Հա

Քաղաքական

15/11/2018 - 08:30

Ռուս ռազմական փորձագէտ. «Հայաստանի ու Ռուսաստանի միջեւ ռազմական դաշինքն է հանդիսանում զսպող գործօն Ադրբեջանի ու Թուրքիայի համար»

Եթէ Հայաստանի նկատմամբ ռազմական սպառնալիք առաջանայ, ապա Ռուսաստանը գործի կը դնի Հայաստանի հետ միացեալ զօրախումբը: Այդ մասին «ՌուսԱրմԻնֆօ»-ին տւած հարցազրոյցում ասել է ԱՊՀ երկրների ինստիտուտի տնօրէնի տեղակալ, ռուս ռազմական փորձագէտ Վլադիմիր Եւսէեւը՝ յաւելելով, որ նման սպառնալիք կարող է առաջանալ Թուրքիայի ու Ադրբեջանի կողմից:

«alikonline.ir» - Եթէ Հայաստանի նկատմամբ ռազմական սպառնալիք առաջանայ, ապա Ռուսաստանը գործի կը դնի Հայաստանի հետ միացեալ զօրախումբը: Այդ մասին «ՌուսԱրմԻնֆօ»-ին տւած հարցազրոյցում ասել է ԱՊՀ երկրների ինստիտուտի տնօրէնի տեղակալ, ռուս ռազմական փորձագէտ Վլադիմիր Եւսէեւը՝ յաւելելով, որ նման սպառնալիք կարող է առաջանալ Թուրքիայի ու Ադրբեջանի կողմից: Տեղեկացնում է «tert.am»-ը:

«Դա կարող է լինել, օրինակ, Լեռնային Ղարաբաղի խնդրի ուժային լուծման փորձը»,- ասել է փորձագէտը:

Ըստ նրա՝ ռազմական գործողութիւնների սկսման դէպքում Ռուսաստանը կուժեղացնի զօրախումբը Հարաւային ռազմական շրջանի զօրքի հաշւին:

«Միեւնոյն ժամանակ, կը կազմակերպւի Հայաստանի տարածքի պաշտպանութիւնը, օդային տարածքի փակումը եւ անհրաժեշտութեան դէպքում՝ սահմանների պաշտպանութեան ուժային ապահովումը»,- ասել է Վլադիմիր Եւսէեւը:

Փորձագէտը նշել է, որ աւելի վաղ ՌԴ Պետդումայի պաշտպանութեան եւ անվտանգութեան հարցերով յանձնաժողովի փոխնախագահ Իւրի Շւիտկինի խօսքերն արտայայտում են Ռուսաստանի պաշտօնական դիրքորոշումը: Շւիտկինը, մեկնաբանելով Հայաստանի անվտանգութեան հարցում Ռուսաստանի դերի մասին ՀՀ պաշտպանութեան նախարարի պաշտօնակատար Դաւիթ Տոնոյեանի յայտարարութիւնը, ասել էր, որ Ռուսաստանը պատրաստ է ռազմական ագրեսիայի դէպքում ապահովել Հայաստանի անվտանգութիւնը:

«Դա իրականութեան արտացոլումն է, եւ միայն դա է հանդիսանում զսպող գործօն ինչպէս Ադրբեջանի, այնպէս էլ Թուրքիայի համար»,- ասել է Վլադիմիր Եւսէեւը:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։