Հա

Քաղաքական

13/03/2019 - 11:10

Գիտնականներ Աւստրիայից, Իրանից, Շւեդիայից, Ռուսաստանից եւ Հայաստանից քննարկեցին հայ-իրանական յարաբերութիւնները փոփոխւող աշխարհակարգում

2019 թ. մարտի 12-ին «Չինաստան-Եւրասիա» քաղաքական եւ ռազմավարական խորհրդի նախաձեռնութեամբ տեղի ունեցաւ «Իրանը եւ փոփոխւող աշխարհակարգը» սեմինարը:

«Չինաստան-Եւրասիա» քաղաքական եւ ռազմավարական հետազօտութիւնների խորհուրդ 

Մամլոյ հաղորդագրութիւն

 

2019 թ. մարտի 12-ին «Չինաստան-Եւրասիա» քաղաքական եւ ռազմավարական խորհրդի նախաձեռնութեամբ տեղի ունեցաւ «Իրանը եւ փոփոխւող աշխարհակարգը» սեմինարը, որի ընթացքում ելոյթ ունեցան Աւստրիայի զինւած ուժերի գիտական յանձնաժողովի ռազմավարական եւ անվտանգութեան քաղաքականութեան խորհրդատւական կոմիտէի նախագահ, Խաղաղութեան միջազգային ինստիտուտի խորհրդական, Վիեննայի համալսարանի պրոֆեսոր, ք.գ.դ. Հէյնց Գեարտնէրը, «Չինաստան-Եւրասիա» քաղաքական եւ ռազմավարական հետազօտութիւնների խորհրդի ղեկավար, Մեծ Բրիտանիայի չինագիտութեան ասոցիացիայի անդամ, ք.գ.թ. Մհեր Սահակեանը, Իրանի «Շահիդ Բեհեշթի» համալսարանից դոցենտ, ք.գ.թ. Համիդռեզա Ազիզին, Արեւելագիտութեան ինստիտուտի առաջատար գիտաշխատող, դոցենտ, պ.գ.թ. Գոհար Իսկանդարեանը, Ռուսաստանի ՊԻՌ կենտրոնի «Ռուսաստանը եւ միջուկային չտարածման ծրագրի» տնօրէն Ադլան Մարգոեւը, «Չինաստան-Եւրասիա» քաղաքական եւ ռազմավարական հետազօտութիւնների խորհրդի Հոգաբարձուների խորհրդի անդամ Վազգէն Պետրոսեանը, Շւեդիայի Լունդ համալսարանի գիտաշխատող Առւին Խոշնուդը եւ «Հայաստանի դիւանագիտական հիմնադրամի» տնօրէն Նայիրի Հոխիկեանը։

Սեմինարի ընթացքում քննարկւեց Իրանի ԵԱՏՄ-ին անդամակցելու հեռանկարները եւ դրա կիրառելիութիւնը Թեհրան-Երեւան յարաբերութիւններում, Հայաստանում տեղի ունեցած «թաւշեայ յեղափոխութիւնը» եւ հայ-իրանական յարաբերութիւնների տեսլականը, գործողութիւնների համատեղ, համապարփակ ծրագրի ապագան, Չինաստանի դերը Իրանի միջուկային հիմնախնդրում, Ռուսաստանի ներդրումը գործողութիւնների համատեղ, համապարփակ ծրագրի բանակցութիւններում եւ դրա ապագայի վերաբերեալ մտահոգութիւնները, ԱՄՆ-Իրան յարաբերութիւնները յեղափոխութիւնից 40 տարի անց, Իրան-Հայաստան երկաթուղու նախագծի հեռանկարները, Իրանում տիրող ներքաղաքական իրավիճակի բացասական ազդեցութիւնը երկրի արտաքին առեւտրի վրայ եւ այլ հարցեր։

Սեմինարի ընթացքում ծաւալւեց ակտիւ քննարկում եւ կարծիքների փոխանակում։ «Չինաստան-Եւրասիա» քաղաքական եւ ռազմավարական հետազօտութիւնների խորհրդի ղեկավար Մհեր Սահակեանը նշեց, որ անհրաժեշտ է գիտութիւնը հասանելի դարձնել հասարակութեանը, իսկ հետազօտութիւնների արդիւնքները՝ գործածական, որից կը շահեն, թէ' պետութիւնը, թէ' գիտութիւնը, թէ' հասարակութիւնը։ Իսկ Չինաստան-Եւրասիա քաղաքական եւ ռազմավարական հետազօտութիւնների խորհուրդն էլ պատրաստ է օգտագործելով արտասահմանեան գիտական կենտրոնների հետ կապերը՝ Հայաստանում հետագայում էլ կազմակերպել նմանատիպ քննարկումներ։ Նա շնորհակալութիւն յայտնեց հայ եւ արտասահմանցի գործընկերներին, ովքեր պատրաստակամութիւն էին յայտնել այս բարդ իրավիճակում վերաիմաստաւորել Իրանի դերը փոփոխւող աշխարհակարգում եւ փորձել գտնել նաեւ հայկական շահը։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։