Հա

Քաղաքական

12/09/2018

Նիկոլ Փաշինեանն ընդունել է Զարեհ Սինանեանի գլխաւորած պատւիրակութեանը

Վարչապետ Նիկոլ Փաշինեանն երէկ սեպտեմբերի 11-ին ընդունել է ԱՄՆ Կալիֆորնիա նահանգի հայաշատ Գլենդէլ քաղաքի քաղաքապետ Զարեհ Սինանեանի գլխաւորած պատւիրակութեանը, որում ընդգրկւած են Կալիֆորնիա նահանգի սենատորներ, Սիլիկոնեան հովտում գործունէութիւն ծաւալող բարձր տեխնոլոգիաների ոլորտի ընկերութիւնների ներկայացուցիչներ:

«alikonline.ir» - Վարչապետ Նիկոլ Փաշինեանն երէկ սեպտեմբերի 11-ին ընդունել է ԱՄՆ Կալիֆորնիա նահանգի հայաշատ Գլենդէլ քաղաքի քաղաքապետ Զարեհ Սինանեանի գլխաւորած պատւիրակութեանը, որում ընդգրկւած են Կալիֆորնիա նահանգի սենատորներ, Սիլիկոնեան հովտում գործունէութիւն ծաւալող բարձր տեխնոլոգիաների ոլորտի ընկերութիւնների ներկայացուցիչներ: Տեղեկացնում է «tert.am»-ը:

Վարչապետը ողջունել է ներկայացուցչական պատւիրակութեան այցը Հայաստան եւ յոյս յայտնել, որ այն կը նպաստի քաղաքական եւ բիզնես կապերի հետագայ խորացմանն ու ընդլայնմանը: Նիկոլ Փաշինեանն ընդգծել է, որ ՀՀ կառավարութիւնը շահագրգռւած է նշւած ուղղութիւններով կապերի ամրապնդմամբ ու այդ համատեքստում կարեւորել նմանատիպ փոխայցերի յաճախակի կազմակերպումը:

Զարեհ Սինանեանը Նիկոլ Փաշինեանին մանրամասներ է ներկայացրել այցի շրջանակում նախատեսւող հանդիպումների, միջոցառումների վերաբերեալ եւ համոզմունք յայտնել, որ այն կը նպաստի յատկապէս տեղեկատւական տեխնոլոգիաների ոլորտում համագործակցութեան զարգացմանը:

Պատւիրակութեան անդամները պատրաստակամութիւն են յայտնել օժանդակել ՏՏ ոլորտում փոխգործակցութեան խթանմանն ուղղւած հնարաւոր նախաձեռնութիւններին: 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։