Հա

Քաղաքական

03/11/2018 - 13:50

ՀՀ ԱԺ փոխնախագահ. «Հայ-իրանական սահմանը չի փակւի»

«Աստւած չանի, որ հայ-իրանական սահմանը փակւի»,- այսպէս է արձագանգում խորհրդարանի փոխնախագահ Միքայէլ Մելքումեանը վարչապետ Նիկոլ Փաշինեանի երէկւայ այն յայտարարութեանը, որ այդ սահմանն ամէն վայրկեան կարող է փակւել ամերիկա-իրանական յարաբերութիւնների պատճառով։ 

«alikonline.ir» - «Աստւած չանի, որ հայ-իրանական սահմանը փակւի»,- այսպէս է արձագանգում խորհրդարանի փոխնախագահ Միքայէլ Մելքումեանը վարչապետ Նիկոլ Փաշինեանի երէկւայ այն յայտարարութեանը, որ այդ սահմանն ամէն վայրկեան կարող է փակւել ամերիկա-իրանական յարաբերութիւնների պատճառով։ Գրում է «factor.am»-ը:

«Սահման փակե՞լ։ Էստեղ երեւի խօսքը ֆիզիկապէս սահմանը փակելու մասին չէ, այլ տնտեսական յարաբերութիւնների հոսքերի մասին։ Ֆիզիկապէս սահմանը չի փակւի։ Իսկ ի՞նչ ունենք մենք Իրանի հետ։ Երկաթուղի չկայ, մենք ունենք բեռնատար հոսքեր, որոնք աւելի շատ Իրանից են գալիս, եւ այն տարանցիկ ճանապարհ է, այսինքն՝ Սեւ ծովից դէպի Իրան»,- ասում է ՀՀ ԱԺ փոխնախագահ Միքայէլ Մելքումեանը։

Ըստ Միքայէլ Մելքումեանի, բացառւում է, որ ամերիկացի դիւանագէտ Ջան Բոլթոնը Հայաստանում գտնւելու ընթացքում Նիկոլ Փաշինեանի առջեւ հայ-իրանական 42 կմ-անոց սահմանը փակելու հարց դրած լինի։ Նա նկատում է, որ «եթէ լարւածութեան աստիճանը, սանկցիաներն Իրանի նկատմամբ յանգեցնելու են որոշակի ինչ-որ կոնւենցիաների, միջպետական համաձայնագրերի, պայմանագրերի կատարմանը, որոնց միացել ենք, ուրեմն պէտք է էդ ամբողջ փաթեթը ուսումնասիրել, հասկանալ՝ արդեօք էնտեղ կա՞ն դրոյթներ, որոնք ինչ-որ մի պահի, երբ յարաբերութիւնները լարւեն, կը բերեն մեր պարտաւորութիւնների կատարմանը։ Սա պէտք է վերլուծել եւ քննարկել։ Բայց ես կարծում եմ, որ մօտ ապագայում էդ խնդիրը չի լինի»։

Հայաստան-Իրան յարաբերութիւններն, ըստ Միքայել Մելքումեանի, չպէտք է կառուցւեն ուրիշ երկրների հաշւին, դրանք պէտք է սպասարկեն մեր պետական շահը։ Փաստ է, որ, խորհրդարանի փոխնախագահի համոզմամբ, Ջան Բոլթոնը Հայաստանում ներկայացրել է Ամերիկայի շահը․ «Բոլթոնը էստեղ պէտք է գար ներկայացնելու ամերիկեան դիվանագիտութեան եւ Միացեալ Նահանգների շահերից բխող տարածաշրջանային խնդիրների մոնիտորինգը եւ ուսումնասիրութիւնը նոր քաղաքական ղեկավարութեան պայմաններում. արդեօք փոփոխութեան ենթարկւե՞լ է արտաքին քաղաքականութեան վեկտորը եւ արդեօք այդ հնարաւորութիւնը կա՞յ։ Որովհետեւ ինչ կար նախկինում բոլորը գիտէին»։

Միքայէլ Մելքումեանը վեկտոր փոփոխելու մէջ այսօր լաւ բան չի տեսնում, դա, ըստ նրա, չի բխի Հայաստանի պետական շահից՝ պէտք է պահպանել բարիդրացիական յարաբերութիւններն Իրանի հետ: «Իրանը մեր այլընտրանքային ուղին է եւ մեր հարեւանը, որի հետ պէտք է պահպանել խաղաղութիւն»,- արձանագրում է ԱԺ փոխնախագահը։

Պատգամաւորը ենթադրում է, որ միայն ֆորս-մաժորային իրավիճակների դէպքում կարելի է մտածել Իրանի հետ յարաբերութիւնների սահմանափակման մասին, բայց դա կոնկրետ իրավիճակ պէտք է լինի։ Իսկ ահա Իրանի հետ ռազմական գործողութիւնների դէպքում էլ պէտք է յիշել, թէ Հայաստանը ինչ պայմանաւորւածութիւններ ունի։ Պարոն Մելքումեանը զգուշացնում է․ «Մենք ՀԱՊԿ-ում ենք, եւ եւ ՀԱՊԿ-ում լինելու հանգամանքը էդ առումով որոշակի պայմանաւորւածութիւններ է ստանձնում»։

Յարակից լուրեր

  • Իրանը եւ ԵՄ-ն կարեւորել են Եմէնի խաղաղութեան համաձայնագրի իրագործումը
    Իրանը եւ ԵՄ-ն կարեւորել են Եմէնի խաղաղութեան համաձայնագրի իրագործումը

    Եմէնի ճկնաժամի կապակցութեամբ, Իրանի եւ Եւրոմիթեան միջեւ կայացած բանակցութիւնների 5-րդ փուլի աւարտին, ԵՄ-ն հանդէս է եկել հաղորդագրութեամբ, որում կողմերի անունից, կարեւորւել է Եմէնի ճգնաժամաի կարգաւրման կապակցութեամբ, Ստոկհոլմի համաձայնագրի, մասնաւորապէս Ալ Հոդայդէ նաւահանգստում կրակի դադերացման մասին պայմանաւորւածութեան ամբողջական իրագործումը:

  • «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին
    «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին

    Թէեւ ՀՀ վարչապետի վկայութեամբ բանակցութիւններ չեն ընթանում Ադրբեջանի եւ ՀՀ իշխանութիւնների միջեւ, սակայն հանդիպումների, ծանօթութիւնների եւ անցեալի պատմութեան յուշերի փոխանակման արդիւնքում պէտք է խոստովանել, որ ղարաբաղա-ադրբեջանական սահմանային գօտում փոխհրաձգութիւնները նւազել են:

  • «Դամասկոսի, Թեհրանի եւ Բաղդադի յարաբերութիւնները չափազանց ամուր են». Ասադ
    «Դամասկոսի, Թեհրանի եւ Բաղդադի յարաբերութիւնները չափազանց ամուր են». Ասադ

    Մարտի 18-ին, Սիրիայի նախագահ Բաշշար Ասադը հանդիպել է Իրանի եւ Իրաքի զինւորական պատւիրակութիւնների հետ, որոնք Դամասկոսում էին, մասնակցելու տարածաշրջանում ահաբեկչութեան դէմ պայքարի կապակցութեամբ Սիրիայի, Իրանի եւ Իրաքի եռակողմ խորհրդակցութեանը:

  • ՀՀ վարչապետի Իրան այցի յատկանշելին…
    ՀՀ վարչապետի Իրան այցի յատկանշելին…

    Իրան-Հայաստան յարաբերութիւններում, 2019 թւականի փետրւարի 27-ին ՀՀ վարչապետ Ն. Փաշինեանի եւ նրան ընկերակցող պատւիրակութեան այցը յատկանշական պէտք է համարել, քանի որ. Հայաստանում իշխանափոխութիւնից յետոյ, մտահոգութիւն էր առաջացել այն մասին, թէ հնարաւոր է պաշտօնական Երեւանի քաղաքական արեւելման փոփոխութիւնը՝ հիւսիս-հարաւից դէպի Արեւմուտք: Այլ խօսքով, արեւելեան օրիենտացիան պէտք է, որ զիջէր արեւմտեանին:

  • «Հայրենիք»-ի խմբագրական. Համերաշխութի՞ւն, թէ՞ հայատեացութիւն
    «Հայրենիք»-ի խմբագրական. Համերաշխութի՞ւն, թէ՞ հայատեացութիւն

    Բեղուն գործունէութեան մէջ է ԵԱՀԿ-ի Մինսքի խումբը, որ դրական վերլուծումով հաղորդագրութիւն մը լոյս ընծայած էր, տեղեկացնելով, թէ պատշաճ միջավայրի պահպանման անհրաժեշտութեան դիմաց, կ՛ողջունէ Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի միջեւ յառաջիկային սպասուող՝ առաջին ուղղակի շփումներու պատրաստակամութիւնը։

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։