Հա

Քաղաքական

07/02/2019 - 11:20

Բաբայեան. «Ադրբեջանը թաքցնում է իր երկրում պահւող հայ գերիների մասին տեղեկութիւնները»

Ադրբեջանի քաղաքացուն ազատ արձակելու Ստեփանակերտի քայլը, դժբախտաբար, չի ազդի Ադրբեջանում գերութեան մէջ գտնւող հայերին ազատ արձակելու վրայ։ 

«alikonline.ir» - Ադրբեջանի քաղաքացուն ազատ արձակելու Ստեփանակերտի քայլը, դժբախտաբար, չի ազդի Ադրբեջանում գերութեան մէջ գտնւող հայերին ազատ արձակելու վրայ։ Այս մասին «Sputnik» Արմենիայի՝ եթերում ասաց Արցախի նախագահի մամուլի քարտուղար Դաւիթ Բաբայեանը։

Նրա խօսքով, այդուհանդերձ, մենք չենք կարող անմարդկային վերաբերմունք ցուցաբերել անձի նկատմամբ, միայն նրա համար, որ նա օտարազգի է։

«Բաքուն մեր տղաներին ցանկանում է փոխանակել Արցախում ազատազրկման դատապարտւած երկու մարդասպան-ահաբեկիչների հետ, ինչը միջազգային հանրութիւնը չպէտք է անպատասխան թողնի։ Արցախի բանտում այս պահին պահւող մարդասպան-ահաբեկիչներից` Դիլհամ Ասկերովից ու Շահբազ Գուլիեւից բացի, այլ ադրբեջանցիներ չկան, մինչդեռ կան լուրջ կասկածներ, որ Ադրբեջանում դեռեւս արցախեան պատերազմի տարիներին գերեւարւած տասնեակ, միգուցէ նաեւ հարիւրաւոր հայեր կան` հասարակ քաղաքացիներ, որոնց անուն-ազգանունները փոխել են ու պահել բանտերում, որպէսզի միջազգային կառոյցները չկարողանան գտնել այդ մարդկանց։ Նրանք նաեւ վաճառել են նրանց օրգանները, ստրկացրել։ Այդ ամէնը պատմել են ադրբեջանական գերութիւնից հրաշքով փրկւածները»,- ասում է Բաբայեանը։

Նրա խօսքով` վերջինների վկայութիւնները պարբերաբար բարձրաձայնւում են միջազգային ատեաններում ինչպէս պետական խողովակներով, այնպէս էլ հասարակական կազմակերպութիւնների միջոցով, սակայն որեւէ արդիւնք դեռ չկայ, քանի որ գործ ունենք Ադրբեջանի պէս ստախօս հարեւանի հետ։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։