Հա

Քաղաքական

10/06/2019 - 10:40

ՀՀ ՏԻՄ ընտրութիւններ. Աբովեանում գործող քաղաքապետը յաղթել է իշխանութեան թեկնածուին. ընտրւել են ՀՅԴ-ն, ԲՀԿ-ն, ՔՊԿ-ն ներկայացնող 1-ական համայնքապետեր

Հայաստանում, երէկ՝ յունիսի 9-ին 23 համայնքներում տեղի են ունեցել տեղական ինքնակառավարման մարմինների (ՏԻՄ) ընտրութիւններ:

«alikonline.ir» - Հայաստանում, երէկ՝ յունիսի 9-ին 23 համայնքներում տեղի են ունեցել տեղական ինքնակառավարման մարմինների (ՏԻՄ) ընտրութիւններ:

Ինչպէս եւ սպասւում էր, ուշադրութեան կիզակէտում էր յատկապէս Կոտայքի մարզի խոշորագոյն Աբովեան քաղաքում տեղի ունեցած համայնքապետի ընտրութիւններն էին,որտեղ առաջադրւած 5 թեկնածուներից հիմնական պայքարն ընթանում էր գործող քաղաքապետ Վահագն Գէորգեանի, ում պատշպանում էր ԲՀԿ նախագահ Գագիկ Ծառուկեանը եւ իշխանութիւնների կողմից (Քաղաքացիական պայմանագիր կուսակցութիւն-ՔՊԿ) առաջադրւած Գրիգոր Գուլեանը,որի քարոզարշաւին մասնակցեց ՀՀ վարչապետ Նիկոլ Փաշինեանը:

Աբովեան քաղաքում ընտրողների ցուցակում ընդգրկւած 33 հազար 770 հոգուց ընտրութիւններին մասնակցել է 13 հազար 989 մարդ։ Աբովեանի քաղաքապետի պաշտոնում վերընտրւել է գործող քաղաքապետ Վահագն Գէորգեանը:

Ձայները բաշխւել են հետեւեալ կերպ.

Վահագն Գէորգեան՝ 6457 ձայն

Գրիգոր Գուլեան՝ 6235 ձայն

Սասուն Գրիգորեան՝ 619 ձայն

Մանուկ Մկրտչեան՝ 301 ձայն

Արթուր Ղազարեան ՝ 100 ձայն

23 համայնքներում կայացած ընտրութիւնների արդիւնքում, ընտրւել են ՀՅԴ-ն, ԲՀԿ-ն, ՔՊԿ-ն ներկայացնող 1-ական համայնքապետեր: Մասնաւորապէս Տաւուշի մարզի Ազատամուտ համայնքի ղեկավար է ընտւել ՀՅԴ-ն ներկայացնող Վահագն Ալավերդեանը: Նրան կողմ է քւէարկել 1046 ընտրող, իսկ  դէմ՝ 36։

Համայնքում առաջադրւել էր երկու թեկնածու, երկրորդ թեկնածուն՝ Սեւադա Բալասեանը, ընտրութիւններից առաջ ինքնաբացարկ էր յայտնել։

 

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։