Հա

Քաղաքական

10/10/2018 - 14:20

Հայկ Մարութեան. «Նոր Հայաստանի կանոններով աշխատել ցանկացողները կը շարունակեն պաշտօնավարել»

Այսօր, Երեւանի նորընտիր աւագանու անդրանիկ նիստից յետոյ Երեւանի քաղաքապետ Հայկ Մարութեանը պատասխանեց լրագրողների հարցերին:

«alikonline.ir» - Այսօր, Երեւանի նորընտիր աւագանու անդրանիկ նիստից յետոյ Երեւանի քաղաքապետ Հայկ Մարութեանը պատասխանեց լրագրողների հարցերին:

Հարցին, թէ, իր կարծիքով, քաղաքապետարանում սեւ ուժեր կա՞ն, Մարութեանը պատասխանեց, որ սեւ-սպիտակը  կախւած էր միայն նախընտրական փուլի եւ ընտրութիւններին խանգարել չխանգարելու հետ: Գրում է «yerkir.am»-ը:

Ճշտող հարցին, թէ փոփոխութիւններ անելիս հաշւի չե՞ն առնւելու մարդկանց՝ սեւ կամ սպիտակ լինելը, Մարութեանն արձագանգեց, թէ հարցի իմաստը չի հասկանում: Պարզաբանմանը, որ, օրինակ, խօսքը կուսակցական պատկանելութեան մասին կարող է լինել, պատասխանեց, որ կուսակցական պատկանելութիւնն այս պահին կարեւոր չէ: «Մեզ համար մարդու պրոֆեսիոնալ կամ ոչ պրոֆեսիոնալ լինելն է էական»,- յաւելեց Երեւանի քաղաքապետը:

Մարութեանի խօսքով՝  մարդիկ՝ պրոֆեսիոնալները, ովքեր ուզում են աշխատել նոր Հայաստանի կանոններով, պատրաստ են ծառայել Երեւանի բնակիչներին, կարող են շարունակել պաշտօնավարել:  Ըստ նրա՝ բնականաբար, լինելու է նաեւ անհատական մօտեցում: «Գոյութիւն ունի ինստիտուցիոնալ յիշողութիւն, եւ եթէ մարդն ունի դա ու պատրաստ է ծառայել՝, նրան հանել, բերել նոր մարդ, ով թէկուզ լաւ մասնագէտ է, բայց մինչեւ խորանայ խնդիրների մէջ, ժամանակ կանցնի, ես չեմ տեսնում դրա պատճառը: Իմ որոշումը կայանալու է նաեւ այն փաստերի հիման վրայ, թէ արդեօ՞ք կը կարողանան այդ մարդիկ աշխատել նոր Հայաստանի կանոններով: Ինքնանպատակ ինչ-որ մէկին փոխելու ցանկութիւն չունեմ»,- ասաց Երեւանի նոր քաղաքապետը:

Մարութեանն, այնուամենայնիւ, յստակեցրեց, որ այս ամէնը չի նշանակում, որ բոլորը մնում են, քանի որ շատերը զբաղեցրել են պաշտօններ եւ չեն իմացել՝ ինչ են անում:

Նշենք որ, Երեւանի նորընտիր քաղաքապետի երդման արարողութիւնը կը կատարւի հոկտեմբերի 13-ին Երեւանի քաղաքապետարանում:

Յարակից լուրեր

  • Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը
    Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը

    Ճապոնիայում հին ժամանակներում ապրել է երկու գորտ, մէկը՝ քաղաքամայր Կիոտոյում, միւսը՝ Օսակայում։ Երբ մի տարի շոգ ամռանը ցամաքում են Կիոտոյի գետակներն ու ջրանցքները, չորանում է նաեւ գորտի պալատական փոքրիկ ջրհորը, եւ գորտը որոշում է մեկնել Օսակա՝ մտածելով, որ քաղաքը ծովափին է, իսկ ինքը կեանքում ծով չի տեսել, ուստի՝ հա՛մ ծով կը տեսնի, հա՛մ գեղեցիկ Օսական կը վայելի, հա՛մ էլ չի տառապի Կիոտոյի ջրհորի չորութիւնից։ Եւ գորտը դուրս է գալիս իր տնից եւ ուղեւորւում դէպի Օսակա։

  • Գերագոյն նպատակի նոր փորձաքարը...
    Գերագոյն նպատակի նոր փորձաքարը...

    Ժողովուրդների ինքնաճանաչման ու ինքնահաստատման մնայուն երաշխիքը, յատկապէս որպէս ազգ-միաւոր, պետական անկախութիւնն է… հայութիւնն ու Հայաստան աշխարհը դա ճաշակում են արդէն 28 տարի՝ օրինաչափ վերիվայրումներով հանդերձ, որոնց մեկնակէտը, եւ ամենանշանակալին, նոյնինքն Անկախութեան վերանւաճումն էր՝ եօթ տասնամեակ անց:

  • Իշխանութեան «թաւշեայ» տրամաբանութիւնը
    Իշխանութեան «թաւշեայ» տրամաբանութիւնը

    Հայաստանի «թաւշեայ» իշխանութիւնների գործողութիւնների տրամաբանութիւնը մէկ տարուց աւելի ալեկոծում է հայկական իրականութիւնը: Վերջապէս, ի՞նչ նպատակներ են հետապնդում գործող իշխանութեան այս կամ այն քայլերը եւ ո՞րն է ընդհանուր ռազմավարութիւնը, որի շրջանակներում կատարւում են այդ քայլերը:

  • Փաշինեանը կու գայ… Փաշինեանը կու գայ…
    Փաշինեանը կու գայ… Փաշինեանը կու գայ…

    Շուտով, Հայաստանի Հանրապետութեան վարչապետը Լոս Անճելըս կը հասնի, աւելի ճիշդ պիտի ժամանէ։

    Արդէն շաբաթներէ ի վեր հայրենի եւ Սփիւռքի եւ յատկապէս Քալիֆորնիոյ հայ մամուլն ու հայկական հեռատեսիլի գրեթէ բոլոր կայանները, ամէնօրեայ յիշեցում-ծանուցումներ կը կատարեն, նոյնիսկ վարչապետի խօսք-հրաւէրով։

  • Պէտք չէ մսխուի անկախութեան ներուժը
    Պէտք չէ մսխուի անկախութեան ներուժը

    «21 սեպտեմբեր 1991»-ը հայոց նորագոյն պատմութեան մէջ Հայաստանի վերանկախացման խորհուրդի նշանակալից նուաճումն է, 1918-ի Հայաստանի Հանրապետութեան պատմականօրէն անգերազանցելի հռչակումին մերօրեայ նուիրագործումը, որուն մէջ մարմնացաւ Մայիսեան անկախութեան անկատար մնացած երազանքը ու հայ ժողովուրդի ազատ ու անկախ ապրելու, իր հայրենիքը պետականօրէն արմատաւորելու եւ քաղաքականօրէն ամրապնդելու հաստատ ու միակամ ձգտումը։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։