Հա

Քաղաքական

02/03/2019 - 14:10

Հայաստանը Իրանի համար այլեւս ոչ միայն հիւսիսային բարեկամ պետութիւն է, այլ նաեւ նոր՝ աւելի մեծ կարեւորութեան տարածաշրջանային գործընկեր. Խոսրով Յարութիւնեան

Վարչապետի այցը Իրան առանց սխալւելու հաւանականութեան կարելի համարել յաջողւած: Թէպէտ փորձագիտական շրջանակներում դեռևս մանրակրկիտ վերլուծութեան կենթարկւեն այցելութեան գործնական արդիւնքներն, այդուհանդերձ այսօր արդէն կարելի է երկու երկրների ղեկավարների հանդիպումից արձանագրել մի քանի ուշագրաւ փաստեր, որոնք խոստանում են հայ-իրանական փոխյարաբերութիւնները բարձրացնել որակական նոր մակարդակի:

«alikonline.ir» - Վարչապետի այցը Իրան առանց սխալւելու հաւանականութեան կարելի համարել յաջողւած: Թէպէտ փորձագիտական շրջանակներում դեռևս մանրակրկիտ վերլուծութեան կենթարկւեն այցելութեան գործնական արդիւնքներն, այդուհանդերձ այսօր արդէն կարելի է երկու երկրների ղեկավարների հանդիպումից արձանագրել մի քանի ուշագրաւ փաստեր, որոնք խոստանում են հայ-իրանական փոխյարաբերութիւնները բարձրացնել որակական նոր մակարդակի: Գրում է «Aravot.am»-ը:

Առաջին անգամ Իրանի Նախագահը հրապարակաւ արտայայտւեց հիւսիս-հարաւ տրանսպորտային միջանցքի կառուցմանը մասնակցելու Իրանի ցանկութեան մասին: Սա նոր, ըստ իս, շրջադարձային մօտեցում է ոչ միայն մեր երկու երկրների համագործակցութեան տեսանկիւնից, այլ գլխաւորապէս այն առումով, որ Իրանը (միգուցէ եւ գործնականում առաջին անգամ) ընդգծում է այն կարեւորութիւնը, որը նա տալիս է տարածաշրջանային ենթակառուցւածքների ձեւաւորման խնդրում Հայաստանի մասնակցութեանը:

Ըստ էութեան սա այն փաստի արձանագրումն է, որ Հայաստանը Իրանի համար այլեւս ոչ միայն հիւսիսային բարեկամ պետութիւն է, այլ նաեւ նոր՝ աւելի մեծ կարեւորութեան տարածաշրջանային գործընկեր: Ընդ որում` Իրանի համար Հայաստանի այդ նոր դերակատարման արձանագրմամբ էր պայմանաւորւած նաեւ Պարսից ծոցը Հայաստանով Սեւ ծովին միացնելու, Հայաստան մատակարարւող իրանական գազի ծաւալների աւելացման եւ գազի մատակարարման Իրան-Հայաստան-Վրաստան եռակողմ, էլեկտրաէներգիայի փոխանակման քառակողմ ծրագրերը գործնական հիմքերի վրայ տեղափոխելու մասին երկրների ղեկավարների միջեւ ձեռք բերւած պայմանաւորւածութիւնները:

Իհարկէ, այլ բնագաւառներում փոխշահաւէտ համագործակցութեան վերաբերեալ նոյնպէս ձեռք բերւեցին պայմանաւորւածութիւններ, բայց կարծում եմ, որ ամենաշօշափելին, որն իրեն զգացնել կը տայ արդէն իսկ միջնաժամկէտ հորիզոնում, դա Իրանի կողմից Հայաստանին տարածաշրջանային նոր, էլ աւելի կարեւոր, դերակատարում վերապահելու փաստն է:

Անշուշտ, առանձին վերլուծութեան կարիք ունեն հայ-իրանական յարաբերութիւններում նշւած տեղաշարժերի պատճառները, բայց մի բան ակնյայտ է, որ այդ իրողութիւնը Հայաստանի որպէս վստահելի գործընկերոջ ռազմավարական կարեւորութեան ճանաչման արձանագրումն է, որն անշուշտ, աշխարհաքաղաքական լուրջ կապիտալ է եւ նրան պէտք է վերաբերւել ծայրաստիճան խնամքովեւ շրջահայեացութեամբ:

Յարակից լուրեր

  • «Իշխանութիւնները ժամանակաւոր են, պետութիւնն ու ազգային-պետական շահը՝ մնայուն». Յակոբ Տէր-Խաչատուրեան
    «Իշխանութիւնները ժամանակաւոր են, պետութիւնն ու ազգային-պետական շահը՝ մնայուն». Յակոբ Տէր-Խաչատուրեան

    Հայաստանեան վերջին իրադարձութիւններուն եւ ՀՀ վարչապետին Ամերիկայի Միացեալ Նահանգներ կատարելիք այցելութեան ընթացքին հայ համայնքին հետ հանդիպումներուն հետ կապուած հարցերուն մասին «Երկիր»-ը հարցազրոյց մը ունեցաւ Հ.Յ.Դ. Բիւրոյի ներկայացուցիչ Յակոբ Տէր-Խաչատուրեանին հետ։

  • Ակնարկ. Եռակողմ անհամաձայնութիւններ
    Ակնարկ. Եռակողմ անհամաձայնութիւններ

    Անգարայի մէջ կայացած Թուրքիա-Ռուսիա-Իրան միջնախագահական ձեւաչափով եռակողմ հանդիպման պաշտօնական յայտարարութիւնը ո՛չ միայն հակիրճ է, այլ նոյնիսկ անբովանդակ: Նման ամփոփ եւ որեւէ հիմնական շեշտադրում չպարփակող յայտարարութիւն կա՛մ կ՛ուզէ թաքցնել հիմնական բաժինը եւ ուշադրութիւն ցրուել, կա՛մ ալ ընդհանուր յայտարարներու չգալու պարագային կը շրջանցէ տարակարծութիւններու գոյութեան փաստը:

  • Իրանը 10-15 տարւայ ընթացքում կը գնի Մեղրի ՀԷԿ-ի արտադրած էլեկտրաէներգիայի ամբողջ ծաւալը
    Իրանը 10-15 տարւայ ընթացքում կը գնի Մեղրի ՀԷԿ-ի արտադրած էլեկտրաէներգիայի ամբողջ ծաւալը

    Երեւանն ու Թեհրանը պարբերաբար միջկառավարական յանձնաժողովի նիստեր են անցկացնում, որոնց ընթացքում քննարկւում է էլեկտրակայանի շինարարութեան հարցը, բայց նախագծի ապագան առայժմ մշուշոտ է։

  • Դեսպան Սաջջադին հանդիպել է ՀՀ սոցնախարարի հետ
    Դեսպան Սաջջադին հանդիպել է ՀՀ սոցնախարարի հետ

    ՀՀ աշխատանքի եւ սոցիալական հարցերի նախարար Զարուհի Բաթոյեանը հրաժեշտի հանդիպում է ունեցել Հայաստանում Իրանի Իսլամական Հանրապետութեան արտակարգ եւ լիազօր դեսպան Սէյէդ Քազեմ Սաջջադիի հետ:

  • Թեհրանը Վաշինգտոնին նախազգուշացնում է
    Թեհրանը Վաշինգտոնին նախազգուշացնում է

    Իրանի արտաքին գործերի նախարարութիւնը Saudi Aramco-ի կառոյցների վրայ յարձակման պատճառով, Իրանի հասցէին հնչեցրած անհիմն մեղադրանքների վերաբերեալ բողոքի նոտա է յղել Իրանում Շւէյցարիայի դեսպանութեանը, որը Թեհրանում պաշտպանում է ԱՄՆ-ի շահերը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։