Հա

Քաղաքական

12/09/2018 - 08:15

«Կը հագնեմ կամուֆլեաժս... սպիտակները յաղթել են...». Նիկոլ Փաշինեանի խօսքը Դաւթաշէնում

Երեւանի Դաւթաշէն շրջանում, երէկ՝ սեպտեմբերի 11-ին «Իմ քայլը» դաշինքի նախընտրական քարոզարշաւի ժամանակ Նիկոլ Փաշինեանը փոխեց թեմատիկան: Նա անդրադարձաւ ՀՀ ԱԱԾ-ի ՅՔԾ-ի աղմկայարոյց հեռախօսազրոյցի թեմային:

«alikonline.ir» - Սա դաւադրութիւն է Հայաստանի պետականութռան նկատմամբ: ՀՀ ԱԱԾ տնօրէնի եւ ՅՔԾ պետի հեռախօսազրոյցի գաղտնալսումն ու հրապարակումն այսպէս որակեց ՀՀ վարչապետ Նիկոլ Փաշինեանը՝ ելոյթ ունենալով «Իմ քայլը» դաշինքի հանրահաւաքին։ Տեղեկացնում է «Sputnik» Արմենիան:

«Յանձնարարել եմ ԱԱԾ–ին, ոստիկանութեանը ամենակարճ ժամանակահատւածում յայտնաբերել դաւադրութիւնը կազմակերպածներին եւ նրանց ենթարկել ամենախիստ պատասխանատւութեան»,- ասաց ՀՀ վարչապետը:

Նիկոլ Փաշինեանը պատմեց, որ դեռեւս երբ ինքը «Հայկական ժամանակ» օրաթերթի գլխաւոր խմբագիր էր, թերթում հրապարակւել էր տեղեկութիւն, որ որոշ օլիգարխներ եւ պետական բարձրաստիճան պաշտօնեաների հետ կապ ունեցող մարդիկ ձեռք են բերել գաղտնալսման սարքեր եւ պետութեան յատուկ ծառայութիւններին զուգահեռ ստեղծել են յատուկ ծառայութիւններ պետութեան մէջ:

«Այդ բոլոր յատուկ ծառայութիւնները յայտնաբերւելու եւ ոչնչացւելու են: Բոլոր ապօրինի զինւած խմբաւորումները զինաթափւելու են, եւ ես այստեղից ԱԱԾ-ին եւ ոստիկանութեանը հրահանգում եմ այս պահից իրականացնել ռէյդեր՝ բարձրաստիճան պաշտօնեաների թիկնազօրներին պառկեցնել ասֆալտներին»,- յայտարարեց նա:

Նա հրամայեց ՀՀ ԱԱԾ-ին եւ Ոստիկանութեանը զինաթափել օլիգարխների թիկնազօրներն ու այդ մասին 2 ժամւայ ընթացքում զեկուցել իրեն։

Նիկոլ Փաշինեանը, որ երկրից թալանւած փողերը մինչեւ վերջին կոպեկ յետ է բերւելու։

«Իմացէք, Աւստրալիայում լինի, Ամերիկայում լինի, թէ որ ծայրում, գտնելու ու վերադարձնելու ենք ամէն լումա, ամէն կոպեկ»:

«Սերժ Սարգսեան եւ Ռոբերտ Քոչարեան, որոշել էք մարտահրաւէր նետե՞լ, դէ հիմա մարտահրաւէրը տեսեք, ստացէք: Բայց, մենք գործում ենք ըստ օրէնքի, մենք ունենք Ազգային անվտանգութեան ծառայութիւն եւ ոստիկանութիւն, ես պահանջում եմ 2 ժամւայ ընթացքում կարգ ու կանոն հաստատել էս երկրում»,- ասց Փաշինեանը յաւելելով՝ եթէ իրենք էլ դա անել չգիտեն, մենք գիտենք:

«Ես կամուֆլեաժս կը հագնեմ ու փողոց-փողոց, տուն առ տուն այդ կարգ ու կանոնը կը հաստատեմ»,- ասաց նա:

«Մեր երկրում սպիտակները յաղթել են եւ սեւերի պարտութիւնն անշրջելի է, սեւերը ջախջախւած են ու այլեւս ոտքի չեն կանգնելու:

Հիմա՝ թէ ինչի համար է այս ամեն ինչը. ես, իհարկէ, բոլոր մանրամասներին կանդրադառնամ, բայց մի ընդհանուր բան եմ ուզում ասել՝ ենթադրենք, բոլոր ներկաների խօսակցութիւնները գաղտնալսւել են, դուք ձեր խօսակցութիւնների մէջ ասում էք բառեր, մտքեր՝ տրամադրութիւնից ու պայմաններից ելնելով, անգամ հարազատների մասին, ուրեմն պատկերացրէք, մարդիկ են յայտնւել, որ մտածում են՝ ով ինչ խօսի, մեր բոլորի ասածները կարող են լսել ու իւթուբում տեղադրել, հեսա ձեզ էնպէս իւթուբում կտեղադրենք, դուք էլ կը զարմանաք»,- հակադարձեց Փաշինեանը:

«Ես ուզում եմ ասել, որ այս 4 ամսում ինձ շատ լաւ պահպանում են, բայց պատկերացրէք մի պահ, որ ինձ հետ ինչ-որ բան պատահի, ի՞նչ կը լինի յետոյ… այդ մարդիկ ու բոլորը թող հասկանան, որ եթէ ինձ հետ մի բան պատահի, իրենց հետ աւելի վատ բան կը պատահի, բայց այս ժողովրդի ձեռքով: Ես սա ասում եմ, որովհետեւ լաւ գիտեմ, որ ասւելու է՝ զգոյշ եղի, տես չթունաւորեն, աւտոյի տակ չքցեն, մի բան չանեն, բայց գիտեմ՝ դուք էք իմ անվտանգութիւնը»,- դիմելով հաւաքւած ժողովրդին՝ ասաց նա:

Յարակից լուրեր

  • Ժողովրդին մեղադրելու արւեստը
    Ժողովրդին մեղադրելու արւեստը

    Ով ինչ ուզում է ասի,  մեր ժողովուրդը միշտ լաւն է ու այդպէս էլ պիտի լինի։ Սա այսպէս է, որովհետեւ մեր ժողովուրդը մեր ուժի, մտքի, աշխատանքի եւ ստեղծագործութեան միակ աղբիւրն է։ Սա այսպէս է, որովհետեւ ժողովուրդը մեր անցեալի, ներկայի ու ապագայի թէ՚ ներշնչարանն է եւ թէ ապաւէնը։ Եւ լինենք անկեղծ ու խոստովանենք, թէ  այս համոզումն ու հաւատքը հետեւողականապէս ունեցել է եւ ունի միայն Հայ Յեղափոխական Դաշնակցութիւնը։

  • Ասք 800 հազար անբանի, 350 հազար ճռռացողի եւ վարչապետի տւայտանքների մասին
    Ասք 800 հազար անբանի, 350 հազար ճռռացողի եւ վարչապետի տւայտանքների մասին

    Եթէ մարդ չգիտենայ, թէ գործազրկութեան համար ինչքան նպաստ է ստանում մէկ ընտանիքը, Հայաստանի Հանրապետութեան կառավարութեան նկատմամբ կը լցւի անհուն երախտագիտութեամբ. ուրիշ այդ ո՞ր պետութիւնն է բնակչութեան գրեթէ 30 տոկոսին (ըստ վարչապետ Փաշինեանի՝ 800 հազար մարդ) վճարում գործազրկութեան նպաստ: 

  • Դատելով Նիկոլ Փաշինեանի խօսքերից` նա լուծման ձեւերը դեռ այնքան էլ չի պատկերացնում
    Դատելով Նիկոլ Փաշինեանի խօսքերից` նա լուծման ձեւերը դեռ այնքան էլ չի պատկերացնում

    Քանի որ մեր յարգարժան վարչապետի պաշտօնակատարը 800,000 «պորտաբոյծների» մասին կարեւոր յայտնագործութիւն արեց, երէկ էլ մեծ մասդ հասցրեցիք ձեր կարծիքը դրա մասին բուռն արտայայտել, մի քանի միտք էլ ես ձեր հետ կիսւեմ։

  • Ինչպէ՞ս խօսել հայրենադարձութեան մասին, եթէ հայրենադարձութեան հայեցակարգ չկայ. Ռուզաննա Առաքելեանի հարցը` Փաշինեանին
    Ինչպէ՞ս խօսել հայրենադարձութեան մասին, եթէ հայրենադարձութեան հայեցակարգ չկայ. Ռուզաննա Առաքելեանի հարցը` Փաշինեանին

    ԱԺ ՀՅԴ խմբակցութեան պատգամաւոր Ռուզաննա Առաքելեանն այսօր ԱԺ նիստի ընթացքում ՀՀ վարչապետի պաշտօնակատար Նիկոլ Փաշինեանի հետ հարցուպատասխանի շրջանակներում ուշադրութիւն հրաւիրեց հայաստանեան մարզերի եւ գիւղերի վիճակին` հնչեցնելով երկու հարց:

  • Նիկոլենց «իզմ»-ի հետքերով
    Նիկոլենց «իզմ»-ի հետքերով

    «Իզմ»-երու ժամանակաշրջանը անցած է, յայտարարած էր Փաշինեան, ու խուսափած ինքզինք ու իր ղեկավարած ուժը գաղափարական առումով դասակարգելէ։ Անցումային շրջանի շեմին՝ գուցէ կարելի էր ժամանակաւորապէս անտեսել այդ անհեթեթ խուսանաւումը. քաղաքական կեանքի բնականոնացման եւ մօտալուտ ամբողջական իշխանափոխութեան լոյսին տակ, սակայն, էապէս կարեւոր է պարզել առաջատար ուժի գաղափարական ու արժէհամակարգային ընկալումները։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։