Հա

Քաղաքական

10/10/2018 - 08:15

Յայտարարութիւն. «ՀՀԿ-ն չունէր եւ չունի մտադրութիւն առաջադրելու վարչապետի իր թեկնածուն»

ՀՀ ԱԺ ՀՀԿ խմբակցութիւնը հանդէս է եկել արտահերթ խորհրդարանական ընտրութիւնների վերաբերեալ յայտարարութեամբ:

«alikonline.ir» - ՀՀ ԱԺ ՀՀԿ խմբակցութիւնը հանդէս է եկել արտահերթ խորհրդարանական ընտրութիւնների վերաբերեալ յայտարարութեամբ: Տեղեկացնում է «yerkir.am»-ը:

Ինչպէս տեղեկացրին ՀՀԿ լրատւական ծառայութիւնից,  ՀՀԿ խմբակցութեան յայտարարութեան մէջ ասւում է.

«Մենք հոգեհարազատ ենք մնում մեր որդեգրած քաղաքականութեանը եւ չենք խոչընդոտում ՀՀ կառավարութեան աշխատանքներին: Արտահերթ խորհրդարանական ընտրութիւնների հետ կապւած բազմիցս արտայայտել ենք մեր այն դիրքորոշումը, որ դէմ չենք արտահերթ խորհրդարանական ընտրութիւններին, որի պատասխանատւութիւնն ամբողջութեամբ ՀՀ կառավարութեանն է:

Մեր պատկերացմամբ, արտահերթ խորհրդարանական ընտրութիւնների համար ողջամիտ ժամկէտը մայիս-յունիս ամիսներն են, որի դէպքում հնարաւոր կը լինի խորհրդարանական պետութեանը հարիր խորհրդարան ձեւաւորելու համար լիարժէք քննարկել Ընտրական օրէնսգրքի փոփոխութիւնները խորհրդարանական եւ արտախորհրդարանական ուժերի, հասարակական կազմակերպութիւնների, ՀՀ-ում գործող միջազգային կառոյցների, դեսպանութիւնների, Վենետիկի յանձնաժողովի, ԵԱՀԿ ԺՄԻԳ մոնիթորինգի յանձնաժողովի հետ:

Բացի այդ, նշւած ժամանակահատւածում հնարաւոր կը լինի պայմանաւորւածութիւններ ձեռք բերել միջազգային կառոյցների հետ՝ թափանցիկ ընտրութիւններ անցկացնելու համար անհրաժեշտ տեխնիկական բոլոր միջոցների ձեռքբերման համար:

Մենք մեր պատրաստակամութիւնն ենք յայտնել բոլոր քաղաքական ուժերի հետ մայիս-յունիս ամիսներին ընտրութիւններ անցկացնելու վերաբերեալ միասնական յայտարարութեամբ հանդէս գալու համար: Անկախ այս ամէնից, չընդունելով դեկտեմբեր ամսին արտահերթ խորհրդարանական ընտրութիւններ անցկացնելու վերաբերեալ ՀՀ կառավարութեան բերած հիմնաւորումները՝ Հանրապետական խմբակցութիւնը չունէր եւ չունի մտադրութիւն առաջադրելու վարչապետի իր թեկնածուն: Մեր արտայայտած այս մօտեցումների նպատակը մէկն է` ապահովել ժողովրդավարական սկզբունքներով նոր խորհրդարանի ձեւաւորումը»:

Յարակից լուրեր

  • «Ժամանակ». «ՀՀԿ-ն քաշում է բոլորին»
    «Ժամանակ». «ՀՀԿ-ն քաշում է բոլորին»

    «Ժամանակ» օրաթերթն իր այսօրւայ համարում գրում է. «Հայաստանի խորհրդարանի արտահերթ ընտրութեան գործընթացն անցնում է ընդդիմութեան անբնական փնտրտուքի ներքոյ: Բանն այն է, որ քաղաքական պայքարը ինքնին իշխանութեան փնտրտուք ենթադրող գործընթաց է, այսինքն ընտրութիւնը իշխանութիւն ձեւաւորելու հանրային միջոցառում է: Սակայն ներկայումս ստեղծւած է մթնոլորտ, որտեղ կայ տպաւորութիւն, թէ ձեւաւորւում է նաեւ ընդդիմութիւն: Աւելին, կայ համոզում՝ եւ իրաւացիօրէն, որ իշխանութիւնն արդէն ձեւաւորւած է եւ ընտրական գործընթացում դա ֆորմալութիւն է, եւ բուն խնդիրը ընդդիմութեան ձեւաւորումն է:

  • «Փաստ». «Վիգէն Սարգսեանը յեղաշրջում է արել ՀՀԿ-ում»
    «Փաստ». «Վիգէն Սարգսեանը յեղաշրջում է արել ՀՀԿ-ում»

    «Փաստ» օրաթերթը գրում է. «Ես երբեք ո՛չ մանդատի, ո՛չ ցուցակի համար կռիւ չեմ տւել, համոզւած եմ՝ Արմէն Աշոտեանը եւս, մեր պայքարը մանդատի համար չէ, մեր պայքարը գաղափարի, սկզբունքի համար է, մեր պայքարը ցուցակում լաւ տեղ ունենալու համար չէ, մենք ամէն մէկս ունենք մեր տեղը»,- ՀՀԿ ԳՄ նախօրէի նիստից առաջ լրագրողներին ասել է ՀՀԿ խօսնակ Էդւարդ Շարմազանովը՝ պատասխանելով ՀՀԿ նախընտրական ցուցակը իր, Արմէն Աշոտեանի ու Վիգէն Սարգսեանի կողմից գլխաւորելու հաւանականութեան մասին հարցին:

  • ՀՀԿ-ն մասնակցելու է ՀՀ ԱԺ ընտրութիւններին, ցուցակը կը գլխաւորի Վիգէն Սարգսեանը
    ՀՀԿ-ն մասնակցելու է ՀՀ ԱԺ ընտրութիւններին, ցուցակը կը գլխաւորի Վիգէն Սարգսեանը

    ՀՀԿ-ն յայտարարել է ՀՀ ԱԺ արտահերթ ընտրութիւններին մասնակցելու մտադրութեան մասին: Կուսակցութեան ցուցակը գլխաւորելու ՀՀ պաշտպանութեան նախկին նախարար Վիգէն Սարգսեանը: 

  • Արամ Սարգսեան. «ՀՀԿ-ն ու ՔՊ-ն կարող են դաշինք կնքել, որովհետեւ գաղափարական նոյն հարթութեան վրայ են»
    Արամ Սարգսեան. «ՀՀԿ-ն ու ՔՊ-ն կարող են դաշինք կնքել, որովհետեւ գաղափարական նոյն հարթութեան վրայ են»

    «Հանրապետական» կուսակցութիւնն ու «Քաղաքացիական պայմանագիր»-ը կարող են դաշինք կնքել, որովհետեւ այսօրւայ դրութեամբ գաղափարախօսական առումով նոյն հարթութեան վրայ են: Այս մասին երէկ՝ նոյեմբերի 10-ին յայտարարեց «Հանրապետութիւն» կուսակցութեան նախագահ Արամ Սարգսեանը` «Մենք» դաշինքի ստեղծման յուշագրի ստորագրումից յետոյ:

  • ՀՅԴ-ն վարչապետի թեկնածու չի առաջադրի
    ՀՅԴ-ն վարչապետի թեկնածու չի առաջադրի

    Ազգային ժողովի ՀՅԴ խմբակցութիւնը չի պատրաստւում ՀՀ վարչապետի թեկնածու առաջադրել, քանի որ խորհրդարանում եօթ հոգով ներկայացւած լինելու պայմաններում անտրամաբանական է նման առաջադրումը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։