Հա

Քաղաքական

10/09/2018 - 11:40

Մեկնարկել է Երեւանի աւագանու արտահերթ ընտրութիւնների նախընտրական քարոզարշաւը

Մեկնարկել է Երեւանի աւագանու արտահերթ ընտրութիւնների քարոզարշաւը, որը կը շարունակւի մինչեւ սեպտեմբերի 21-ը: Առաջիկայ 11 օրերի ընթացքում Երեւանի աւագանու ընտրութիւնների մասնակից քաղաքական ուժերը երեւանցիներին կներկայացնեն իրենց նախընտրական ծրագրերը, հանդէս կը գան Երեւանի խնդիրներին լուծում տալու սեփական տեսլականով:

«alikonline.ir» - Մեկնարկել է Երեւանի աւագանու արտահերթ ընտրութիւնների քարոզարշաւը, որը կը շարունակւի մինչեւ սեպտեմբերի 21-ը: Առաջիկայ 11 օրերի ընթացքում Երեւանի աւագանու ընտրութիւնների մասնակից քաղաքական ուժերը երեւանցիներին կներկայացնեն իրենց նախընտրական ծրագրերը, հանդէս կը գան Երեւանի խնդիրներին լուծում տալու սեփական տեսլականով:

Ինչպէս հաղորդում է «Արմէնպրես»-ը Երեւանի աւագանու արտահերթ ընտրութիւններին մասնակցում է 12 քաղաքական ուժ: Երեւանի աւագանու ընտրութիւնների մասնակցելու համար Կենտրոնական ընտրական յանձնաժողովում գրանցւել են  «Բարգաւաճ Հայաստան», «Ժառանգութիւն», ՀՅԴ, «Հայք», «Երկիր ծիրանի», «Ռեֆորմիստների», «Ժողովրդավարական ուղի», «Օրինաց երկիր» կուսակցութիւնները, «Իմ քայլը», «Երեւանցիներ», «Երեւանի հանրութիւն», «Լոյս» դաշինքները:

«Ժառանգութիւն» կուսակցութիւնը  քարոզարշաւի մեկնարկը կազդարարի  Շառլ Ազնաւուրի անւան հրապարակից:  Քարոզարշաւի մեկնարկը կուղեկցւի բացօթեայ ասուլիսով: «Ժառանգութեան» համամասնական ցուցակը գլխաւորում է Րաֆֆի Յովհաննիսեանը:

«Լոյս» դաշինքը  քարոզարշաւի մեկնարկը կը տայ «Արմենիա Մարիոթ» հիւրանոցում՝ ներկայացնելով նախընտրական ծրագիրը: Դաշինքի քաղաքապետի թեկնածուն Արտակ Զէյնալեանն է:

«Իմ քայլը» դաշինքը քարոզարշաւը կը սկսի Էրեբունի վարչական շրջանից: Դաշինքի աւագանու համամասնական ցուցակի ներկայացուցիչներն օրւայ ընթացքում բակային հանդիպումներ կունենան, իսկ երեկոյեան Էրեբունի վարչական շրջանի հրապարակում օրը կեզրափակեն հանրահաւաքով: «Իմ քայլը» դաշինքի քաղաքապետի թեկնածուն Հայկ Մարութեանն է:

«Բարգաւաճ Հայաստան» կուսակցութիւնը քարոզարշաւի մեկնարկը կը տայ Նուբարաշէն համայնքում: Կուսակցութեան քաղաքապետի թեկնածուն Նայիրա Զոհրաբեանն է:

Հայ Յեղափոխական Դաշնակցութիւնը Երեւանի 2018 թւականի աւագանու արտահերթ ընտրութիւնների իր քարոզարշաւի մեկնարկը պաշտօնապէս կազդարարի սեպտեմբերի 10-ին, ժամը՝ 18:00-ին, Առաջին Հանրապետութեան հիմնադիր Արամ Մանուկեանի արձանի մօտից: Կուսակցութեան համամասնական ցուցակը գլխաւորում է Միքայէլ Մանուկեանը:

«Երեւանի հանրութիւն» դաշինքը քարոզարշաւը կը մեկնարկի ասուլիսով: «Երեւանի հանրութիւն» կուսակցութիւնների դաշինքի ծրագրային հիմնադրոյթների եւ մեկնարկող քարոզարշաւի մասին» թեմայով հրաւիրւած ասուլիսին կը խօսեն դաշինքի նախընտրական ցուցակը գլխաւորող Անահիտ Թարխանեանը, Արամ Գրիգորեանը եւ Արմէն Յովհաննիսեանը:

«Հայք» կուսակցութիւնը քարոզարշաւը սկսելու է Երեւանի տարբեր հատւածներում նախընտրական բուկլետներ բաժանելով: Կուսակցութեան համամասնական ցուցակը գլխաւորում է Գեւորգ Յովսէփեանը:

«Ռեֆորմիստների» կուսակցութիւնը քարոզարշաւի մեկնարկը կը տայ համակիրների հաւաքով, որում ելոյթ կունենայ կուսակցութեան նախագահ Վահան Բաբայեանը: Կուսակցութեան քաղաքապետի թեկնածուն Արտակ Աւետեանն է:

«Ժողովրդավարական ուղի» կուսակցութիւնը դեռեւս որոշում չունի, թէ ինչպէս են տալու քարոզարշաւի մեկնարկը: Կուսակցութիւնը նախատեսում է քարոզարշաւն անցկացնել բակային հանդիպումներով: Կուսակցութեան քաղաքապետի թեկնածուն Մանուէլ Գասպարեանն է:

«Օրինաց երկիր» կուսակցութիւնը դեռեւս չի յայտնել, թէ ինչպէս են տալու քարոզարշաւի մեկնարկը: Կուսակցութեան համամասնական ցուցակը գլխաւորում է Մհեր Շահգելդեանը:

«Երկիր ծիրանի» կուսակցութիւնը եւս չի յայտնել, թէ ինչպէս են տալու քարոզարշաւի մեկնարկը: «Երկիր ծիրանի» կուսակցութեան համամասնական ցուցակը գլխաւորում է Զարուհի Փոստանջեանը:

Քարոզարշաւի մեկնարկի միջոցառման մասին որոշում դեռեւս չի կայացրել նաեւ «Երեւանցիներ» դաշինքը: Դաշինքի քաղաքապետի թեկնածուն Արարատ Զուրաբեանն է:

Երեւանի աւագանու արտահերթ ընտրութիւնները տեղի կունենան սեպտեմբերի 23-ին:

Յարակից լուրեր

  • Չէի ցանկանայ, որ արհեստական սահմանազատումները վերածւէին իրական սահմանազատումների
    Չէի ցանկանայ, որ արհեստական սահմանազատումները վերածւէին իրական սահմանազատումների

    «Առաւօտ»-ի զրուցակիցն է ՀՅԴ Բիւրոյի անդամ, ՀՅԴ խմբակցութեան պատգամաւոր Սպարտակ Սէյրանեանը:

  • Ինչո՞ւ սկսւեց սեւի եւ սպիտակի խաղը
    Ինչո՞ւ սկսւեց սեւի եւ սպիտակի խաղը

    Աւարտւեցին Երեւանի աւագանու արտահերթ ընտրութիւնները, որտեղ ձայների մեծ առաւելութեամբ յաղթանակ տարաւ «Իմ քայլը» դաշինքի թեկնածու Հայկ Մարութեանը: Բուն ընտրութիւններն անցան առանց լուրջ խախտումների եւ, իրաւամբ, դրանք կարելի է համարել վերջին տարիներին անցկացւած ամենաազատ, արդար ու թափանցիկ ընտրութիւնները մեր երկրում: Սակայն գնահատական տալուց առաջ չի կարելի անտեսել ընտրական գործընթացի անբաժան մաս կազմող նախընտրական քարոզարշաւի փուլը, ինչից մեծապէս կախւած են ընտրութիւնների արդիւնքները: 

  • Միքայէլ Մանուկեան. «Դաշնակցութիւնը երբեք հատակին չի մնայ»
    Միքայէլ Մանուկեան. «Դաշնակցութիւնը երբեք հատակին չի մնայ»

    Երեւանի աւագանու ընտրութիւնների Հայ Յեղափոխական Դաշնակցութեան ցուցակը գլխաւորող, ՀՀ ԲՆ անտառային կոմիտէի նախագահ Միքայէլ Մանուկյանը «tert.am»-ի հետ զրույցում անդրադառնալով ընտրութիւնների  արդիւնքներին` կարծիք յայտնեց, որ ընտրութիւններն աւելի շատ դիտւեցին որպէս վարչապետի վստահութեան հանրաքւէ եւ ժողովուրդը քւէարկեց նախկինների չվերադառնալու օգտին:

  • Ակնարկ. Միջազգային վարկի ապահովման դիտակէտով
    Ակնարկ. Միջազգային վարկի ապահովման դիտակէտով

    Վարագոյրը իջաւ Երեւանի քաղաքապետական ընտրութիւններուն վրայ: Ներհայաստանեան առումով տակաւին կը քննարկուի մասնակցութեան համեմատութիւնը. Ճշգրիտ տուեալներու հիման վրայ կը ներկայացուին քաղաքապետական նախորդ ընտրութիւններու մասնակցութեան քանակը, համապետական ընտրութիւններու եւ համայնքային ընտրութիւններու մասնակցութեան շարժառիթներու տարբերութիւնները եւ իւրաքանչիւր քաղաքական ուժի նախապէս ապահոված քուէներու չափն ու յետյեղափոխական իրավիճակին մէջ իւրաքանչիւրին նկատմամբ ժողովրդային ընկալելիութեան խնդիրները:

  • ՀՅԴ ԳՄ յայտարարութիւնը՝ Երեւանի աւագանու արտահերթ ընտրութիւնների վերաբերեալ
    ՀՅԴ ԳՄ յայտարարութիւնը՝ Երեւանի աւագանու արտահերթ ընտրութիւնների վերաբերեալ

    Ընդունելով ընտրութիւնների արդիւնքները եւ յաղթանակի կապակցութեամբ շնորհաւորելով «Իմ քայլը» դաշինքին՝ մեր պատրաստակամութիւնն ենք յայտնում աջակցել մեր բոլորի երազած Երեւանը իրականութիւն դարձնելու գործին։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։