Հա

Քաղաքական

26/11/2018 - 12:06

Հայկական ինքնութիւնն իր բոլոր բաղադրամասերով օտարների համար էլ գրաւիչ է

«Կարևոր է ընդունիլ որ բազմազանութիւնը հարստութիւն է և ոչ թէ սպառնալիք։ Բայց այն անպայմանօրէն ներդաշնակ պիտի չըլլայ։ Ներդաշնակության համար անհրաժեշտ են կարևոր ներդրումներ հասարակութեան ընկերային կապերու ամրապնդումը ապահովելու համար»:

ԽԱՉԻԿ ՏԷՐ-ՂՈՒԿԱՍԵԱՆ

«Կարևոր է ընդունիլ որ բազմազանութիւնը հարստութիւն է և ոչ թէ սպառնալիք։ Բայց այն անպայմանօրէն ներդաշնակ պիտի չըլլայ։ Ներդաշնակության համար անհրաժեշտ են կարևոր ներդրումներ հասարակութեան ընկերային կապերու ամրապնդումը ապահովելու համար»:

ՄԱԿի Ընդհանուր Քարտուղար Անթոնիօ Կութեռէսի այս հաստատումը որ կատարուած է արժանթինեան Լա Նասիոն օրաթերթի այսօրուայ համարով լոյս տեսած հարցազրոյցին մէջ և կ'ակնարկէ ՄԱԿի 2030 Կայուն Բարգաւաճման Ծրագրին, արժէ քննարկել հայկական և հայրենի իրականութեան մէջ։

Բազմազանութեան ընդունումը որպէս հարստութիւն սեփական ազգային ինքնութեան աւաղաղում չէ, այլ անոր զարգացման նպաստող ազդակ։ Ցեղասպանութենէն ի վեր հայ ինքնութիւնը կ'ապրի «ճերմակ ջարդ»-ի ուրուականի սարսափով։ Հակառակ ատոր ե՜ւ Սփիւռքի պայմաններուն, ե՜ւ հայրենի խորհրդային իրականութեան մէջ այդ ինքնութիւնը փաստը տուած է ոչ թէ «պահպանուելու» իր կարողութեան այլև` զարգացման ատանկ ըլլալու փաստին։

Այդ զարգացումը տեսնելու, բանաձևելու և տեսութեան վերածելու համար սակայն անհրաժեշտ պայման է բազմազանութեան, «բազմաշերտ» հայկական մշակոյթի (և յղացքը կը գործածեմ առանց քաղաքականացման որևէ մտայնութեան) ընդունումը որպէս հարստացման ազդակ և ոչ թէ սպառնալիք։

Եթէ սենեկալցի ուսանողը Հայաստան կու գայ և հակառակ իրեն ուղղուած բոլոր «զարմացած» հայեացքներուն խօսիլ այնպիսի հայերէն մը որ մայրենիի գլոբալացման այլանդակութենէն չխորշող բայց ինքնութեան սպառնալիքներու ուրուականներուն դէմ սուր ճօճող շատ քաղաքական անձնաւորութիւններու ամաչել կրնայ տալ, պատճառ չկայ չհաւատալու որ հայկական ինքնութիւնն իր բոլոր բաղադրամասերով ոչ֊հայերուն համար ալ կրնայ քաշողական ըլլալ։

Այդ մէկը Սփիւռքի մէջ տեսանելի է հայկական վարժարաններ յաճախող ոչ֊Հայ ծողներէ սերած աշակերտներուն մօտ։ Տեսանելի է նաև հայրենի իրականութեան մէջ և շատոնց այդպէս էր։ Կը մնայ որ հայ քաղաքական մտածողութիւնը դուրս գայ ազգային արժեհամակարգը համամարդկային արժէքներու հակադրելու սովորութենէն, միտք մը որ Յակոբ Բագրատունի յստակօրէն բանաձևած է, և զարգացման նոր հորիզոններ 21րդ դարու հայութեան համար։

«yerkir.am»

 

Յարակից լուրեր

  • Ընդդիմութեան դաշտին կազմաւորումը, կամ՝ ձախակողմեան այլընտրանքը Ազգային ժողովէն դուրս
    Ընդդիմութեան դաշտին կազմաւորումը, կամ՝ ձախակողմեան այլընտրանքը Ազգային ժողովէն դուրս

    Հ. Յ. Դաշնակցութեան ցանկին վրայ Ազգային Ժողովի պատգամաւորի թեկնածու Արթուր Խաչատրեան ընտրարշաւի ժամանակ առիթով մը հարցազրոյցի մը մէջ ըսած է թէ շատ դժուար էր Աջ կառավարութեան մը մէջ Ձախ ըլլալ: Խաչատուրեան այն քիչերէն է հայկական իրականութեան մէջ Ընկերվար Միջազգայնականի միակ անդամ կուսակցութեան հանրածանօթ դէմքերէն, որոնք Դաշնակցութեան գաղափարախօսական ինքնութիւնը պարզ ու մէկին բանաձեւած է որպէս «Ձախ»:

  • «Nօ me gusta el fútbol» («Ֆութպոլը չեմ սիրեր»)
    «Nօ me gusta el fútbol» («Ֆութպոլը չեմ սիրեր»)

    Երէկ, 10.11.2018, տեղատարափ անձրեւ էր: Լիպերթատորէս Բաժակի աւարտական մրցումին առաջին խաղը որ ծրագրուած էր ժամը 17-ին, յետաձգուեցաւ այսօրուայ:

    Լիպերթատորէս Բաժակը (Copa Liberatdores) Ամերիկեան ցամաքամասին համար նոյնն է այն ինչ «Champions League»-ը Եւրոպայի համար:

  • «Արիւնոտ դրօշ»-էն «յաղթանակի վարդեր» ու Դաշնակցութեան կարմիրը
    «Արիւնոտ դրօշ»-էն «յաղթանակի վարդեր» ու Դաշնակցութեան կարմիրը

    Թաւշեայ յեղափոխութեան յաջորդած հայաստանեան քաղաքական նոր հանգրուանի առաջին ընտրութիւնները տեղի ունեցան ի դէմս քաղաքամայր Երեւանի Աւագանիի ընտրութիւններուն: Անկախ անոնց վերջնական արդիւնքէն եւ քաղաքական նոր դաշտի կազմաւորման իմաստով թելադրած անհրաժեշտ խորհրդածութենէն, կասկած չկայ, որ ընտրապայքարը ինքնին լուսարձակի տակ առնուելու առանձին երեւոյթ է: Անոր ամենաշատ աղմուկ հանած իրադարձութիւններէն մէկը եղաւ վարչապետ Փաշինեանի սատարած թեկնածուին՝ Հայկ Մարութեանի «սեւ-ու-սպիտակ» ելոյթը: 

  • Սուրիոյ պատերազմ.- Ասթանա՝ աւարտին սկի՞զբը, թէ չաւարտող սկիզբ մը
    Սուրիոյ պատերազմ.- Ասթանա՝ աւարտին սկի՞զբը, թէ չաւարտող սկիզբ մը

    Յունուար 12-ին Ռուսաստանի Արտաքին Գործոց նախարութեան խօսնակը յայտարարեց, որ սուրիական տագնապի լուծման նպատակով բանակցութիւններու նոր փուլը տեղի պիտի ունենայ յունուար 23-ին, Ղազախստանի մայրաքաղաք Ասթանայի մէջ:

  • ԴԱՇՆԱԿՑԱԿԱՆ ԲԵՄ - Վարձքդ կատար, Կոմանդանթէ
    ԴԱՇՆԱԿՑԱԿԱՆ ԲԵՄ - Վարձքդ կատար, Կոմանդանթէ

    2000 թւականի օգոստոսին Տորոնտոյի Եօրք համալսարանն էի, յատուկ ծրագրով մը, որ մէկտեղած էր Լատինական Ամերիկայի երկիրներէն ընտրւած 25 գիտաշխատողներ եւ ակադեմականներ՝ միասնաբար քննարկելու համար տարածաշրջանի հիմնախնդիրները երրորդ հազարամեակին: Խումբին մաս կը կազմէր Կուբայէն գործընկեր մը Սանտիագօ անունով, որ ուշագրաւ էր իր ուրախ տրամադրութեամբ եւ կատակաբանութեամբ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։