Հա

Քաղաքական

13/03/2019 - 10:40

«Առաջիկայում սպասւող Փաշինեան-Ալիեւ հանդիպմանը Հայաստանը կառուցողական ու գործնական է տրամադրւած». ՀՀ ԱԳՆ

Հայաստանը եղել եւ մնում է Արցախի անվտանգութեան հիմնական երաշխաւորը, ու շարունակելու է պահպանել իր պարտաւորութիւններն ու աշխատել խաղաղութեան համար:

«alikonline.ir» - Հայաստանը եղել եւ մնում է Արցախի անվտանգութեան հիմնական երաշխաւորը, ու շարունակելու է պահպանել իր պարտաւորութիւններն ու աշխատել խաղաղութեան համար: Այս մասին, «Aysor.am»-ի փոխանցմամբ, Ստեփանակերտում լրագրողների հետ զրոյցում ասել է Հայաստանի արտաքին գործերի նախարար Զոհրաբ Մնացականեանը՝ պատասխանելով այն հարցին, թէ ինչպէս է գնահատում ԵԱՀԿ Մինսկի խմբի համանախագահների յայտարարութիւնը։

«Մենք առաջ ենք բերել հարց, որը վերաբերում է լիակատար արդիւնաւէտ աշխատանքին: Մենք բացատրել ենք՝ ինչ է նշանակում Արցախի մասնակցութիւնը եւ դրա կարեւորութիւնը՝ արդիւնաւէտ աշխատելու համար։ Վստահ եմ՝ վարչապետի ելոյթը լսել էք, այնտեղ եւս շատ յստակ արտայայտւած է նոյն միտքը, որ որեւէ նախապայման Հայաստանի կողմից երբեւէ չի եղել։ Հայաստանն աշխատելու է խաղաղութեան համար: Այս բոլոր հարցերի մասին մենք բազմիցս խօսել ենք, ԱԳՆ-ի յայտարարութիւն է եղել այդ առումով: Այսօրւայ հանդիպումը նոյնպէս միտւած էր նրան, որ մենք շարունակում ենք սերտ աշխատել Արցախի իշխանութիւնների հետ»,– ասաց Զոհրաբ Մնացականեանը։

Ինչ վերաբերում է առաջիկայում սպասւող Փաշինեան-Ալիեւ հանդիպմանը, Մնացականեանն ասաց, որ Հայաստանը կառուցողական ու գործնական է տրամադրւած:

Նշենք, որ մարտի 12-ին Ստեփանակերտում ՀՀ վարչապետ Նիկոլ Փաշինեանի եւ Արցախի Հանրապետութեան նախագահ Բակօ Սահակեանի համանախագահութեամբ կայացել է Հայաստանի եւ Արցախի Անվտանգութեան խորհուրդների համատեղ նիստ, որի օրակարգի հիմնական թեման վերաբերում էր Լեռնային Ղարաբաղի հիմնահարցի խաղաղ կարգաւորման գործընթացում ներկայ իրավիճակի համատեղ գնահատմանը եւ համակարգւած գործողութիւնների ուրւագծմանը։ Նիստը տեւել է աւելի քան 7 ժամ։

Յարակից լուրեր

  • «Ֆրանսիացի խորհրդարանականների այցն Արցախ մարդու ընդհանրական իրաւունքների հանդէպ ցուցաբերւած համերաշխութեան արտայայտութիւն է». ՀՀ ԱԳՆ
    «Ֆրանսիացի խորհրդարանականների այցն Արցախ մարդու ընդհանրական իրաւունքների հանդէպ ցուցաբերւած համերաշխութեան արտայայտութիւն է». ՀՀ ԱԳՆ

    Սեպտեմբերի 14-ին ՀՀ ԱԳ նախարար Զոհրաբ Մնացականեանն ընդունել է Ֆրանսիայի Ազգային Ժողովի պատգամաւորներ Գի Տեսսիէին, Վալերի Բուայէին, Գիեոմ Կասպարյանին, Ժան Պիէռ Կուբերտաֆոնին, Պիէռ Ուզուլիասին, Մուհամմեդ Լաքհիլային եւ Դանիէլ Կազարեանին: Այս մասին տեղականում ենք ՀՀ ԱԳՆ պաշտօնական կայքից:

  • Իշխանութիւնն ատում է հերոսականը
    Իշխանութիւնն ատում է հերոսականը

    Հայաստանի Հանրապետութեան ներկայիս՝ մէկուկէսամեայ իշխանութիւնն արդէն բազմիցս ցոյց է տւել, որ հակակրանք ունի ցանկացած հերոսականի, ազգայինի նկատմամբ: Իշխանութեան ներկայացուցիչները, կարծես, չեն կարողանում համակերպւել այն հանգամանքի հետ, որ իրենք հերոս չեն, Արցախեան գոյամարտի, Ապրիլեան պատերազմի մասնակից-առաջամարտիկ չեն, պետականաշինութեան մէջ ներդրում չունեն: Բանակից «թռած»-ի սինդրոմն է ուղեկցում նրանց, փորձում են ամէն կերպ ազատւել այդ պիտակից, սակայն միայն հակառակն է ստացւում:

  • Ընկերական մտորումներ
    Ընկերական մտորումներ

    Վերջերս հաւաքական զրոյցի մը ընթացքին յայտնուեցաւ այն կարծիքը, թէ սփիւռքահայ կեանքի մէջ լճացում մը, եթէ ոչ արդէն նահանջ մը կ՚արձանագրուի. պատճա՞ռը՝ մեր աւանդական կուսակցութիւններու, իրենց ուղեկից կազմակերպութիւններով հանդերձ եւ թեմական-եկեղեցական կառոյցներու ժամանակավրէպ դարձած ըլլալն է։

  • Ստեփան Դանիէլեան. «Սուպեր վարչապետութիւնից անցում ենք կատարում անվերահսկելի վարչապետութիւն»
    Ստեփան Դանիէլեան. «Սուպեր վարչապետութիւնից անցում ենք կատարում անվերահսկելի վարչապետութիւն»

    Քաղաքագէտ Ստեփան Դանիէլեանի կարծիքով, ԱԺ-ում քննարկւել է մի նախագիծ, որով ԱԱԾ եւ ոստիկանապետի պաշտօնները դառնում են քաղաքական։

  • Հայ Դատի Արշաւը՝ Արցախի ապահովութիւնը երաշխաւորելու նպատակով
    Հայ Դատի Արշաւը՝ Արցախի ապահովութիւնը երաշխաւորելու նպատակով

    Ամերիկայի Հայ Դատի յանձնախումբը նամակարշաւի մը նախաձեռնած է, օգոստոսի իրենց արձակուրդէն վերադարձած Քոնկրեսին ղեկավարութենէն եւ այլ քոնկրեսականներէ պահանջելու համար, որ նեցուկ կանգնին Արցախի ժողովուրդին ապահովութիւնը երաշխաւորելու միտող եւ Հայաստանի եւ Արցախի Հանրապետութեանց նիւթական յաւելեալ աջակցութիւնը ապահովելու ջանքերուն։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։