Հա

Քաղաքական

09/10/2018 - 10:30

Ա. Չալաբեան. «Կուզէի, որ իշխանութիւնն այսուհետեւ իր գործընկերներին պատեհ-անպատեհ հակայեղափոխական չկոչէր ու իր հետ աշխատած նախարարներին պաշտօնից չազատէր փողոցի սուլոցների տակ»

Հերթական ճգնաժամի խաղաղ հանգուցալուծումը արդէն մօտ է, «վատ» բանակցութիւններն էլ շատ աւելի լաւ են, քան «լաւ» աղբամանային պատերազմը, որին շատերը սկսել էին «դուխով» պատրաստւել։

«alikonline.ir» - Հերթական ճգնաժամի խաղաղ հանգուցալուծումը արդէն մօտ է, «վատ» բանակցութիւններն էլ շատ աւելի լաւ են, քան «լաւ» աղբամանային պատերազմը, որին շատերը սկսել էին «դուխով» պատրաստւել։

Այս մասին ֆէյսբուքեան իր էջում գրել է հասարակական գործիչ, «Արար» հիմնադրամի հոգաբարձուների խորհրդի նախագահ Աւետիք Չալաբեանը`անդրադառնալով Նիկոլ Փաշինեանի ու Գագիկ Ծառուկեանի միջեւ ստորագրւած յուշագրին, որով կողմերը պայմանաւորւել են դեկտեմբերին արտահերթ խորհրդարանական ընտրութիւնների գնալու հարցի շուրջ։

«Ըստ էութեան, հիմա մնում է այդպիսի յուշագիր ստորագրել նաեւ ՀՅԴ հետ, ընդունել նոր Ընտրական օրէնսգիրքը, եւ օրէնքի ուժով ցրել Ազգային ժողովը՝ մենակ մնացած եւ թուլացած ՀՀԿ-ն այդ պայմաններում վարչապետ չի առաջադրի։ Շատ կուզէի, որ դա էլ տեղի ունենայ խելամիտ պայմաններով ու ժամկէտներում, ու ճանապարհ բացէր նոր ընտրութիւններով կայուն իշխանութիւն ձեւաւորելու համար։

Ես նաեւ կուզէի, որ յեղափոխական իշխանութիւնն այսուհետեւ իր գործընկերներին պատեհ-անպատեհ հակայեղափոխական չկոչէր, ու իր հետ աշխատած նախարարներին պաշտօնից նսեմացնելով չազատէր փողոցի սուլոցների տակ (իսկ յետոյ էլ մի քանի օրից ստորագրէր նորից նրանց «յեղափոխականութեան» տակ), կամ էլ իրեն սպիտակ, մնացած բոլորին սեւ չյորջորջէր, որպէսզի մի քանի օր յետոյ քաջալերէր ու գրկաբաց ընդունէր «Սեւերի» ճամբարը լքողներին, կամ էլ չփորձէր սեփական թերութիւնները անընդհատ արդարացնել յակահեղափոխականների դաւադրութեամբ։

Ընտրութիւններից յետոյ իշխանութեան համար գալու է հասարակութեանը տւած իր խոստումները կատարելու ժամանակը, եւ որքան շուտ իշխանութիւնը կենտրոնանայ կառուցողական օրակարգ ձեւաւորելու վրայ, այնքան լաւ իր ապագայ ընտրողների, եւ նաեւ բոլոր մնացածների համար»,- գրառման մէջ նշում է Չալաբեանը։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։