Հա

Քաղաքական

14/10/2018 - 08:20

Ջասթին Թրուդոն Հայաստանում կանադական ընկերութիւններին հետաքրքրող ներդրումների մեծ ներուժ է տեսնում

Հայաստանում ներդրումների մեծ պոտենցիալ կայ, որոնք հետաքրքիր են կանադական ընկերութիւններին ու կանադահայերին: «Արմէնպրես»-ի փոխանցմամբ՝ այս մասին հոկտեմբերի 13-ին ՀՀ վարչապետի ու Կանադայի վարչապետի համատեղ մամուլի ասուլիսի ընթացքում ասաց Կանադայի վարչապետ Ջասթին Թրուդոն:

«alikonline.ir» - Հայաստանում ներդրումների մեծ պոտենցիալ կայ, որոնք հետաքրքիր են կանադական ընկերութիւններին ու կանադահայերին: «Արմէնպրես»-ի փոխանցմամբ՝ այս մասին հոկտեմբերի 13-ին ՀՀ վարչապետի ու Կանադայի վարչապետի համատեղ մամուլի ասուլիսի ընթացքում ասաց Կանադայի վարչապետ Ջասթին Թրուդոն:

«Հայաստանի ու Կանադայի միջեւ կան արդէն ձեւաւորւած տնտեսական ու բիզնես յարաբերութիւններ: Մենք քննարկեցինք մի քանի ասպարէզներ, որտեղ կարող ենք խորացնել այդ յարաբերութիւնները: Հայաստանում մեծ պոտենցիալ կայ ներդրումների, որոնք հետաքրքիր են կանադական ընկերութիւններին ու կանադահայերին»,- ասաց Թրուդոն:

Թրուդոն նշեց, որ Նիկոլ Փաշինեանը գիտի, որ կուռ տնտեսութիւն ստեղծելու համար հարկաւոր է ժողովրդի վստահութիւնը:«Նա հասկանում է, որ ժողովրդի վստահութիւնը շահելը էական եւ կենտրոնական առանցք է հանդիսանում կուռ տնտեսություն կառուցելու համար: Նիկոլը խօսեց այն մասին, որ պէտք է քաղաքացիներին ազատ կամարտայայտման հնարաւորութիւն տալ»,- նշեց վարչապետը:

ՀՀ վարչապետը իր հերթին նշեց, որ կարեւոր է արձանագրել, թէ ինչ փոփոխութիւններ են տեղի ունեցել Հայաստանում:

«Մեր խօսակցութեան առաջին իսկ րոպէներից Ջասթինն իր պատրաստակամութիւնն է յայտնել աջակցել կանադական ներդրումների ակտիւացմանը: Մեր պետական ճաշին մասնակցում էին կանադացի գործարարներ, ովքեր մտադիր են ընդլայնել իրենց ներդրումների ծաւալը: Ես խնդրեցի, որպէսզի Հայաստանում տեղի ունեցող պրոցեսներն աւելի ճիշտ փոխանցւի Կանադայի բիզնես միջավայրին: Կարեւոր է արձանագրել, որ այդ առնչութիւնները ոչ թէ մեր գործողութիւններն են կանխելու համար որեւէ ներդրում, այլ մենք ուզում ենք ստեղծել մի միջավայր, որտեղ տնտեսական գործունէութիւնը պայմանաւորւած չէ այս կամ այն պաշտօնեայի քմահաճոյքներով: Հայաստանում տեղի ունեցած հիմնական փոփոխութիւնը հետեւեալն է, որ վարչապետը ներկայացնում ու միշտ ներկայացնելու է ժողովրդին: Այս քաղաքական փոփոխութիւններին ակտիւ ներկայացւած է եղել ընդհանրապէս ողջ հայութիւնը: Մենք ակտիւ աջակցութիւն են ստացել նաեւ Կանադայի հայութիւնից: Չկայ որեւէ հայ համայնք, որն աջակցութիւն չի ցուցաբերել թաւշեայ յեղափոխութեանը: Առաջիկայում կայանալիք ընտրութիւնների առանցքային իմաստը նոյնպէս սա է, որ բոլոր պետական կառավարման բոլոր մարմիններում պէտք է լինեն մարդիկ, ովքեր ներկայացնում են ժողովրդին: Նրանք, ովքեր յայտնւեն վարչապետի կարգավիճակում, պէտք է լիազօրւած լինեն ժողովրդի կողմից: Հայաստանում այլեւս երբեք ընտրութիւնները չեն կեղծւելու ու չի արհամարհւելու ժողովրդի կամարտայայտութիւնը: Որեւէ կասկած չկայ, որ այս փոփոխութիւնն ընդմիշտ ուղեկցելու է մեզ: Սա ոչ միայն մեր քաղաքական թիմի, այլեւ ողջ ժողովրդի պատկերացումն է: Այս յեղափոխութիւնն արել է ժողովուրդն ու նրանց է պատկանում Հայաստանի իշխանութիւնն ու այդպէս լինելու է միշտ: Մենք այս հարցում ունենք լիակատար ըմբռնում»,- նշեց ՀՀ վարչապետը:

Յարակից լուրեր

  • Թուրք դեսպան.  «Թուրքիան չի բացել իր սահմանները Հայաստանի բեռնատարների համար»
    Թուրք դեսպան. «Թուրքիան չի բացել իր սահմանները Հայաստանի բեռնատարների համար»

    Նախօրէին թուրքական յայտնի «Haberturk» պորտալը, Թուրքիայում գործող` Հայկական անհիմն պնդումների դէմ պայքարի միութեան ղեկավար Գեոքսէլ Գիւլբէյին յղումով,  յայտնել էր, որ Անկարան թոյլ է տւել 400 հայկական բեռնատարների ամէն տարի Տրապիզոնի նաւահանգստից բեռնափոխադրումներ իրականացնել, ընդ որում` թոյլտւութիւնը տրամադրել է Վրաստանում Թուրքիայի դեսպանատունը:

  • «Ապառաժ»-ի խմբագրական. Դաշնակցութեան ներկայութիւնը՝ աներկբայ ու անփոխարինելի
    «Ապառաժ»-ի խմբագրական. Դաշնակցութեան ներկայութիւնը՝ աներկբայ ու անփոխարինելի

    Հայ իրականութեան մէջ վերջին 30 տարիներին ձեւաւորւած քաղաքական դաշտում ժամանակ առ ժամանակ ականատեսը եղանք քաղաքական ուժերի, որոնք անամպ երկնքում անհետացող ասուպների նման մի պահ երեւացին ու անհետացան: Քաղաքականութեան մէջ լինելն ինքնին պատասխանատւութիւն է, պատասխանատւութիւն, որը պէտք է կարողանալ կրել յարատեւօրէն, իսկ այդ պատասխանատւութեան զգացումը արտացոլւում է այն ժամանակ, երբ քաղաքականութիւն ես մտնում գաղափարական հենքով:

  • Լարիսա Ալավերդեան. «Արցախի հարցի ռազմավարութեան մէջ որեւէ նորութիւն ոչ միայն չի նկատւում, այլ հակառակը՝ կան թուլացման միտումներ»
    Լարիսա Ալավերդեան. «Արցախի հարցի ռազմավարութեան մէջ որեւէ նորութիւն ոչ միայն չի նկատւում, այլ հակառակը՝ կան թուլացման միտումներ»

    Արցախի հարցի վերաբերեալ անորոշութիւնն այսօր շատ աւելի մեծ է, քան եղել է նախկինում: «tert.am»-ի հետ զրոհցում նման տեսակէտ յայտնեց ՀՀ մարդու իրաւունքների առաջին պաշտպան Լարիսա Ալավերդեանը:

  • Խմբագրական. Ընտրական մշակոյթի կայացման կրամայականը
    Խմբագրական. Ընտրական մշակոյթի կայացման կրամայականը

    Պաշտօնական Երեւանը իր առջեւ դրած է առաջադրանք` 9 դեկտեմբերի արտահերթ խորհրդարանական ընտրութիւնները աննախադէպ կազմակերպելու եւ կայացնելու առումով: Աննախադէպ ո՛չ միայն Հայաստանի վերանկախ հանրապետութեան պատմութեան մէջ, այլ նաեւ պաշտօնապէս կը յայտարարէ, որ ընտրութիւնները պէտք է կատարուին միջազգային ամէնէն բարձր նշաձողերը նուաճելով:

  • Բելառուսիայի ԱԳՆ-ի կոշտ պատասխանը՝ Փաշինեանին
    Բելառուսիայի ԱԳՆ-ի կոշտ պատասխանը՝ Փաշինեանին

    Բելառուսական «tut.by» պորտալը խնդրել է Բելառուսիայի ԱԳՆ մամուլի խօսնակ Ա. Գլազին մեկնաբանել ՀՀ վարչապետի պաշտօնակատար Նիկոլ Փաշինեանի՝ նոյեմբերի 16-ին արած յայտարարութիւնը, թէ նա բացատրութիւն կը պահանջի Բելառուսիայի նախագահ Ալեքսանդր Լուկաշենկոյից Ադրբեջանի դեսպանի հետ ՀԱՊԿ գլխաւոր քարտուղարի հարցը քննարկելու համար: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։