Հա

Քաղաքական

18/05/2019 - 14:10

«Հայաստանցին ու արցախցին եղբայրական ժողովուրդներ չեն, մենք ՀԱՅ ենք». Արցախի հերոս, գեներալ-լէյտենանտ Արշաւիր Ղարամեան

Արցախի հերոս, գեներալ-լէյտենանտ Արշաւիր Ղարամեանը ֆէյսբուքեան էջում գրել է․

«alikonline.ir» - Արցախի հերոս, գեներալ-լէյտենանտ Արշաւիր Ղարամեանը ֆէյսբուքեան էջում գրել է․

«Մայիսի 7-ից սկսած, երբ յայտնի դարձաւ, որ Արցախի նախագահ Բակօ Սահակեանը եւ Արցախի երկրորդ նախագահ Արկադի Ղուկասեանը խնդրանքով դիմել են ՀՀ գլխաւոր դատախազ Արթուր Դաւթեանին` Արցախի առաջին նախագահ եւ ՀՀ երկրորդ նախագահ Ռոբերտ Քոչարեանի խափանման միջոցը՝ կալանաւորումը փոխելու այլ խափանման միջոցով, որոշ ուժերի կողմից լրատւական դաշտ նետւեցին Արցախի եւ արցախցիների դէմ դաւադրութիւների տեսութեանը բնորոշ մտքեր եւ լեւոն տէր-պետրոսեանական, հախվերդեանական ու ղուշչեանական ոճով «թեզեր»:

Կրքերը աւելի բորբոքելու համար որոշ անուղեղների կողմից նորից դաշտ նետւեցին դաւաճանական թեզեր` «ղարաբաղցիները թուրք են, իսկ արցախցիները հայ», «ինչու են մեր երեխաները ծառայում Արցախում», «2016 թ.-ի ապրիլին ընդամենը մէկ արցախցի է զոհւել» եւ այլ աբսուրդի հասնող մտքի «գոհարներ»:

Շատ դէպքերում խայծը կուլ են տալիս նաեւ պետական պաշտօն զբաղեցնող որոշ անձինք, ինչպէս նաեւ իրենց փորձագէտ համարողներ, որոնց արտահատած անձնական կարծիքները մեդիադաշտում ու սոցիալական ցանցերում մանիպուլիացիաների ենթարկւելով յանգեցնում են խառնաշփոթութեան:

Կոչ եմ անում բոլորին ականջալուր լինել կրտսեր ընկերոջս՝ Տիգրան Մկրտչեանին եւ վերջ դնել այս ազգակործան ու պետականակործան գործընթացներին` ամբողջ ներուժը Հայաստանին (ՀՀ եւ ԱՀ) սպասւող մարտահրաւէրներին դիմակայելուն ուղղելով:

«Հայաստանն ու Արցախը եղբայրական երկրներ չեն, հայաստանցիներն ու արցախցիները եղբայրներ չեն:

Հայաստան ու Արցախ երկու եղբայրական երկրներ չեն, որովհետեւ կայ մէկ երկիր հայկական` ՀԱՅԱՍՏԱՆ, ե՞րբ ենք վերջապէս սովորելու երկիրն ու պետութիւնը տարբերել: Հայաստան երկրի մեծ մասը զաւթւած, օկուպացւած է օտար, ոչ հայկական պետութիւնների կողմից, իսկ Հայաստան երկրի հայահպատակ հատւածում կայ ՀՀ եւ ԱՀ, ԱՀ-ի հետ կապւած տարբեր կարծիքներ կան, բայց խօսքը դրա մասին չէ: Այս համատեքստում անընդունելի է, երբ ՀՀ-ն անւանում են Մայր Հայրենիք. հայրենիքը մէկն է եւ հայր, մայր, դուստր չկայ:

Հայաստանցին ու արցախցին էլ եղբայրական ժողովուրդներ չեն, որովհետեւ մենք մէկ միասնական մարմին, սիրտ, հոգի ու արիւն ենք, մենք ՀԱՅ ենք»:

Յարակից լուրեր

  • Մեկնարկել է ՀՄԸՄ Արցախի մեկուսի մասնաճիւղի առաջին բանակումը
    Մեկնարկել է ՀՄԸՄ Արցախի մեկուսի մասնաճիւղի առաջին բանակումը

    Օգոստոսի 22-28-ը Ասկերանի շրջանի Պատարա համայնքի տարածքում ընթանում է նախօրէին հիմնւած Հայ մարմնակրթական ընդհանուր միութեան Արցախի մեկուսի մասնաճիւղի առաջին բանակումը:

  • ՀՄԸՄ պաշտօնական մուտքն Արցախ
    ՀՄԸՄ պաշտօնական մուտքն Արցախ

    Ինչպէս տեղեկացրել էինք, օգոստոսի 22-ին Ստեփանակերտում կայացել է Հայ մարմնակրթական ընդհանուր միութեան Արցախի մեկուսի մասնաճիւղի բացման արարողութիւնը:

    Բացման արարողութեանը ներկայ էին ԱՀ նախագահ Բակօ Սահակեանը, Արցախի թեմի առաջնորդ Պարգեւ արքեպիսկոպոս Մարտիրոսեանը, պետնախարար Գրիգորի Մարտիրոսեանը, պետական այրեր, ՀՅԴ Արցախի ԿԿ, ՀՄԸՄ Կենտրոնական Վարչութեան անդամներ, հիւրեր:

  • Արցախում բացւել է ՀՄԸՄ 111-րդ մասնաճիւղը
    Արցախում բացւել է ՀՄԸՄ 111-րդ մասնաճիւղը

    Օգոստոսի 22-ին Արցախի մայրաքաղաք Ստեփանակերտի Վերածննդի հրապարակում հանդիսաւորութեամբ նշւել է Հայ Մարմնակրթական ընդհանուր միութեան (ՀՄԸՄ) Արցախի մասնաճիւղի բացման արարողութիւնը: ՀՄԸՄ-ի Արցախի մասնաճիւղը թւով 111-րդն է եւ բացւել է մօտ մէկ ամիս տեւած նախապատրաստական աշխատանքներից յետոյ:

  • Խմբագրական. Ուղղակի ժողովրդավարութեամբ` հանրաքուէով
    Խմբագրական. Ուղղակի ժողովրդավարութեամբ` հանրաքուէով

    Ամուլսարը հանքարդիւնաբերական նպատակներով շահագործելու խնդիրը համատարած եւ սուր հնչեղութիւն ստացած է մեր երկրին մէջ: Տեղեկատուական բաց համակարգը բնականաբար կը նպաստէ, որ երկրի սահմանները հատուին դէպի ընդհանրապէս հայկական աշխարհ եւ հրապարակային քննարկումները շարունակուին այս առումով: 

  • ՄԱԿ-ում տարածւել է Արցախի Հանրապետութեան Կամաւոր ազգային զեկոյցը
    ՄԱԿ-ում տարածւել է Արցախի Հանրապետութեան Կամաւոր ազգային զեկոյցը

    ՄԱԿ-ում, որպէս պաշտօնական փաստաթուղթ, տարածւել է Արցախի Հանրապետութեան Կամաւոր ազգային զեկոյցը՝ ՄԱԿ-ի «Կայուն զարգացման 2030 օրակարգում» ներառւած կայուն զարգացման նպատակների իրականացման վերաբերեալ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։