Հա

Քաղաքական

06/02/2019 - 14:30

«Հայաստանում ուժեղանում է ներիշխանական պայքարը». քաղտեխնոլոգ

Տարբեր խմբաւորումներ փորձում են վերահսկել երկրի ռազմավարական գերատեսչութիւնները։

Իշխանութեան ներսում, տարբեր ազդեցութեան խմբաւորումների միջեւ լուրջ պայքար է ընթանում։ Այս մասին լրագրողներին ասաց քաղտեխնոլոգ Վիգէն Յակոբեանը։ 

«alikonline.ir» - Տարբեր խմբաւորումներ փորձում են վերահսկել երկրի ռազմավարական գերատեսչութիւնները։

Իշխանութեան ներսում, տարբեր ազդեցութեան խմբաւորումների միջեւ լուրջ պայքար է ընթանում։ Այս մասին լրագրողներին ասաց քաղտեխնոլոգ Վիգէն Յակոբեանը։ Գրում է «Sputnik» Արմենիան:

«Այն ոլորտները, որոնք ռազմավարական նշանակութիւն ունեն, որոնք պատասխանատու են ֆինանսական կայունութեան, ֆինանսաբիւջէտային հոսքերի վերահսկման եւ անվտանգութեան համար, վստահւեցին մարդկանց, որոնք ոչ թէ յեղափոխութեան մասնակիցներ էին, այլ մասնագիտական շրջանակների ներկայացուցիչներ եւ պրոֆեսիոնալներ»,- ասաց նա։

Քաղաքագէտը նշեց, որ նկատի ունի ՊԵԿ-ը, Ֆինանսների նախարարութիւնը, ԿԲ-ն, անվտանգութեան եւ պաշտպանութեան համակարգը. «Այս ոլորտները հեղեղւած չեն անփորձ կադրերով, այսինքն Նիկոլ Փաշինեանի համար էքսպերիմենտից դուրս ոլորտներ են»։

Նրա կարծիքով՝ սա բաւականին արդարացւած մօտեցում է եւ քիչ ռիսկային։

Ըստ քաղտեխնոլոգի` մնացած ոլորտներում, որոնք օպերատիւ առումով խնդիրներ չունէին, ղեկավար նշանակւեցին մարդիկ, որոնք անփորձ էին, եւ այդ ոլորտները փաստացի դարձան «էքսպերիմենտալ զոնայ»։

Քաղտեխնոլոգը նշեց, որ կառավարութիւն ձեւաւորելիս Նիկոլ Փաշինեանը փորձել է բաւարարել յեղափոխութեանը մասնակցած բոլորի պահանջները, որոնք ինչ-որ չափով մասնաբաժին են ունեցել յեղափոխութեան մէջ. «Իսկ նրանք շատ բազմազան են եղել՝ թէ՛ ՔՊ-ականներ, թէ՛ հանրային սեկտորի ներկայացուցիչներ, հիմնականում` Սորոսի հիմնադրամից, նաեւ Քլինտոնի հիմնադրամից ֆինանսաւորւողներ»։

«Իշխանութեան ներսում, տարբեր ազդեցութեան խմբաւորումների միջեւ լուրջ պայքար է սկսւել։ Այս առանձնակի ուշադրութիւնը, օրինակ` ՊԵԿ-ի եւ Ֆինասների նախարարութեան նկատմամբ, պայմանաւորւած են նրանով, որ սորոսածին որոշ խմբաւորումներ փորձում են վերահսկողութեան տակ պահել այն ոլորտները, որոնք ֆինանսական հոսքերն են ապահովում»,- նշեց Յակոբեանը։

Տարբեր առիթներ են օգտագործւում` սկսած պարգեւատրումներից (թէեւ այնտեղ հարցեր կան), փորձում են կասկածի տակ դնել այն մարդկանց, որոնց նշանակել է ինքը` Փաշինեանը, ու որոնք ինչ-որ խմբաւորումների մէջ չեն մտնում։

Յակոբեանը համարում է, որ այդ ֆոնին պատահական չէ նաեւ «Սորոսի» հաղորդագրութիւնը «Twitter»-ում։

«Չի բացառւում, որ սա տեղի ունեցող գործընթացներում նոր ռեսուրսներ գրաւելու փորձ է»,- նշեց Յակոբեանը։

Այդ խմբաւորումների ներկայացուցիչները պարբերաբար փորձում են մարդկանց ուշադրութիւնը շեղել այս կամ այն հարցից։ Օրհներգի հարցը, Յակոբեանի կարծիքով, նման մանիպուլեացիաներից մէկն է։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։