Հա

Քաղաքական

17/10/2018 - 12:10

Նիկոլ Փաշինեան. «Ընտրութիւններին կը գնանք առանց «Ելք»-ի գործընկերների»

Պատասխանելով «Ազատութիւն» ռադիոկայանի հարցերին եւ անդրադառնալով վարչապետի թեկնածու առաջադրւելու, բայց չընտրւելու տարբերակին, նա նշեց, որ դա քաղաքական հարց չէ: Իրաւական հարց է:

«alikonline.ir» - ՀՀ վարչապետի պաշտօնակատար Նիկոլ Փաշինեանը Հիւսիսային պողոտայում այսօր առաւօտեան շրջել է սիրիահայերի ցուցահանդէս-տօնավաճառում: Այս մասին տեղեկացնում է «yerkir.am»-ը:

Պատասխանելով «Ազատութիւն» ռադիոկայանի հարցերին եւ անդրադառնալով վարչապետի թեկնածու առաջադրւելու, բայց չընտրւելու տարբերակին, նա նշեց, որ դա քաղաքական հարց չէ: Իրաւական հարց է:

«Իրաւաբանների բանավէճեր են տեղի ունենում: Ճիշտն ասած՝ օրւայ երկրորդ կէսի քննարկումների արդիւնքում աւելի ծանրակշիռ էր այն կարծիքը, որ ընդհանրապէս այդպիսի մեկնաբանութիւնը ճիշտ չէ՝ կապւած առաջադրման անհրաժեշտութեան հետ: Մեկնաբանութիւններ կան, որ, եթէ անգամ առաջադրւի, հնարաւոր է՝ պատգամաւորները չներկայանան, եւ քւորում չլինի»,- ասաց նա:

Փաշինեանն ընդգծեց, որ ՔՊ-ն ԱԺ արտահերթ ընտրութիւններին առանձին է մասնակցելու: «Կամ էլ եթէ դաշինքով, ապա` «Իմ քայլը» դաշինքի ֆորմատով: Մեծ հաւանականութեամբ այդպէս էլ տեղի կունենայ, բայց քանի որ դեռ վերջնական որոշում չի կայացւել, չնայած դեռ քաղաքապետի ընտրութիւնների ժամանակ էր կարծես որոշում կայացւել, որ պէտք է «Իմ քայլը» դաշինք լինի»,- ընդգծեց Փաշինեանը:

Հարցին, թէ «Ելք»-ի իրենց գործընկերները կը լինե՞ն դաշինքում, վարչապետի պաշտօնակատարը պատասխանեց. «Չեմ կարծում, որովհետեւ ասացի, որ Երեւանի աւագանու ընտրութիւնների ֆորմատով ենք գնալու»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։