Հա

Քաղաքական

13/05/2019 - 14:40

Հրադադարի համաձայնագրի ստորագրումը հնարաւոր է դարձել մի շարք գործօնների շնորհիւ. Արցախի ԱԳՆ

25 տարի առաջ ուժի մէջ է մտել Կրակի եւ ռազմական գործողութիւնների լիակատար դադարեցման մասին եռակողմ համաձայնագիրը, որը ստորագրւել է Արցախի, Ադրբեջանի եւ Հայաստանի կողմից՝ Ռուսաստանի միջնորդութեամբ: 1994 թ. յուլիսի 26-27-ը, լրացուցիչ պայմանագիր ստորագրելով, բոլոր երեք կողմերը հաստատել են հրադադարի ռեժիմի անժամկէտ բնոյթը՝ ընդհուպ մինչեւ ադրբեջանա-ղարաբաղեան հակամարտութեան վերջնական կարգաւորումը

«alikonline.ir» - 25 տարի առաջ ուժի մէջ է մտել Կրակի եւ ռազմական գործողութիւնների լիակատար դադարեցման մասին եռակողմ համաձայնագիրը, որը ստորագրւել է Արցախի, Ադրբեջանի եւ Հայաստանի կողմից՝ Ռուսաստանի միջնորդութեամբ: 1994 թ. յուլիսի 26-27-ը, լրացուցիչ պայմանագիր ստորագրելով, բոլոր երեք կողմերը հաստատել են հրադադարի ռեժիմի անժամկէտ բնոյթը՝ ընդհուպ մինչեւ ադրբեջանա-ղարաբաղեան հակամարտութեան վերջնական կարգաւորումը: Տեղեկացնում է «Yerkir.am»-ը:

Արցախի ԱԳՆ-ի տարածած յայտարարութեան մէջ ասւում է, որ 1994 թ. մայիսի 12-ի Համաձայնագիրն ունի առանցքային նշանակութիւն, քանի որ այն վերջ դրեց ադրբեջանական իշխանութիւնների կողմից սանձազերծւած պատերազմին, հակամարտութիւնը տեղափոխեց քաղաքական-դիւանագիտական հուն եւ պայմաններ ստեղծեց, որպէսզի կողմերը միջազգային միջնորդների աջակցութեամբ կարողանան իրենց ջանքերն անմիջականօրէն կենտրոնացնեն բանակցութիւնների միջոցով հակամարտութեան վերջնական կարգաւորման ուղիներ փնտրելու վրայ։

Սոյն Համաձայնագրի ստորագրումը, որն առայսօր հակամարտութեան կարգաւորման գործընթացում միակ իրական ձեռքբերումն է, հնարաւոր է դարձել մի շարք գործօնների շնորհիւ: Նախ` Արցախի Պաշտպանութեան բանակին յաջողւեց հետ մղել Ադրբեջանի զինւած ագրեսիան, լրջօրէն խաթարել Բաքւի ռազմական ներուժը եւ հարկադրել նրան նստել բանակցային սեղանի շուրջ: Երկրորդ, յայտնւելով լուրջ ռազմական պարտութիւնների առջեւ, Ադրբեջանի ղեկավարութիւնը ոչ միայն դադարել էր խոչընդոտել բանակցային գործընթացում Արցախի լիարժէք ներգրաււածութիւնը՝ որպէս հակամարտութեան հիմնական կողմերից մէկը, այլեւ հէնց ինքն է բազմիցս նախաձեռնել պաշտօնական Ստեփանակերտի հետ անմիջական շփումներ, այդ թւում՝ ամենաբարձր մակարդակով: Այս շփումների շնորհիւ ձեռք է բերւել շուրջ 10 պայմանաւորւածութիւն՝ ռազմական գործողութիւնների սահմանափակման, ժամանակաւոր հրադադարի կամ դրա երկարաձգման մասին, ինչն էլ արդիւնքում յանգեցրել է Կրակի եւ ռազմական գործողութիւնների լիակատար դադարեցման մասին անժամկէտ համաձայնագրի ստորագրմանը։

Այսօր՝ 25 տարի անց, 1994 թ. մայիսի 12-ի Համաձայնագիրը շարունակում է մնալ հրադադարի ռեժիմի եւ Հարաւային Կովկասում տարածաշրջանային խաղաղութեան եւ անվտանգութեան պահպանման իրաւական հիմքը: Այս փաստն անվերապահօրէն ընդունւած է միջազգային հանրութեան կողմից, ինչի մասին վկայում է 2016 թ. Ադրբեջանի կողմից սանձազերծւած ապրիլեան պատերազմին ԵԱՀԿ Մինսկի խմբի համանախագահների՝ Ռուսաստանի, ԱՄՆ եւ Ֆրանսիայի, ինչպէս նաեւ ՄԱԿ Գլխաւոր քարտուղարի, ԵԱՀԿ Գործող նախագահի եւ Եւրոպայի խորհրդի Գլխաւոր քարտուղարի արձագանգը, ովքեր կոչ են արել խստօրէն հետեւել 1994 թ. մայիսի 12-ի կրակի լիակատար դադարեցման մասին Համաձայնագրին եւ 1995 թ. փետրւարի 6-ի հրադադարի ռեժիմի ամրապնդման մասին Համաձայնագրին:

Կրակի լիակատար դադարեցման մասին Համաձայնագրի գործունէութիւնը հաստատում է, որ կարգաւորման գործընթացում իրական յաջողութեան հասնել հնարաւոր է բանակցութիւնների լիարժէք եռակողմ ձեւաչափում, որը, միջազգային իրաւունքի համաձայն, հաշւի է առնում հակամարտութեան բոլոր կողմերի շահերն ու մտահոգութիւնները: Արցախի Հանրապետութեան արտաքին գործերի նախարարութիւնը գտնում է, որ հակամարտութեան կարգաւորմանն անհրաժեշտ խթան հաղորդելու համար հարկ է, մի կողմից, վերսկսել ուղղակի եռակողմ բանակցութիւնները, միւս կողմից, հետեւողականօրէն ամրապնդել հրադադարի ռեժիմը, այդ թւում նաեւ` դրա վերահսկման միջազգային մեխանիզմի ներդրման միջոցով, որը նախատեսւած է 2016 թ. Վիեննայում եւ Սանկտ Պետերբուրգում ձեռք բերւած պայմանաւորւածութիւններով: Կարեւոր է նաեւ վերականգնել հակամարտող ուժերի սահմանազատման գիծը, որը ռազմական գործողութիւնների դադարեցման ժամանակ երեք կողմերի միջեւ համաձայնեցւել եւ ամրագրւել է ՌԴ Պաշտպանութեան նախարարութեան միջնորդութեամբ` որպէս հրադադարի ռեժիմի բաղկացուցիչ մաս:

Արցախի Հանրապետութեան արտաքին գործերի նախարարութիւնը վերահաստատում է պաշտօնական Ստեփանակերտի հաւատարմութիւնը հակամարտութեան բացառապէս խաղաղ կարգաւորմանը եւ Ադրբեջանի իշխանութիւններին կոչ է անում հրաժարւել դրա ուժային լուծման անհեռանկարային քաղաքականութիւնից, ինչը թոյլ կը տայ անշրջելի դարձնել խաղաղ գործընթացը եւ տեւական խաղաղութիւն ու կայունութիւն հաստատել Հարաւային Կովկասի տարածաշրջանում:

Յարակից լուրեր

  • Ժողովրդավարութեան գերեզմանափորները. դեռ ուշ չի դէմքը փրկելու համար
    Ժողովրդավարութեան գերեզմանափորները. դեռ ուշ չի դէմքը փրկելու համար

    Հրապարակախօս, լրագրող Վահան Իշխանեանն իր ֆէյսբուքեան էջում գրում է.

    «Այն քաղաքական ու հասարակական գործիչները, ովքեր վարչապետ Նիկոլ Փաշինեանի կոչով դատարանների մուտքերը փակեցին կամ ողջունեցին այն, չդիմացան այն փորձութեանը, որով պարզւեց, որ նրանք կայուն համոզմունքներ չունեն ժողովրդավարութեան եւ մարդու իրաւունքների վերաբերեալ, եւ իրենց առաջնորդի մատի շարժումով կարող են վերածւել ժողովրդավարութեան գերեզմանափորների։

  • Ժողովրդավարութեան տապալում
    Ժողովրդավարութեան տապալում

    Ժողովրդավարութիւնը մի համակարգ է որում իշխանութիւնը պատկանում է ժողովրդին, որի կառավարումը իրականացւում է ժողովրդի հանրաքւէով հաստատւած սահմանադրութեան սկզբունքների հիման վրայ, կառավարող մարմինների համար պարբերաբար անցկացւող ազատ ու արդար ընտրութիւններով ժողովրդի ընտրեալների միջոցով, ոչ թէ փողոցում մութ նպատակների համար հաւաքւած մի խումբ՝ խուլիգանների:

  • «Հնարաւոր է` Փաշինեանը նախապէս մեղքը գցում է ղարաբաղցիների վրայ». «Minval.az»-ի յօդւածը
    «Հնարաւոր է` Փաշինեանը նախապէս մեղքը գցում է ղարաբաղցիների վրայ». «Minval.az»-ի յօդւածը

    Ադրբեջանական «Minval.az» պարբերականը յօդւած է հրապարակել` անդրադառնալով երէկ Հայաստանում տեղի ունեցած իրադարձութիւններին եւ ՀՀ վարչապետ Նիկոլ Փաշինեանի` դատական համակարգի փոփոխութեան մասին ելոյթին:

  • «Իրատես». «Ո՞ւմ մտքով կանցներ, որ յանուն հայրենիքի ռազմաճակատ մեկնած մարդու հետեւից 2.5 տասնամեակ անց «թուրք» կարող են վանկարկել ու թքել նրա վրայ»
    «Իրատես». «Ո՞ւմ մտքով կանցներ, որ յանուն հայրենիքի ռազմաճակատ մեկնած մարդու հետեւից 2.5 տասնամեակ անց «թուրք» կարող են վանկարկել ու թքել նրա վրայ»

    «Իրատես» թերթը գրում է. ««Ո՞ւմ մտքով կանցներ, որ յանուն հայրենիքի ռազմաճակատ մեկնած մարդու ետեւից երկուսուկէս տասնամեակ անց «թուրք» կարող են վանկարկել ու թքել նրա վրայ: Ո՞վ կարող էր պատկերացնել, որ մի բուռ ժողովրդին կարող են սեւերի ու սպիտակների, յեղափոխականների ու հակայեղափոխականների բաժանել ու թոռների հետ զբօսանքի դուրս եկած ազատամարտիկին` ՀՅԴ-ական Հրանտ Մարգարեանին, յարձակման թիրախ դարձնել օրը ցերեկով՝ երեխաների աչքի առջեւ:

  • «Ղարաբաղը զգում է՝ իր մէջքի հետեւում ինչ-որ բան է կատարւում»․ «168 Ժամ»
    «Ղարաբաղը զգում է՝ իր մէջքի հետեւում ինչ-որ բան է կատարւում»․ «168 Ժամ»

    «168 ժամ»-ը գրում է․ «Ցանկացած յեղափոխութիւն ունի իր ժանրը, իր էպիզոդները՝ արտաքին թշնամի, դաւադրութիւններ, եւ այլն։ Այսինքն՝ այս կերպ գործում է այն իշխանութիւնը, որը նպատակ ունի ոչ թէ լուծել համահասարակական խնդիրները, այլ պահել իր ազդեցութիւնը։ Նիկոլ Փաշինեանը, մէկ տարի է՝ իշխանութիւն է, դատական համակարգն իշխանութեան ամենակարեւոր ճիւղերից մէկն է, եւ այդ ոլորտում բարեփոխումները պէտք է նախաձեռնւէին ամենաառաջին հերթին։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։