Հա

Քաղաքական

19/02/2019 - 14:50

Իրանագէտ. «Հայաստանն ու Իրանը իրար լաւ չեն ճանաչում»

Հայ-իրանական յարաբերութիւններում իրար չճանաչելու խնդիրը շատ էական է։ Այս մասին «News.am»-ի հետ զրոյցում շեշտեց իրանագէտ Վարդան Ոսկանեանը։ 

«alikonline.ir» - Հայ-իրանական յարաբերութիւններում իրար չճանաչելու խնդիրը շատ էական է։ Այս մասին «News.am»-ի հետ զրոյցում շեշտեց իրանագէտ Վարդան Ոսկանեանը։ 

«Բազմաթիւ պատճառներ կան, որոնց հետեւանքով մենք չենք կարողանում իրացնել այն հսկայական ներուժը, որն առկայ է Հայաստանի եւ Իրանի միջեւ բազմաթիւ ոլորտներում, յատկապէս տնտեսական հատւածում եւ այդ պատճառների մէջ միմեանց չճանաչելու հանգամանքը շատ կարեւոր է։ Մենք շատ վատ ենք ճանաչում Իրանը, ցաւօք սրտի, յամենայն դէպս որոշում կայացնողներին եւ կոնկրետ գործընթացների պատասխանատուների մակարդակով, Իրանում էլ լաւ չեն ճանաչում Հայաստանը»,- նշեց նա։

Իրանագէտը յաւելեց՝ Իրանը իւրայատուկ մշակոյթ ունեցող պետութիւն է, նրա հետ աշխատելիս պէտք է  հաշւի առնել բոլոր նրբութիւններն ու իրանական գործելաոճի առանձնայատկութիւնները։

«Շատ դէպքերում մենք ունենք նաեւ սուբիեկտիւ պատճառներ, յատկապէս միջին օղակի պաշտօնեաները առանձնապէս մեծ ջանք չեն գործադրում իրենց յատկացւած աշխատանքի բաժինն իրակնացնելու համար, հետեւաբար ակնյայտ է, որ հայ-իրանական յարաբերութիւններում որեւէ անլուծելի եւ չիրականացւելիք խնդիր չկայ, ուղղակի մենք պէտք է ունենանք համապատասխան ճանաչողութեան մակարդակ, գործիքակազմ եւ ունենանք մարդիկ, որոնք սրտացաւօրէն կը զբաղւեն այդ գործընթացներով»,- աաց Վարդան Ոսկանեանը։

Իրանագէտը, սակայն, ընդգծեց՝ եթէ մեզանում պաշտօնեաները շարունակեն այսպիսի թեթեւամտութեամբ վերաբերւել յանձնարարւած աշխատանքին, ապա հնարաւոր չի լինի հասնել դրւած նպատակներին.  «Եթէ մենք շարունակենք այսպիսի թեթեւամտութեամբ վերաբերւել մեր յանձնարարւած աշխատանքին, ապա չեմ կարծում, որ կը հասնենք այն տեսլականին, որը բոլորս երազում ենք մեր պետութեան համար։ Մեր պետութեան տեսլանականը տարածաշրջանում գերտէրութիւն դառնալն է, իսկ դրա համար մենք պէտք է փոխենք հասարակութեան ընկալումները աշխատանքի նկատմամբ, աշխատանքը որակեալ իրականացնելու համար»։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։