Հա

Քաղաքական

09/10/2018 - 13:10

Քննի՞չ է գալիս. ինչ նպատակ ունի Բոլտոնի այցը Հայաստան

Կէս ամսից Հայաստան է այցելելու ԱՄՆ նախագահի ազգային անվտանգութեան հարցերով խորհրդական Ջան Բոլթոնը։ Արդէն պարզ է` ինչ են քննարկելու յայտնի ամերիկեան «բազէն» ու ՀՀ ղեկավարութիւնը, յայտնի չեն միայն մանրուքները, սակայն ինչպէս յայտնի է, հէնց դրանք են ամենակարեւորը։

«alikonline.ir» - ԱՄՆ նախագահի ազգային անվտանգութեան հարցերով խորհրդական Ջան Բոլթոնի այցին մնաց երկու շաբաթ։ Նա այցելելու է Ռուսաստան ու Հարաւային Կովկասի երկրներ։ Պարզ է` ինչի մասին է խօսելու Բոլթոնը երկրներից իւրաքանչիւրում, իսկ մեզ, բնականաբար, հետաքրքրում է այդ ուղեւորութեան երեւանեան մասը։ Գրում է «Sputnik» Արմենիայի սիւնակագիր Ռուբէն Գիւլմիսարեանը:

Ե՛ւ մոսկովեան, ե՛ւ թբիլիսեան, ե՛ւ ապշերոնեան (Ադրբեջան-ԽՄԲ.) այցերը ոչ ուղղակիօրէն, բայց կապ կունենան Հայաստանի հետ։ Ամէն ինչ փոխկապակցւած է ե՛ւ ռազմավարական դաշնակցի, ե՛ւ տարածաշրջանի հարեւանի հետ, իսկ Բոլթոնի այցը կարող է միայն աւելացնել լարւածութիւնը տարածաշրջանում։

Ահա, օրինակ, Վրաստանը. հասկանալի է, որ խօսքը լինելու է երկրի՝ վերջերս յայտարարած ՆԱՏՕ մտնելու մասին, որն ակնյայտօրէն Ռուսաստան դէմ ուղղւած ակցիա է. դա այլ իմաստ չունի։ Այստեղ, իհարկէ, բարդութիւններ են առաջանում կապւած Աբխազիայի ու Հարաւային Օսեթիայի հետ, քանի որ դրանք դաշինքի ու Վրաստանի տեսակէտից չկարգաւորւած տարածքային վէճեր են։

Այստեղ երեք տարբերակ կայ։ Առաջինը` ամենաքիչ հաւանականը, բոլոր կողմերը ճանաչում են այդ Հանրապետութիւնների անկախութիւնը, ու հակամարտութիւնը սպառւած է համարւում։ Երկրորդը՝ Թբիլիսիի ՆԱՏՕ մտնելուց յետոյ հարցը ուժային միջոցներով լուծելու փորձն է, սակայն դա չափազանց վտանգաւոր է ամբողջ աշխարհի համար, եւ մի հարց էլ կայ` արդեօ՞ք հիւսիսատլանտեան դաշինքում պատրաստ են իրադարձութիւնների նման զարգացման։

Ամենայն հաւանականութեամբ` Վրաստանի համար բացառութիւն կարւի, ու այդ երկիրը կընդունեն առանց պատերազմի ու Սուխումի ու Ցխինւալի անկախութեան ճանաչման։ Նոյնիսկ նախադէպ կայ (այնտեղ, իհարկէ, այլ իրավիճակ է). Թուրքիան տասնամեակներով օկուպացրել է Հիւսիսային Կիպրոսը, որը, բացի Անկարայից, ոչ ոք չի ճանաչում։

Վրաստանի` ՆԱՏՕ-ի անդամ դառնալու վերջին երկու տարբերակները ուղղակիօրէն վտանգաւոր են Հայաստանի համար, տարածաշրջանը լարւածութեան նոր փուլ կը մտնի։ Բանն այն չէ, որ նատոյական Վրաստանը Հայաստանի համար անմիջական սպառնալիք է լինելու, իհարկէ ոչ. սակայն Թբիլիսիի որոշակի անկանխատեսելիութիւնը (յիշենք մեքենաներով Վրաստանի տարածքով ցորենի տեղափոխութեան արգելքը) պէտք է հաշւի առնել։

Թէ չէ, մեր կողքին, այսպէս թէ այնպէս, անկախութեան տարիներից կայ սպառնալիք՝ ի դէմս ՆԱՏՕ-ի Եւրոպայում ուժեղագոյն բանակի տեսքով, ու այն կը լինի այնքան, քանի գոյութիւն ունի հայկական պետութիւնը։ Երբ հարեւանդ քեզ թշնամի համարող Անկարան է, որը ղեկավարում է Էրդողանը, էլ ոչինչ վախենալու չի։

Այնպէս որ՝ ՆԱՏՕ-ի համատեքստում Վրաստանի մասին խօսակցութիւն Բոլթոնը Երեւանում ամենայն հաւանականութեամբ կը բացի։ Նա պարտադիր կը խօսի Իրանի հետ յարաբերութիւնների մասին, քանի որ դա է նրա այցի հիմնական նպատակներից մէկը։ Ակնյայտ պատճառներով, նա դժւար թէ Հայաստանի վրայ մեծ ճնշում գործադրի, սակայն անպայման կը փորձի փչացնել այն, ինչ կարող է։

Ու անպայման կանդրադառնայ Ռուսաստանի հետ համատեղ Սիրիայում հայկական հումանիտար առաքելութեանը։ Քաղաքագէտ Սուրէն Սարգսեանը, մասնաւորապէս նշում է, որ այդ թեման ամերիկացիների համար զգայուն է. նոյնիսկ միայն սակրաւորները, բժիշկներն ու այլ ոչ ագրեսիւ մասնագէտները նրանց հունից հանում են։ Սարգսեանը կարծում է, որ Բոլթոնը կը փորձի Երեւանին համոզել չանել դա։

Շատ կարեւոր է չենթարկւել ճնշմանը, քանի որ առաքելութիւնն ակնյայտօրէն հումանիտար է ու, վերջիվերջոյ, ուղղւած է պատերազմի հետեւանքների վերացմանը, այլ ոչ թէ այն բորբոքելուն։ Պէտք է պնդել, որ Հայաստանը մասնակցելու է առաքելութեանը, դա է աւելացնում յարգանքը երկրի նկատմամբ, այլ ոչ թէ ենթարկւելու պատրաստակամութիւնը։

Ղարաբաղեան հարցն էլ չի անտեսւի, ու այստեղ հետաքրքիր կը լինեն (եթէ հնչեն) մեկնաբանութիւնները Թրամփի խօսքերի վերաբերեալ այն մասին, որ առաջիկայ շաբաթների, կամ ամիսների ընթացքում հակամարտութեանը լուծում կը տրւի. յիշու՞մ էք Հայաստանի ու Ադրբեջանի ղեկավարութեանը յղած նրա ուղերձները։ Հետաքրքիր է` ինչ նկատի ուներ ԱՄՆ նախագահը, թէեւ հնարաւոր է, որ այդպէս բարեմաղթանք է արտայայտել, առանց կոնկրետ մտքի։

Ամէն դէպքում, այս այցով տարածաշրջանը չի թեթեւանայ, բարձրաստիճան ամերիկացիներն ինչ-որ տեղ չեն գնում անհաշտների հաշտեցնելու ու չհամաձայնւողներին համաձայնեցնելու։ Լաւագոյն դէպքում բլիթներ կը բաժանեն ու կը գնան, իսկ տեղացիները ստիպւած կը լինեն ուտել այդ բլիթները։

Յարակից լուրեր

  • Հայաստան սփիւռք յարաբերութիւնների հոլովոյթը
    Հայաստան սփիւռք յարաբերութիւնների հոլովոյթը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետևում անգտանելի մի աշխարհի որի կարօտը միշտ զգում էինք և ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած և կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Բոլթոնը սպառնում է Մադուրոյի կառավարութեան հետ գործ ունեցող երկրներին եւ ընկերութիւններին
    Բոլթոնը սպառնում է Մադուրոյի կառավարութեան հետ գործ ունեցող երկրներին եւ ընկերութիւններին

    Ազգային անվտանգութեան հարցերով Սպիտակ տան խորհրդական Ջոն Բոլթոնը սպառնում է այն երկրներին եւ ընկերութիւններին, որոնք գործ ունեն Վենեզուէլլայի նախագահ Նիկոլաս Մադուրոյի կառավարութեան հետ։

  • «Բոլթոնը տառապում է հակաիրանական խրոնիկ բարդոյթից». ԱԳՆ խօսնակ
    «Բոլթոնը տառապում է հակաիրանական խրոնիկ բարդոյթից». ԱԳՆ խօսնակ

    ԱՄՆ նախագահի ազգային անվտանգութեան հարցերով խորհրդականը տառապում է հակաիրանական խրոնիկ բարդոյթից: Նման կարծիք է յայտնել Իրանի ԱԳՆ պաշտօնական ներկայացուցիչ Բահրամ Ղասեմին, մեկնաբանելով Ջոն Բոլթոնի հերթկան հակաիրանական յայտարարութիւնը: Տեղեկացնում է ԻՌՆԱ-ն:

  • Հայաստան-Սփիւռք յարաբերութիւնների հոլովութը
    Հայաստան-Սփիւռք յարաբերութիւնների հոլովութը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետեւում անգտանելի մի աշխարհի, որի կարօտը միշտ զգում էինք եւ ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած եւ կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Արցախը Հայաստանի անվտանգութեան թիկունքն է
    Արցախը Հայաստանի անվտանգութեան թիկունքն է

    Ինչպէս Սօս Սարգսեան ըսած է, «Ձեզի համար Ղարաբաղը հողատարածք է, մեզի համար հայրենիք է»: Պատմական ճշմարտութիւն եւ քաղաքական տրամաբանութիւն կայ այս հաստատումին մէջ։

    Եւ կայ աւելին։ Արցախի պահպանումը աշխարհաքաղաքական պարտադրանք է ու հայրենիքի անվտանգութեան ճիշդ ռազմավարութեան հրամայականն է։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։