Հա

Քաղաքական

06/02/2019 - 11:20

Հայաստան-Իրան յարաբերութիւնների զարգացումը կարող է միայն նպաստել Արցախեան հիմնախնդրի հայանպաստ կարգաւորմանը

Հայ-իրանական յարաբերութիւններում միայն ռիսկային ոլորտը, որ ես նկատում եմ, Արցախի խնդրի կապակցումն է Հայաստան-Իրան յարաբերութիւններին: 

«alikonline.ir» - Հայ-իրանական յարաբերութիւններում միայն ռիսկային ոլորտը, որ ես նկատում եմ, Արցախի խնդրի կապակցումն է Հայաստան-Իրան յարաբերութիւններին: «Yerkir.am»-ի հետ զրոյցում նման տեսակէտ յայտնեց իրանագէտ Վարդան Ոսկանեանը:

Նա նշեց, թէ Իրանի հետ յարաբերութիւնների սառեցման, դադարեցման փոխարէն մեզ առաջարկում են Արցախեան հիմնախնդրի լուծում: «Ենթադրում եմ, որ Արցախեան հիմնախնդրի լուծումը կարող է բերել նրան, որ Հայաստանը Արեւելքից ու Արեւմուքտից կունենայ բաց սահմններ Ադրբեջանի ու Թուքրայի հետ, ինչը բնականաբար կը նւազեցնի Իրանի հետ յարաբերութիւնների կարեւորութիւնը: Բացի այդ` Հայաստանը, ենթադրւում է, կարող է մաս դառնալ Ամերիկայի կողմից ծրագրւող հակաիրանական գործողութիւնների: Բայց ես կարծում եմ` հայ-իրանական յարաբերութիւններն Արցախի հետ շաղկապելը պէտք է խեղդւի խանձարարում»,- ընդգծեց իրանագէտը:

Իրանագէտը վստահեցրեց` Հայաստան-Իրան յարաբերութիւնների զարգացումը կարող է միայն նպաստել Արցախեան հիմնախնդրի հայանպաստ կարգաւորմանը: Ինչո՞ւ, քանի որ Իրանն այն բացառիկ պետութիւնն է, որը սահման ունի թէ՛ Հայաստանի, թէ՛ Արցախի, թէ՛ Ադրբեջանի երկու հատւածների` Նախիջևեւանի ու «մայրցամաքային» Ադրբեջանի հետ: Հետեւաբար, ըստ Ոսկանեանի, Իրանի հետ ՀՀ յարաբերութիւնները ոչ թէ խանգարում են, այլ նպաստում են Հայաստանի անվտանգութեան բաղադրիչի պահպանմանը:

«Նոյնը վերաբերում է նաեւ Իրանին, ու եթէ մի պահ պատկերացնենք`Արցախ-Իրան սահմանը գոյութիւն չունի, ապա Իրանի հիւսիսը ենթակայ է անվտանգութեան հսկայական ռիսկերի: Իրանցիներին նոյնպէս ձեռնտու է, որ Հայաստան-Իրան սահմանն իր երկու բաղադրիչներով, երբեւիցէ չփոխւի յօգուտ Ադրբեջանի»,- ամփոփեց իրանագէտը:

ՎՐՈՅՐ ՍԵՒԱԿ

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։