Հա

Քաղաքական

15/11/2018 - 10:20

Նախընտրական ցուցակներից մինչեւ խորհրդարանի ձեւաւորում. ովքեր եւ ինչպէս են յաւակնում կազմել եօթերորդ գումարման ՀՀ Ազգային ժողովը

 Նոյեմբերի 14-ին յայտնի դարձաւ Հայաստանի Ազգային ժողովի՝ դեկտեմբերի 9-ին կայանալիք արտահերթ ընտրութիւնների նախընտրական ողջ պատկերը: 

«alikonline.ir» - Նոյեմբերի 14-ին յայտնի դարձաւ Հայաստանի Ազգային ժողովի՝ դեկտեմբերի 9-ին կայանալիք արտահերթ ընտրութիւնների նախընտրական ողջ պատկերը: Գրում է «tert.am»-ը:

Քաղաքական ուժերը օրէնքի պահանջով ՀՀ Կենտրոնական ընտրական յանձնաժողով ներկայացրին ընտրութիւններին մասնակցելու համար անհրաժեշտ փաստաթղթերն ու նախընտրական ցուցակները:

Ըստ այդմ՝ ընտրութիւններին մասնակցելու է քաղաքական 11 ուժ, որից 2-ը՝ կուսակցութիւնների դաշինք:

«Իմ քայլը» դաշինքի մաս են կազմում ՀՀ վարչապետի պաշտոնակատար Նիկոլ Փաշինեանի ղեկավարած «Քաղաքացիական պայմանագիր» կուսակցութիւնն ու «Առաքելութիւն» կուսակցութիւնը:

Դաշինքի հնգեակում են Նիկոլ Փաշինեանը, առաջին փոխվարչապետի պաշտօնակատար Արարատ Միրզոյեանը, պատգամաւոր Լենա Նազարեանը, փոխվարչապետի պաշտօնակատար Տիգրան Աւինեանն ու ՀՀ կրթութեան եւ գիտութեան նախարարի պաշտօնակատար Արայիկ Յարութիւնեանը:

«Մենք» դաշինքը, որի մաս են կազմում «Ազատ Դեմոկրատներ» եւ «Հանրապետութիւն» կուսակցութիւնները, ներկայացրել է 144 հոգանոց ցուցակ:

Առաջին համարը «Հանրապետութիւն» կուսակցութեան նախագահ Արամ Սարգսեանն է, իսկ յաջորդ 2 համարները «Ազատ Դեմոկրատներ»-ի ներկայացուցիչներն են՝ նախագահ Խաչատուր Քոքոբելեանն ու փոխնախագահ Անժելա Խաչատրեանը: 4-րդ համարը ՀՀ արդարադատութեան նախարարի պաշտօնակատար Արտակ Զէյնալեանն է, իսկ 5-րդ տեղում Բորիս Նազարեանն է:

«Բարգաւաճ Հայաստան» կուսակցուեան 175 հոգանոց ցուցակը գլխաւորում է կուսակցութեան նախագահ Գագիկ Ծառուկեանը:

Նրան յաջորդում է ՀՀ ԱԺ փոխնախագահ Միքայէլ Մելքումեանը, էներգետիկայի նախկին նախարար Արթուր Գրիգորեանը, պատգամաւոր Նաիրա Զոհրաբեանը, 5-րդ տեղում պատգամաւոր Տիգրան Ուրիխանեանն է:

ՀՅԴ նախընտրական ցուցակում ներառւած է 152 անձ: Դաշնակցութեան ցուցակը գլխաւորում է ՀՀ ԱԺ ՀՅԴ խմբակցութեան ղեկավար Արմէն Ռուստամեանը: 

2-րդ համարը ՀՅԴ Հայաստանի ԳՄ ներկայացուցիչ Արսէն Համբարձումեանն է, 3-րդը՝ Արթուր Խաչատրեանը, 4-րդ համարը ՀՅԴ պատգամաւոր Արմենուհի Կիւրեղեանն է, իսկ 5-րդը՝ պատգամաւոր Սպարտակ Սէյրանեանը:

«Լուսաւոր Հայաստան» կուսակցութեան ցուցակը գլխաւորում է քաղաքական այս ուժի նախագահը՝ պատգամաւոր Էդմոն Մարուքեանը:

Նրան յաջորդում է ՀՀ սոցիալական ապահովութեան նախարարի հրաժարական ներկայացրած պաշտօնակատար Մանէ Թանդիլեանը, 3-րդ համարում՝ «1in.am» կայքի խմբագիր Արման Բաբաջանեանն է, 4-րդ հորիզոնականում՝ պատգամաւոր Գէորգ Գորգիսեանը, իսկ 5-րդ տեղում Տարոն Սիմոնեանն է:

ՀՀԿ նախընտրական ցուցակը գլխաւորում է ՀՀ պաշտպանութեան նախկին նախարար Վիգէն Սարգսեանը:

ՀՀԿ ցուցակը բաղկացած է 125 հոգուց: Ցուցակի 2-րդ համարը ՀՀ ԱԺ փոխնախագահ Արփինէ Յովհաննիսեանն է, 3-րդը՝ առաջատար վերլուծաբան Դաւիթ Շահնազարեանը, 4-րդ եւ 5-րդ համարներում պատգամաւորներ Վահրամ Բաղդասարեանն ու Արմէն Աշոտեանն են:

«Քրիստոնեայ-ժողովրդական վերածնունդ» կուսակցութեան ցուցակը գլխաւորում է կուսակցութեան նախագահ, քաղաքագէտ Լևոն Շիրինեանը:

Ցուցակի 2-րդ համարը Մարիամ Մանուկեանն է, իսկ 3-րդ տեղում է Գէորգ Յովսէփեանը:

«Սասնայ ծռեր» կուսակցութեան նախընտրական ցուցակը գլխաւորում է Վարուժան Աւետիսեանը, 2-րդ տեղում քաղաքագէտ Ստեփան Գրիգորեանն է, 3-րդը՝ Գարեգին Չուքասզեանը:

«Օրինաց երկիր» կուսակցութեան ցուցակը գլխաւորում է կուսակցութեան նախագահ Արթուր Բաղդասարաանը: Նրան յաջորդում են նախկին պատգամաւորներ Մհեր Շահգելդեանը, Հեղինէ Բիշարեանը, Իշխան Խաչատրեանն ու Հայկ Յովհաննիսեանը:

«Քաղաքացու որոշում» սոցիալ-դեմոկրատական կուսակցութեան ցուցակի առաջին համարը Սուրէն Սահակեանն է, 2-րդ համարը՝ Արտակ Կիրակոսեանը, 3-րդը՝ Ռուզաննա Տոռոզեանը, 4-րդը՝ Արեգ Թադէոսեանը:

«Ազգային առաջընթաց» կուսակցութեան ցուցակը գլխաջորում է Լուսինէ Յարոեանը:

Յարակից լուրեր

  • Ժողովրդավարութեան գերեզմանափորները. դեռ ուշ չի դէմքը փրկելու համար
    Ժողովրդավարութեան գերեզմանափորները. դեռ ուշ չի դէմքը փրկելու համար

    Հրապարակախօս, լրագրող Վահան Իշխանեանն իր ֆէյսբուքեան էջում գրում է.

    «Այն քաղաքական ու հասարակական գործիչները, ովքեր վարչապետ Նիկոլ Փաշինեանի կոչով դատարանների մուտքերը փակեցին կամ ողջունեցին այն, չդիմացան այն փորձութեանը, որով պարզւեց, որ նրանք կայուն համոզմունքներ չունեն ժողովրդավարութեան եւ մարդու իրաւունքների վերաբերեալ, եւ իրենց առաջնորդի մատի շարժումով կարող են վերածւել ժողովրդավարութեան գերեզմանափորների։

  • Ժողովրդավարութեան տապալում
    Ժողովրդավարութեան տապալում

    Ժողովրդավարութիւնը մի համակարգ է որում իշխանութիւնը պատկանում է ժողովրդին, որի կառավարումը իրականացւում է ժողովրդի հանրաքւէով հաստատւած սահմանադրութեան սկզբունքների հիման վրայ, կառավարող մարմինների համար պարբերաբար անցկացւող ազատ ու արդար ընտրութիւններով ժողովրդի ընտրեալների միջոցով, ոչ թէ փողոցում մութ նպատակների համար հաւաքւած մի խումբ՝ խուլիգանների:

  • «Հնարաւոր է` Փաշինեանը նախապէս մեղքը գցում է ղարաբաղցիների վրայ». «Minval.az»-ի յօդւածը
    «Հնարաւոր է` Փաշինեանը նախապէս մեղքը գցում է ղարաբաղցիների վրայ». «Minval.az»-ի յօդւածը

    Ադրբեջանական «Minval.az» պարբերականը յօդւած է հրապարակել` անդրադառնալով երէկ Հայաստանում տեղի ունեցած իրադարձութիւններին եւ ՀՀ վարչապետ Նիկոլ Փաշինեանի` դատական համակարգի փոփոխութեան մասին ելոյթին:

  • «Իրատես». «Ո՞ւմ մտքով կանցներ, որ յանուն հայրենիքի ռազմաճակատ մեկնած մարդու հետեւից 2.5 տասնամեակ անց «թուրք» կարող են վանկարկել ու թքել նրա վրայ»
    «Իրատես». «Ո՞ւմ մտքով կանցներ, որ յանուն հայրենիքի ռազմաճակատ մեկնած մարդու հետեւից 2.5 տասնամեակ անց «թուրք» կարող են վանկարկել ու թքել նրա վրայ»

    «Իրատես» թերթը գրում է. ««Ո՞ւմ մտքով կանցներ, որ յանուն հայրենիքի ռազմաճակատ մեկնած մարդու ետեւից երկուսուկէս տասնամեակ անց «թուրք» կարող են վանկարկել ու թքել նրա վրայ: Ո՞վ կարող էր պատկերացնել, որ մի բուռ ժողովրդին կարող են սեւերի ու սպիտակների, յեղափոխականների ու հակայեղափոխականների բաժանել ու թոռների հետ զբօսանքի դուրս եկած ազատամարտիկին` ՀՅԴ-ական Հրանտ Մարգարեանին, յարձակման թիրախ դարձնել օրը ցերեկով՝ երեխաների աչքի առջեւ:

  • «Ղարաբաղը զգում է՝ իր մէջքի հետեւում ինչ-որ բան է կատարւում»․ «168 Ժամ»
    «Ղարաբաղը զգում է՝ իր մէջքի հետեւում ինչ-որ բան է կատարւում»․ «168 Ժամ»

    «168 ժամ»-ը գրում է․ «Ցանկացած յեղափոխութիւն ունի իր ժանրը, իր էպիզոդները՝ արտաքին թշնամի, դաւադրութիւններ, եւ այլն։ Այսինքն՝ այս կերպ գործում է այն իշխանութիւնը, որը նպատակ ունի ոչ թէ լուծել համահասարակական խնդիրները, այլ պահել իր ազդեցութիւնը։ Նիկոլ Փաշինեանը, մէկ տարի է՝ իշխանութիւն է, դատական համակարգն իշխանութեան ամենակարեւոր ճիւղերից մէկն է, եւ այդ ոլորտում բարեփոխումները պէտք է նախաձեռնւէին ամենաառաջին հերթին։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։