Հա

Քաղաքական

31/12/2018 - 08:20

Ադրբեջանի շարժերը վերահսկւում եւ հետախուզւում են

2018 թւականին աւարտւել է առաջնագծի վերազինման առաջին ու թերեւս ամենակարեւոր փուլը, ստեղծւել են պայմաններ ադրբեջանական կողմի շարժերը օրւայ բոլոր ժամերին վերահսկելու, հետախուզելու եւ առաւել արդիւնաւէտ որոշումներ կայացնելու համար:

«alikonline.ir» - 2018 թւականին աւարտւել է առաջնագծի վերազինման առաջին ու թերեւս ամենակարեւոր փուլը, ստեղծւել են պայմաններ ադրբեջանական կողմի շարժերը օրւայ բոլոր ժամերին վերահսկելու, հետախուզելու եւ առաւել արդիւնաւէտ որոշումներ կայացնելու համար: Այս մասին «yerkir.am»-ի հետ զրոյցում յայտնեց Արցախի Հանրապետութեան նախագահի խորհրդական Տիգրան Աբրահամեանը՝ անդրադառնալով 2018-ին իրականացւած` դիրքերի կահաւորման ու վերազինման միջոցառումներին:

«Այս համակարգն անընդհատ արդիականացնելու, ֆունկցիոնալ առումով առաւել արդիւնաւէտ դարձնելու համար լաւ հնարաւորութիւններ կան, որոնք առաջիկայ տարիների ընթացքում կը վերլուծւեն ու, ըստ այդմ, ժամանակին համահունչ կարդիականացւեն: Դրան զուգահեռ, առաջնագծում արդիականացւեց կապի համակարգը, որն անվտանգութեան, որակական առումով մի քանի անգամ առաջ է մինչ այդ գործող համակարգից: Առաջնագծի կահաւորման, վերազինման հարցերն իրենց բնոյթով այնպիսին են, որ իւրաքանչիւր տարի պէտք է ներդրում կատարես, հակառակ դէպքում` նախորդ տարւայ աշխատանքների էֆեկտիւութիւնը մեծապէս կընկնի»,- նշեց նա՝ յաւելելով, որ զինւած ուժերի մշտական արդիականացումն առաջնահերթութիւն է, եւ այդ ուղղութեամբ աշխատանքները պէտք է անընդհատ գտնւեն պատասխանատուների ուշադրութեան կենտրոնում:

«Այստեղ կարեւոր է ճիշտ թիրախներ ընտրելը, առաջնային հարցերը յստակ ձեւակերպելը եւ, ըստ ժամանակացոյցի, դրանց լուծումների յետեւից գնալը»,-յաւելեց Տիգրան Աբրահամյեանը:

Անդրադառնալով ներքին եւ արտաքին քաղաքական մարտահրաւէրներին` Արցախի Հանրապետութեան նախագահի խորհրդականն ընդգծեց. «Հայաստանում իշխանութեան ձեւաւորման պրոցեսը դեռեւս աւարտին չի հասել, համակարգային առումով փոփոխութիւնների շրջան է, ինչն անընդհատ ստիպում է եղած ռեսուրսների մի ահռելի մաս ուղղել այդ ուղղութեամբ:

Ինչ վերաբերում է հակամարտութեանը, ապա տարեսկզբին Արցախի հարցով հանդիպումներ են նախատեսւած, որոնք կարգաւորման առումով լաւատեսութիւն չեն ներշնչում, միւս կողմից`կարող են որոշակիօրէն ուրւագծել առաջիկայ զարգացումները, յատկապէս`առաջնագծում»:

Տիգրան Աբրահամեանը շաբաթւայ կէսից աւելին զօրամաս-առաջնագիծ հատւածում է, նա չէր կարող անտեսել բանակային ընկերութեան թեման, իսկ նման դրւագները քիչ չեն:

«Մօտ 10 օր առաջ Մարտունու ուղղութեամբ տեղակայւած դիրքեր էի գնացել: Դիտակետում մարտական հերթապահութիւն իրականացնող զինւորներն անսովոր աշխոյժ էին: Զինւորներից մէկի քոյրը յունւարին ամուսնանում է, եւ հրամանատարութիւնը, ինչպէս նման դէպքերում է լինում, հաւաստիացրել է, որ արձակուրդ կուղարկեն, որ ընտանիքի համար այդ կարեւոր օրը նա հարազատ միջավայրում լինի: Զինւորի ընկերը հարսանիքից մի քանի օր առաջ զօրացրւում է եւ գործուն մասնակցությիւն ունենում, թէ ինչպէս կազմակերպեն բանակային ընկերոջ քրոջ հարսանիքը: Ինձ համար կարեւոր է, որ միմեանց հետ ծառայող զինւորներն իրենց ընկերութիւնը շարունակեն քաղաքացիական կեանքում: Դա գաղափարական իմաստով ուժեղացնում է ե՛ւ բանակը, ե՛ւ մեր հասարակութիւնը»,- ասաց Աբրահամեանը:

Յարակից լուրեր

  • «Կազանի փաստաթղթի» մոդիֆիկացիան. ի՞նչ են համանախագահներն առաջարկել Երեւանին եւ Բաքւին
    «Կազանի փաստաթղթի» մոդիֆիկացիան. ի՞նչ են համանախագահներն առաջարկել Երեւանին եւ Բաքւին

    Մամեդեարովի յայտարարութիւնները կցկտուր բնոյթ են կրում, Հայաստանի իշխանութիւնը պէտք է բացատրի, թէ կոնկրետ ինչ առաջարկներ կան բանակցութիւնների սեղանին։

  • «Առաջին անգամը չէ, որ ադրբեջանական կողմը պարունակից դուրս է հանում իր առաջադրած կէտը եւ իւրովի մեկնաբանութիւն կատարում». Շահան Գանտահարեան
    «Առաջին անգամը չէ, որ ադրբեջանական կողմը պարունակից դուրս է հանում իր առաջադրած կէտը եւ իւրովի մեկնաբանութիւն կատարում». Շահան Գանտահարեան

    Ադրբեջանի արտգործ նախարար Էլմար Մամեդեարովը Վաշինգտոնեան վերջին հանդիպումից յետոյ ասել էր, որ «համանախագահներն առաջարկել են դուրս բերել զօրքերը եւ խաղաղապահներ տեղակայել, սակայն այդ ուղղութեամբ հարկաւոր է աշխատել»: «Արմէնպրես»-ի խնդրանքով մեկնաբանել է յայտարարութիւնը՝ Լիբանանի «Ազդակ» թերթի գլխաւոր խմբագիր Շահան Գանտահարեանը:

  • «ԼՂ բանակցային գործընթացում նոր փաստաթո՞ւղթ կայ»․ «168 Ժամ»
    «ԼՂ բանակցային գործընթացում նոր փաստաթո՞ւղթ կայ»․ «168 Ժամ»

    «168 Ժամ»-ը գրում է․ «Յունիսի 21-ին Վաշինգտոնում Հայաստանի եւ Ադրբեջանի արտգործնախարարների միջեւ տեղի ունեցած հանդիպման կարեւոր կողմն այն էր, որ համանախագահները պաշտօնապէս կողմերի քննարկմանն են ներկայացրել փաստաթուղթ»,- երէկ նման յայտարարութիւն է արել Ադրբեջանի արտգործնախարար Էլմար Մամեդեարովը:

  • Ինչով աչքի ընկաւ Մնացականեան-Մամեդեարով վաշինգտոնըան հանդիպումը
    Ինչով աչքի ընկաւ Մնացականեան-Մամեդեարով վաշինգտոնըան հանդիպումը

    Վաշինգտոնում յունիսի 20-ին ԵԱՀԿ Մինսկի խմբի համանախագահների միջնորդութեամբ կայացաւ Հայաստանի եւ Ադրբեջանի ԱԳ նախարարների հանդիպումը: Յունւարին Փարիզում եւ ապրիլին Մոսկւայում կայացած հանդիպումներից յետոյ որոշում էր կայացւել ԱԳ նախարարների միջեւ յաջորդ հանդիպումը երրորդ համանախագահ երկրում` ԱՄՆ-ում անցկացնելու մասին։ Սա բաւական խորհրդանշական էր մի կողմից հաւասարակշռութեան պահպանման, միւս կողմից երկարատեւ պասիւութիւնից յետոյ ամերիկեան կողմի ակտիւացման առումով:

  • Ադրբեջանը սրում է սահմանային իրավիճակը
    Ադրբեջանը սրում է սահմանային իրավիճակը

    Վերջին շրջանում Ալիեւը դարձեալ փորձում է սրել սահմանային իրավիճակը արցախեան ուղղութեամբ։ Դա նախեւառաջ պայմանաւորւած է Հայաստանի ու Ադրբեջանի ներքաղաքական գործընթացներով։ Սահմանային լարւածութեան մեծացման դինամիկան ուղղակիօրէն փոխկապակցւած է նաեւ Արցախեան հակամարտութեան կարգաւորման շուրջ ընթացող բանակցութիւններին, բանակցային գործընթացից կողմերի ակնկալիքներին ու դրանց իրացման հնարաւորութիւններին: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։