Հա

Քաղաքական

06/11/2018 - 13:20

«Հայ-իրանական սահմանը ոչ մի վայրկեան չի կարող փակւել». իրանագէտը՝ Իրանի հետ սահմանը փակելու՝ Փաշինեանի յայտարարութեան մասին

«Նախքան վարչապետի պաշտօնակատար Նիկոլ Փաշինեանի՝ հայ-իրանական սահմանն ամէն պահի դէ ֆակտօ փակելու վերաբերեալ յայտարարութիւնը վերլուծելը, պետք է տեսնել, թէ ի՞նչ համատեքստում է այն արւել, միեւնոյն ժամանակ, սակայն պէտք է նշեմ, որ, բոլոր դէպքերում, նման ձեւակերպումներով նախադասութիւն հանրային տիրութիւմ հնչեցնելը ճիշտ համարել չի կարելի։ Այդ նախադասութիւնը տեղիք է տալիս թիւրընկալումների՝ այն էլ նախընտրական Հայաստանում, երբ ամէն մի նման միտքը կարող է օգտագործվել քարոզչական նպատակներով»,- այս մասին «factor.am»-ի հետ զրոյցում ասաց իրանագէտ Վարդան Ոսկանեանը։

«alikonline.ir» - «Նախքան վարչապետի պաշտօնակատար Նիկոլ Փաշինեանի՝ հայ-իրանական սահմանն ամէն պահի դէ ֆակտօ փակելու վերաբերեալ յայտարարութիւնը վերլուծելը, պետք է տեսնել, թէ ի՞նչ համատեքստում է այն արւել, միեւնոյն ժամանակ, սակայն պէտք է նշեմ, որ, բոլոր դէպքերում, նման ձեւակերպումներով նախադասութիւն հանրային տիրութիւմ հնչեցնելը ճիշտ համարել չի կարելի։ Այդ նախադասութիւնը տեղիք է տալիս թիւրընկալումների՝ այն էլ նախընտրական Հայաստանում, երբ ամէն մի նման միտքը կարող է օգտագործվել քարոզչական նպատակներով»,- այս մասին «factor.am»-ի հետ զրոյցում ասաց իրանագէտ Վարդան Ոսկանեանը՝ շեշտելով, որ Նիկոլ Փաշինեանի յայտարարութեան վերաբերեալ շատ կարեւոր են լինելու իրանական կողմի դիտարկումները։

Իրանագէտի համոզմամբ՝ հայ-իրանական սահմանը ոչ մի վայրկեան չպէտք է փակւի եւ նոյն խնդիրը դրւած է նաեւ հայ-վրացական սահմանի հարցում, քանի որ մեզ համար կենսական անհրաժեշտութիւն է Իրան եւ Վրաստան Հայաստանի ելքերը արդիականացնելն ու նոր կոմունիկացիաներով հարստացնելը։

Խօսելով Արցախեան հիմնախնդիր ունեցող երկրի համար Իրանի հետ սահմանի փակման վտանգի մասին՝ Վարդան Ոսկանեանը նշեց, որ արցախեան հատւածում Իրանի հետ ունեցած սահմանը չափազանց կարեւոր է հէնց Իրանի համար, որովհետեւ այդ սահմանի գոյութեամբ է, որ իրանցիները յաղթահարում են իրենց որոշ խնդիրները։ «Յստակ է, սակայն, մէկ բան՝ Հայաստան-Իրան սահմանն անկախ նրանից, թէ Արցախեան հակամարտութիւնը ե՞րբ կը կարգաւորւի, կը կարգաւորւի, թէ ոչ, պէտք է գործի, եւ մենք պէտք է օգտագործենք այդ սահմանի ողջ հնարաւորութիւնները՝ այդ ուղղութեամբ լուրջ աշխատանքներ տանելով իրանական վերնախաւի հետ։

Իրանի հետ յարաբերութիւնները շատ կարեւոր են մեր երկրի անվտանգութեան համար, եւ որեւէ երկիր չպէտք է հրաժարւի իր անվտանգութեան բաղադրիչից, առաւել եւս՝ երբ այլ բաղադրիչ չի էլ առաջարկւում»,- ասաց Ոսկանեանը։

Անդարդառնալով ամերիկեան պատժամիջոցների նոր փաթեթին եւ մեր տնտեսութեան վրայ դրանց հնարաւոր բացասական ազդեցութեանը՝ իրանագէտը նշեց, որ դրանք կարող են որոշակի ազդեցութիւն ունենալ միայն բանկային ոլորտի վրայ, որտեղ կայ հայ-իրանական տնտեսական համագործակցութիւն։

«Այդ պատժամիջոցների գոյութիւնը, սակայն, որոշակի վախի մթնոլորտ է ի յայտ բերել հայ գործարարների շրջանում, սակայն կարծում եմ, որ Հայաստանն ու Իրանն իրենց համագործակցութիւնը պէտք է զարգացնեն՝ առանց հաշւի առնելու երրորդ երկրի հետ ունեցած տարաձայնութիւնները։ Այդ պատժամիջոցներն անյաղթահարելի խոչընդոտ համարելը սխալ կը լինի։ Կարծում եմ՝ պատժամիջոցները նոր հնարաւորութիւններ են բացում Հայաստանի դերակատարութիւնն Իրանի հետ յարաբերութիւնների համատեքստում մեծացնելու համար»,- ընդգծեց իրանագէտը։

Անդրադառնալով իրանական պատժամիջոցների հետեւանքով՝ Ադրբեջանի՝ իրանական գազից հրաժարւելու եւ Գազպրոմին դիմելու որոշմանը, Վարդան Ոսկանեանը հարց հնչեցեց․«Իսկ արդեօ՞ք Ադրբեջանը հրաժարւում է դէպի Նախիջեւան իրանական գազի ներմուծումից, որովհետեւ այս տարածաշրջանն է, որ մեծապէս կախում ունի իրանական գազի ներկրումից։ Այս համատեքստում կարելի է ասել, որ ադրբեջանական կողմն այդ որոշմամբ մասնակցում է հակաիրանական գործողութիւնների ծրագրի, որն առաջնորդւում է ԱՄՆ-ի եւ այլ խաղացողների, մասնաւորապէս, Իսրայէլի կողմից։

Այնպէս որ, իրանական դիրքորոշումներում Ադրբեջանի վերաբերեալ պէտք է նկատւեն որոշակի շեշտադրումներ, քանի որ ակնյայտ է՝ ի տարբերութիւն Հայաստանի, Ադրբեջանը մասնակցել եւ մասնակցելու է հակաիրանական գործողութիւնների»,- ասաց նա։

Յարակից լուրեր

  • «Հայ-իրանական յարաբերութիւնների հարուստ օրկարգում որեւէ անիրագործելի բան չկայ». իրանագէտ
    «Հայ-իրանական յարաբերութիւնների հարուստ օրկարգում որեւէ անիրագործելի բան չկայ». իրանագէտ

    Երկու ամիս առաջ ՀՀ վարչապետ Նիկոլ Փաշինեանը պաշտօնական այցով մեկնեց Իրանի Իսլամական Հանրապետութիւն: Դա ՀՀ ղեկավարի առաջին այցն է Իրան 2018 թւականի գարնանը երկրում տեղի ունեցած թաւշեայ յեղափոխութիւնից յետոյ: «Politik.am»-ը իրանագէտ Վարդան Ոսկանեանից հետաքրքրւեց, արդեօք այս 2 ամսւայ ընթացքում հայ-իրանական յարբաերութիւններում ակնկալւող փոփխութիւն կամ դրան ուղղւած քայլեր ձեռնարկւել են` անդրադառնալով նաեւ այն դիտարկումներին, որ նախատեսւող ծրագրերից որոշները հնարաւոր չէ իրագործել:

  • «Իրանական գերտէրութեան պետականութեան ակունքները հասնում են միջագետք». Իրանագէտ
    «Իրանական գերտէրութեան պետականութեան ակունքները հասնում են միջագետք». Իրանագէտ

    Իրանագէտ Վարդան Ոսկանեանը «Facebook»-ի իր էջում գրել է. «Համաշխարհային պատմութեան հանդէպ ծաղրը նրանում է, որ Ատլանտեան ովկիանոսից այն կողմ ստեղծւած պետութեան ներկայ վարչակարգը յոխորտում է մի երկրի վրայ Միջագետքում (հիմա՝ Իրաքում) ներկայութիւն ունենալու պատճառով, այն դէպքում, երբ որպէս գերտէրութիւն այս երկրի պետականութեան ակունքները, որքան էլ պարադոքսալ թւայ, հասնում են հէնց նոյն այդ միջագետք եւ յարակից շրջաններ։

  • Մաշտոցի պողոտայում խորոված-քաբաբն ու նոր Մետաքսի ուղին
    Մաշտոցի պողոտայում խորոված-քաբաբն ու նոր Մետաքսի ուղին

    Իրանագէտ Վարդան Ոսկանեանը ֆէյսբուքի իր էջում գրել է. «Մինչ Մետաքսի ճանապարհին նշանակալի մշակութային եւ առեւտրական դերակատարութիւն ունեցած Հայաստանը եւ հայերս մեր մայրաքաղաքի կենտրոնում խորոված-քաբաբ ենք անում, նոյն այդ ճանապարհին նախկինում, որպէս կանոն, աւազակութեամբ զբաղւած որոշ ազգերի առաջնորդներ Չինաստանի մայրաքաղաքում մասնակցում են նոր Մետաքսի ուղուն նւիրւած գագաթնաժողովին։

  • Իրանագէտ. «Հայկական կողմի լաւագոյն պատասխանը կարող է լինել հիպերակտիւ քաղաքականութիւնը»
    Իրանագէտ. «Հայկական կողմի լաւագոյն պատասխանը կարող է լինել հիպերակտիւ քաղաքականութիւնը»

    Ռուսաստանի, Իրանի եւ Ադրբեջանի մասնակցութեամբ գագաթնաժողովի ձեւաչափը գործում է արդէն մի քանի տարի եւ միտւած է եռակողմ համագործակցութեան զարգացմանը։ Խօսքը վերաբերում է յատկապէս տրանսպորտի եւ էներգետիկայի ոլորտներին։

  • Վարդան Ոսկանեան. «Եթէ Իրանն ու ԱՄՆ ահաբեկչական ճանաչեն միմեանց ԶՈՒ-երը, դրանից կարող են բխել որոշակի գործողութիւններ»
    Վարդան Ոսկանեան. «Եթէ Իրանն ու ԱՄՆ ահաբեկչական ճանաչեն միմեանց ԶՈՒ-երը, դրանից կարող են բխել որոշակի գործողութիւններ»

    Ակնյայտ է, որ գործ ունենք Իրանի եւ Միացեալ նահանգների միջեւ քարոզչական տիրոյթում հերթական հոգեբանական պատերազմի դրսեւորման հետ, «Aysor.am»-ի թղթակցի հետ զրոյցում ասաց իրանագէտ Վարդան Ոսկանեանն՝ անդրադառնալով իրանական կողմի մտադրութեանը՝ ԱՄՆ զինւած ուժերը ճանաչելու որպէս ահաբեկչական կազմակերպութիւն։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։