին հումանիտար ծրագիր է եւ որեւէ ռազմական բաղադրիչ չի պարունակում»,- շեշտեց նա։

Փաշինեանը նշեց, որ արդէն պաշտօնապէս կարող է յայտարարել` Հայաստանի Հանրապետութիւնը Սիրիայի Հալէպ քաղաքում հումանիտար առաքելութիւն կիրականացնի, որի հիմնական նպատակը Հալէպի եւ ընդհանրապէս Սիրիայի հայ համայնքին աջակցելն է։

«Ես արդէն կարող եմ այդ մասին  պաշտօնապէս ասել: Ծրագրի հիմնական նպատակը Հալէպի հայկական համայնքին եւ Սիրիային օգնելն է: Ես շատ ուրախ եմ, որ մեր երկրներն ընդունեցին այս համատեղ որոշումը, եւ Հայաստանի պաշտպանութեան նախարարութեան մարդասիրական առաքելութեան ներկայացուցիչները կը գործեն Հայաստանի դրօշի ներքոյ»,- ասել է Փաշինեանը:

Նա յաւելել է, որ այդ մարդասիրական առաքելութիւնն անցկացւելու է Ռուսաստանի հետ համատեղ: Փաշինեանը յոյս է յայտնել, որ գործընթացում կը ներգրաււեն միջազգային հանրութեան այլ ներկայացուցիչներ:

«Հայաստանն այդ հարցում յատուկ հետաքրքրութիւն ունի, քանի որ Սիրիայում հայկական համայնք կայ, յատկապէս  Հալէպում է այն մեծ: Մենք կարեւոր ենք համարում մարդասիրական օգնութիւն ցուցաբերելը: Տւեալ դէպքում խօսքն ականազերծման եւ բժշկական օգնութեան տրամադրման մասին է»,- բացատրել է Փաշինեանը:

Միեւնոյն ժամանակ նա ընդգծել է, որ սա ամբողջութեամբ  հումանիտար ծրագիր է, ոչ մի ռազմական տարր այն չի պարունակում:

«Ես շատ ուրախ եմ, որ մեր երկրներն այս համատեղ որոշումը կայացրել են, եւ ՀՀ ՊՆ հումանիտար առաքելութեան ներկայացուցիչները կը գործեն Հայաստանի դրօշի ներքոյ։ Այս առաքելութիւնը մենք իրականացնելու ենք Ռուսաստանի հետ համատեղ, քանի որ սա մարդասիրական առաքելութիւն է, յուսով եմ` միջազգային հանրութեան նորանոր ներկայացուցիչներ կը ներգրաււեն այս գործընթացին»,- ասաց Փաշինեանը։

Նրա խօսքով` Հայաստանն առանձնայատուկ հետաքրքրութիւն ունի այս հարցում` հաշւի առնելով հայ համայնքի առկայութիւնը։

«Եւ մենք կարեւոր ենք համարում հումանիտար օգնութիւն ցուցաբերելը։ Մօտաւորապէս նոյնպիսի առաքելութիւններ իրականացնում ենք նաեւ այլ երկրներում»,- ասաց ՀՀ վարչապետը։

Փաշինեանն ընդգծեց` տւեալ դէպքում Հայաստանն իրականացնելու է բժշկական եւ հումանիտար ականազերծման առաքելութիւն։

Յարակից լուրեր

  • Ակնարկ. Գերքաղաքականացուած Մեկնաբանութիւններուն Դիմաց
    Ակնարկ. Գերքաղաքականացուած Մեկնաբանութիւններուն Դիմաց

    Սուրիա մարդասիրական առաքելութիւն իրականացնող խումբի ուղարկումը ինչպէս ներքին, նոյնպէս ալ միջազգային մակարդակի վրայ տեղի տուած է տարատեսակ մեկնաբանութիւններու:

  • «Փաստ». «Փաշինեանին Տէր-Պետրոսյանն է յուշել Քոչարեանին խաղից արագ հանելու գաղափարը»
    «Փաստ». «Փաշինեանին Տէր-Պետրոսյանն է յուշել Քոչարեանին խաղից արագ հանելու գաղափարը»

    «Փաստ» թերթը գրում է. «Վերջին շրջանում բաւական շատ է խօսւում այն մասին, որ Նիկոլ Փաշինեանի տեսքով քաղաքական ասպարէզ է վերադարձել ՀՀ առաջին նախագահ Լեւոն Տէր-Պետրոսեանը: Այդ խօսակցութիւններն աւելի ակտիւացան, երբ պաշտօններ ստացան ակնյայտ «լեւոնական» գործիչներ (Տիգրան Յակոբեան, Վլադիմիր Կարապետեան եւ այլն):

  • Հայաստան սփիւռք յարաբերութիւնների հոլովոյթը
    Հայաստան սփիւռք յարաբերութիւնների հոլովոյթը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետևում անգտանելի մի աշխարհի որի կարօտը միշտ զգում էինք և ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած և կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Իսլ. յեղափոխութեան յաղթանակի 40-ամեակի կապակացութեամբ. ՀՀ նախագահն ու վարչապետը շնորհաւորել են Հանրապետութեան նախագահին
    Իսլ. յեղափոխութեան յաղթանակի 40-ամեակի կապակացութեամբ. ՀՀ նախագահն ու վարչապետը շնորհաւորել են Հանրապետութեան նախագահին

    Իսլ. յեղափոխութեան յաղթանակի 40-ամեակի կապակցութեամբ, ՀՀ նախագահ Արմէն Սարգսեանը եւ վարչապետ Նիկոլ Փաշինեանը շնորհաւորական ուղերձներ են յղել Հանրապետութեան նախագահ դոկտ. Հասան Ռոհանիին:

  • Հայաստան-Սփիւռք յարաբերութիւնների հոլովութը
    Հայաստան-Սփիւռք յարաբերութիւնների հոլովութը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետեւում անգտանելի մի աշխարհի, որի կարօտը միշտ զգում էինք եւ ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած եւ կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։