Հա

Քաղաքական

13/05/2019 - 14:20

Խնդիրներն ախտորոշելու եւ գնահատելու դժւարութիւններ ունենք

«Aysor.am»-ի զրուցակիցը ՀՅԴ Էկոնոմիկա եւ ֆինանսներ յանձնախմբի նախագահ Արմէն Գրիգորեանն է։

«alikonline.ir» - «Aysor.am»-ի զրուցակիցը ՀՅԴ Էկոնոմիկա եւ ֆինանսներ յանձնախմբի նախագահ Արմէն Գրիգորեանն է։



- Պաշտօնավարման 1 տարին ամփոփելիս վարչապետ Փաշինեանը ներկայացրեց կառավարութեան կողմից իրականացւած 100 փաստ։ Սոցիալական հարթակներում, սակայն, դրան յաջորդեցին գնահատականները, թէ ամենօրեայ ընթացիկ աշխատանքները, որոնք նախորդ իշխանութեան օրակարգից էին, վարչապետը ներկայացրել է որպես իր կառավարութեան ձեռքբերում եւ դա որպէս փաստ ներկայացրել հանրութեանը։ Այս հարցի առնչութեամբ ո՞րն է Ձեր մեկնաբանութիւնը։

- Գիտէք, նախ այդ փաստերի շարւածքը թոյլ է տալիս մտածելու, որ ըստ ոլորտների որոշակի քանակներով իրար յաջորդում էին, տպաւորութիւն էր, որ տեղեկանքներ էր հաւաքւել նախարարութիւններից եւ կից մարմիններից, ուղղակի համարակալւել եւ ընթերցւում էր: Այդ էր պատճառը, որ թւարկւած շարքը ունէր տարբեր բնոյթ եւ ժամանակ չէր տրամադրւել, որպէսզի դասակարգւէր ըստ ռազմավարական, մարտավարական եւ օրւայ առաջնային լուծում պահանջող խնդիրների: Իսկ Ձեր նշած հարցի երկրորդ մասն իսկապէս կայ, քանի որ ըստ պաշտօնական վիճակագրութեան՝ 2019 թւականի յունւարին գրանցւած աշխատողների թիւը, նախորդ տարւայ յունւարի հետ համեմատ, աճել է շուրջ 50 652-ով, իսկ այդ նոյն վիճակագրութեան համաձայն, 2018 թւականի առաջին չորս ամիսներին նոյն տարւայ յունւարի հետ համեմատած աւելացել է 28.383-ով: Բայց սա չի կարեւորը, այլ այն, որ իսկապէս խնդիրներն ախտորոշելու եւ գնահատելու դժւարութիւններ ունենք:

 

- Կայի՞ն կէտեր, ըստ Ձեզ, որոնք ընդհանրապէս չէր կարելի ներկայացնել, կամ հակառակը, կա՞ն փաստեր, որոնք իսկապէս այս կառավարութեան ձեռքբերումներն են։

- Եթէ փորձեմ ըստ էութեան ներկայացնել մի քանիսը, բնականաբար, կը ստացւի հետեւեալը, օրինակ՝ ասւում է 13.7 մլրդ. դրամ երթեւեկութեան կանոնների տուգանք վճարելուց մարդիկ ազատւել են, կամ վարչապետը նշում է, որ կուտակային համակարգը գործադրման պատճառով 2.5%-ով բարձրացել են մարդկանց աշխատավարձերը կամ բիւջէի եկամուտները նախատեսւում էր գերակատարել 40 մլրդ. դրամով, բայց կը գերակատարւի 62 մլրդ. դրամով: Այս տեսակ հարցեր կան, որոնց էութիւնը փոխւում է՝ կախւած, թէ ինչպէս ես մօտենում խնդրին: Մօտեցումը պէտք է լինէր հետեւեալը, որ երթեւեկութեան կանոնները խախտելու համար պարտաճանաչ վճարողները անյարմար վիճակում չյայտնւեն, իսկ ներւած քաղաքացիները հնարաւորութիւն չունենային խախտումները շարունակելու, այսինքն՝ պայման դրւէր: Կուտակային կենսաթոշակային համակարգը ամբողջութեամբ պէտք է կասեցւէր եւ գումարները վերադարձւէր մարդկանց, մանաւանդ որ նոր հարկային փոփոխութիւններով նախատեսւում է վերականգնել այդ նոյն 2.5%-ը: Այ, եթէ վերադարձւէր, կարող էին հպարտանալ, որ իրենց երկար տարիների քաղաքական պայքարը այս համակարգի դէմ յաջողել են եւ արդարացւած են նախկինում տրւած գնահատականները:

Բիւջէի եկամուտները նախապէս կազմւել էր այնպւս, որ գերակատարելը դժւար չլինէր, նախապէս ցածր շեմ է պլանաւորւել: Խնդիրներ կան աշխատատեղերի կրճատման հետ, վարչապետը նշում է աշխատաշուկայում ստւերի կրճատման մասին, բայց օպտիմալացման անւան տակ քանի մարդ է կրճատւելու դեռեւս յստակ չէ: Կարծում եմ՝ նախատեսւող կրճատումները առաջիկայում կարւեն, քանի որ ԱԺ «Իմ քայլը» խմբակցութիւնը հաստատեց կառավարութեան կառուցւածքը, հիմա կամ պէտք է կրճատւեն, կամ պէտք է հերքեն նախկինում ասւած ուռճացւած ապարատ եզրոյթը: Աշխատավարձի բարձրացումը որոշ սեգմենտներում այնքան քիչ է, որ նոյնիսկ գնաճը չի ծածկում: Կարեւորում եմ 700-ով ժամկէտայինների փոխարինումը պայմանագրայիններով, մարտական դիրքերի կահաւորանքի աւելացման հարցերը:

 

- Որպէս իրականացւած փաստ՝ վարչապետը ներկայացրեց, թէ 51 հազար աշխատատեղ դուրս է բերւել ստւերից՝ որոշ մասը ենթադրաբար նոր ստեղծւած աշխատատեղեր են: Նա, սակայն, չնշեց, թէ վերջին մէկ տարւայ ընթացքում քանի գործարան է գործարկւել Հայաստանում։ Դուք ունէ՞ք վերլուծութիւն վերոնշեալի վերաբերեալ։

- Այդ 51 հազար աշխատատեղի մասին, ինչպէս նշեցի, միանշանակ չի, դա չի աւելացւում եղած աշխատատեղի վրայ, դրանից պէտք է հանել գործազրկութեան քանակն աւելացնողներին: Եւ յետոյ, այդ մասին տարբեր ժամանակներ տարբեր ձեւակերպմամբ է ներկայացւում առաջին անգամ, թէ ստեղծւել եւ ստւերից հանւել է, յետոյ փորձ արւեց դրանց ոլորտները մատնանշել, իսկ հիմա դարձել է ստւերից հանւած եւ ենթադրաբար ստեղծւած: Իսկապէս կարեւոր է, որ ստւերից դուրս բերւի եւ գրանցւի աշխատակիցը, կարեւոր է նաեւ նոր աշխատատեղի ստեղծումը: Պէտք է նշեմ, որ ՀՀ-ում գործազրկութիւնը մօտ 21% ցուցանիշ ունի, աշխատող բայց աղքատներն էլ բաւականին մեծ տոկոս են կազմում: Աշխատատեղերի ստեղծումը իշխանութիւնների հոգսը չի, նրանք նէոլիբերալ տնտեսական կարգ են առաջ տանում, նոյնիսկ մէկ անգամ վարչապետ ասաց, որ չպէտք է խանգարել մեր քաղաքացիներին եւ ամէն ինչ իր տեղը կընկնի, ես այդ մոդելը չեմ ընդունում, պետութիւնն ուղղակի պէտք է պարտաւորութիւն վերցնի իր վրայ եւ հոգայ մարդկանց խնդիրները:

 

- Ներկայացւած փաստերը վերլուծելով՝ կարո՞ղ ենք ասել, որ ՀՀ-ն ունի զարգացման տեսլական, թէ՝ ոչ։

- ՀՀ-ն ունի սահմանադրութեամբ ձեւակերպւած ուղի, այն է՝ ստեղծել սոցիալական, իրաւական պետութիւն: Իշխանութիւններն իրենց պատկերացումները պէտք է բխեցնեն այս ձեւակերպումներից, եթէ ասում ենք սոցիալական արդարութիւն, բայց հարկային համակարգում համահարթեցնում ենք եկամտային հարկը, չենք ընդունում նւազագոյն չհարկւող եկամուտի մոդելը եւ կառավարութեան ծրագրում չենք նախատեսում չափելի արդիւնքներ, ՀՀ-Սփիւռք յարաբերութիւնները տեղավորում ենք մի գրասենեակում եւ նմանատիպ այլ իրարարմերժ մոդելներ ենք փորձում կիրառել, ապա դժւար է խօսել զարգացման մասին: Եթէ ասեմ այո ունի, ապա այստեղ կը հնչեցնեք հարց, թէ ո՞րն է դա, իսկ ես դրա պատասխանը չունեմ:

Յարակից լուրեր

  • ԱՄՆ Հայ Դատի յանձնախումբը ընդունել է ՀՀ ԱԽ քարտուղարին
    ԱՄՆ Հայ Դատի յանձնախումբը ընդունել է ՀՀ ԱԽ քարտուղարին

    Այսօր Անվտանգութեան խորհրդի քարտուղար Արմէն Գրիգորեանը Ամերիկայի Միացեալ Նահանգներ կատարած աշխատանքային այցի շրջանակներում այցելեց Ամերիկայի Հայ Դատի յանձնախմի (Armenian National Committee of America) գլխամաս եւ հանդիպեց կազմակերպութեան ղեկավար կազմի հետ:

  • Կառավարութեան որպէս ձեռքբերում ներկայացւած փաստերի արդիւնքները դեռեւս տեսանելի չեն
    Կառավարութեան որպէս ձեռքբերում ներկայացւած փաստերի արդիւնքները դեռեւս տեսանելի չեն

    Գիւղատնտեսութեան նախկին նախարար, ՀՅԴ ԳՄ անդամ Արթուր Խաչատրեանը կարծում է՝ վարչապետ Նիկոլ Փաշինեանի ներկայացրած 100 փաստերի մի մասը ներկայացւում է որպէս ձեռքբերում, սակայն դրանք գործողութիւններ են, որոնց արդիւնքները դեռեւս տեսանելի չեն:

  • Մէկ տարւայ կառավարում. վարչապետի ինքնագովազդի առիթով մի քանի հարցեր եւ պատասխաններ
    Մէկ տարւայ կառավարում. վարչապետի ինքնագովազդի առիթով մի քանի հարցեր եւ պատասխաններ

    Վարչապետ Նիկոլ Փաշինեանը մայիսի 8-ին իր պաշտօնավարման մէկ տարւայ առիթով հրաւիրւած մամուլի ասուլիսում որպէս կառավարութեան ձեռքբերում ներկայացրեց. «Այս տարւայ առաջին եռամսեակում ամուսնութիւնների թիւը նախորդ տարւայ ցուցանիշը գերազանցել է 5 %-ով, ամուսնալուծութիւնները նւազել են 17 %-ով»։

  • ՀՀ-Սփիւռք յարաբերութիւններում ներդրւելիք նոր համակարգի մասին
    ՀՀ-Սփիւռք յարաբերութիւններում ներդրւելիք նոր համակարգի մասին

    ՀՀ խորհրդարանում քննարկւեց եւ ընդունւեց «Կառավարութեան կառուցւածքի եւ գործունէութեան մասին» օրէնքում փոփոխութիւններ եւ լրացումներ կատարելու մասին նոր օրէնքը: Նշեալ եւ յարակից օրէնքների նախագծերի փաթեթի վերաբերեալ Հայաստանի Հանրապետութեան կառավարութեան օրէնսդրական նախաձեռնութեանը ՀՀ կառավարութիւնը հաւանութիւն էր տւել 2019 թւականի մարտի 7-ի որոշմամբ:

  • «168 ժամ». «Լուրջ ահազանգ կառավարութեան ու Փաշինեանի համար»
    «168 ժամ». «Լուրջ ահազանգ կառավարութեան ու Փաշինեանի համար»

    «168 ժամ» թերթը գրում է. «Մինչ տնտեսական ակտիւութեան մակարդակը Հայաստանում տարեսկզբին սպասւածից մի բան էլ բարձր է, արտաքին առեւտրի շրջանառութիւնը, մասնաւորապէս՝ արտահանումը, հսկայական տեմպերով նւազում է։ Այնինչ թւում է, թէ այդպէս չպիտի լինէր։ Տնտեսական աճը պիտի յանգեցնէր նաեւ արտահանման ծաւալների աւելացմանը։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։