Հա

Քաղաքական

16/03/2019 - 13:10

«Արցախում պատերազմի սպառնալիքը դիւանագիտական հանդիպումները չեն չեղարկում». Մարգարով

Քաղաքագէտը աննախադէպ է համարում Ստեփանակերտում վերջերս կայացած Հայաստանի եւ Արցախի անվտանգութեան խորհուրդների նիստը։

Արցախեան հակամարտութեան կարգաւորման հարցով ներկայացւած սկզբունքները կոնկրետացման կարիք ունեն։

«alikonline.ir» - Քաղաքագէտը աննախադէպ է համարում Ստեփանակերտում վերջերս կայացած Հայաստանի եւ Արցախի անվտանգութեան խորհուրդների նիստը։

Արցախեան հակամարտութեան կարգաւորման հարցով ներկայացւած սկզբունքները կոնկրետացման կարիք ունեն։ Այս մասին երէկ հրաւիրւած մամուլի ասուլիսի ժամանակ ասաց քաղաքագէտ Ալեքսանդր Մարգարովը։ Գրում է «Sputnik» Արմենիան:

Նրա համոզմամբ` բանակցութիւնների սեղանին գտնւող կարգաւորման կէտերը տարընթերցումների առիթ են տալիս։ Եւ հակամարտող կողմերից իւրաքանչիւրը փորձում է այն մեկնաբանել իւրովի։ Փորձագէտը կարծում է, որ հիմա ժամանակն է պարզելու եւ յստակեցնելու այդ սկզբունքները, եթէ ուզում ենք կոնկրետ արդիւնք ստանալ։

Աւելի վաղ Արցախի ԱԳՆ ղեկավար Մասիս Մաիլյեանը ԵԱՀԿ գործող ղեկավար Միրոսլաւ Լայչակի հետ Երեւանում տեղի ունեցած հանդիպումից յետոյ յայտարարել էր, որ ժամանակն է հրաժարւել հնացած սկզբունքներից։ Դատելով սրանից` Մարգարովը կարծում է, որ կարգաւորման շուրջ առաջիկայ քննարկումներն ուղղւած կը լինեն այս խնդրի լուծմանը։

Ստեփանակերտում վերջերս տեղի ունեցած Արցախի եւ Հայաստանի ԱԽ նիստը փորձագէտն աննախադէպ է որակում` թէ իր ձեւով եւ թէ իր բովանդակութեամբ։ Նրա խօսքով` այդ նիստը վկայում է Երեւանի եւ Ստեփանակերտի միջեւ առկայ ճիշտ համագործակցութեան եւ համակարգման մասին։

Անկախ դիւանագիտական ակտիւ պրոցեսներից, արցախեան հակամարտութեան գօտում մարտական գործողութիւնների վերսկսման հաւանականութիւն նախկինի նման առկայ է։ Այս մասին են վկայում նաեւ ադրբեջանական կողմի` շփման գծում սեփական ենթակառուցւածքները, ինժեներական շինութիւնների ամրապնդելու ակտիւ փորձերը։

Քաղաքագէտը կարծում է, որ Ադրբեջանը մտադիր չէ իրեն ներկայացնել որպէս հակամարտութեան կողմ, որը հանդէս է գալիս բացառապէս խաղաղ կարգաւորման օգտին։ Բայց, ամէն դէպքում, կան նաեւ զսպող գործօններ։

«Բացի մարտական գործողութիւնների անթոյլատրելիութեան մասին միջազգային հանրութեան յստակ դիրքորոշման, Ադրբեջանի ռազմամոլ ձգտումները զսպում է նաեւ հայկական բանակի մարտական պատրաստւածութեան բարձր մակարդակը»,- ասաց քաղաքագէտը։

Հայաստանի եւ Ադրբեջանի առաջնորդների առաջիկայ հանդիպմանը, որի կազմակերպման համար այժմ ակտիւ նախապատրաստութիւն է գնում, Բաքուն պնդելու է Արցախին լայն ինքնավարութիւն տրամադրելու մասին թեզիսը։ Սակայն իրականում, ըստ Մարգարովի, Ադրբեջանն կը ցանկանար ստանալ Արցախի տարածքն առանց դրա բնակչութեան։ Հայկական կողմն իր հերթին բարձրացնելու է բանակցութիւնների ձեւաչափը փոխելու եւ դրանցում Ստեփանակերտի ներկայացուցիչների անմիջական մասնակցութեան հարցը։

Յարակից լուրեր

  • Արցախի ի նպաստ յաղթանակ մը
    Արցախի ի նպաստ յաղթանակ մը

    Միացեալ Նահանգներու Ներկայացուցչական տունը հինգշաբթի, 11 յուլիսին որդեգրեց բանաձեւ մը, որ ամերիկեան կառավարութեան կ՛արգիլէ Ատրպէյճանին ծախել այնպիսի զէնքներ, որոնք կրնան գործածուիլ Ստեփանակերտի օդակայանը օգտագործող օդանաւերու դէմ։ Ատրպէյճանի այս սպառնալիքին եւ անոր յաճախակի գործադրութեան հետեւանքով, Արցախի մայրաքաղաքին օդակայանը անդամալոյծ կը մնայ տասնամեակներէ ի վեր։

  • Արցախի մէջ հիմնուեցաւ Հ.Մ.Ը.Մ.-ի 111-րդ մասնաճիւղը
    Արցախի մէջ հիմնուեցաւ Հ.Մ.Ը.Մ.-ի 111-րդ մասնաճիւղը

    Հ.Մ.Ը.Մ.-ի երկրորդ հարիւրամեակի ծրագիրներուն առաջնահերթութիւնը Արցախի մէջ Հ.Մ.Ը.Մ.-ի մասնաճիւղ հիմնելու անհրաժեշտութիւնն էր։

  • Ծաւալւած գործընթացն իր մէջ պարունակում է լուրջ վտանգներ
    Ծաւալւած գործընթացն իր մէջ պարունակում է լուրջ վտանգներ

    Սամուէլ Բաբայեանը եւ նրա թիմակիցները փորձում են մեր հանրութեանը մոլորութեան տանելով եւ զգացական թելերի վրայ խաղալու քայլերով բացատրել, որ իբր այս գործընթացով Արցախը վերջնականորեն կը միաւորւի մայր Հայաստանին:

  • «Դաշնակցութիւն» խմբակցութիւնը հանդիպել է Արարատ Դանիէլեանին
    «Դաշնակցութիւն» խմբակցութիւնը հանդիպել է Արարատ Դանիէլեանին

    Երէկ՝ յուլիսի 12-ին, ԱՀ Ազգային ժողովի «Դաշնակցութիւն» խմբակցութեան պատգամաւորները հանդիպել են ԱՀ արդարադատութեան նախարար Արարատ Դանիէլեանի հետ՝ մանրամասն քննարկելու առաջին ընթերցմամբ ընդունւած ԱՀ Ընտրական օրէնսգրքի եւ Կուսակցութիւնների մասին օրէնքի նախագծերը, բանաւոր ներկայացնելու խմբակցութեան առաջարկութիւնները եւ մտքեր փոխանակելու մի շարք այլ հարցերի շուրջ:

  • Տակից ռազմատենչութիւնը խրախուսելով՝ առերես խաղաղութեա՞ն են պատրաստում
    Տակից ռազմատենչութիւնը խրախուսելով՝ առերես խաղաղութեա՞ն են պատրաստում

    Եւրոպական խորհրդի նախագահ Դոնալդ Տուսկի տարածաշրջանային այցի ընթացքում, ինչ խօսք, չէր կարող շրջանցւել Արցախի հիմնախնդրի թեման: Այն, բնականաբար, շօշափւեց: Արտաքուստ, թւում է, որ ե՛ւ Բաքւում, ե՛ւ Երեւանում Դոնալդ Տուսկը նոյնական կամ գրեթէ նոյնական յայտարարութիւններ արեց: Բայց այդպէ՞ս է արդեօք:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։