Հա

Քաղաքական

10/06/2019 - 11:30

Փաշինեանի «նշանառութեան տակ». ՀՀ վարչապետին գործընկեր է պէտք Արցախի նախագահի պաշտօնում

Հայաստանի իշխանութիւնն Արցախի նախընտրական քարոզարշաւի ընթացքում կարծես թէ խաղադրոյք է արել թեկնածուներից մէկի վրայ, այդուհանդերձ նրան դժւար է գաղափարական գործընկեր համարել։

«alikonline.ir» - Թէեւ Հայաստանի իշխանութիւնն Արցախի նախընտրական քարոզարշաւի ընթացքում կարծես թէ խաղադրոյք է արել թեկնածուներից մէկի վրայ, այդուհանդերձ նրան դժւար է գաղափարական գործընկեր համարել։

Երեւանի ու Ստեփանակերտի յարաբերութիւններում նկատւող լարւածութիւնը կապւած է Արցախում կայանալիք ընտրութեան հետ։ «Sputnik» Արմենիայի հետ զրոյցում այս կարծիքը յայտնեց քաղաքագէտ Երւանդ Բոզոյեանը։

«Բնականաբար, իշխանութեան գալուց յետոյ Փաշինեանը փորձեց այդ իշխանութիւնը տարածել նաեւ այլ ճիւղերի վրայ։ Ընտրութիւններից յետոյ նա Ազգային ժողովում մեծամասնութիւն ստացաւ, հիմա էլ փորձում է հսկողութեան տակ առնել նաեւ դատական համակարգը»,- նշեց Բոզոյեանը։

Նրա խօսքով` Արցախն անքակտելիօրէն կապւած է Հայաստանի հետ, ու Փաշինեանի համար անընդունելի է, որ ղեկավարը լինի մէկը, ով իր «գործընկերը» չէ։

Բոզոյեանի կարծիքով` դժւար է ասել` ինչի կը յանգեցնի Երեւանի ու Ստեփանակերտի միջեւ զգացւող լարւածութիւնը։ Բանն այն է, որ Արցախի քաղաքական ուժերը, որոնք պայքարում են միմեանց միջեւ, ոչ մի «օրգանական կապ» չունեն Փաշինեանի հետ։

Շատերն ասում են, որ Արայիկ Յարութիւնեանը (Արցախի նախկին վարչապետ) «Փաշինեանի մարդն» է, բայց նրա բացասական վարկանիշն Արցախում բաւականին բարձր է` հաշւի առնելով նրա բիզնես կապերն ու գործունէութիւնը։

«Փաշինեանը, ուղիղ կողմնակից չունենալով, փորձում է դաշտ բացել նրա համար` նշանառութեան տակ առնելով Յարութիւնեանի հնարաւոր մրցակիցներին»,- նշեց Բոզոյեանը։

Նրա խօսքով` դժւար է այլ տրամաբանութիւն գտնել։ Պետական շահերը պէտք է վեր լինեն անձնական կամ «դասային» շահերից։

«Սա յետյեղափոխական սինդրոմ է, երբ մարդն իր անձնական շահերը պետականից վեր է դասում»,- ասաց Բոզոյեանը` նշելով, որ դա նաեւ լուրջ վտանգ ունի, քանի որ եթէ գործընթացը խորանայ, ապա հետեւանքները կարող են շատ ցաւալի լինեն։

Յունիսի 5-ին ՀՀ վարչապետ Նիկոլ Փաշինեանը յայտարարել էր, որ մինչ իր իշխանութեան գալը Արցախի ղեկավարութիւնն անտեղեակ էր` ինչ է քննարկւում բանակցութիւնների սեղանի շուրջ ու ծանօթ չէր հակամարտութեան կարգաւորման փաստաթղթերին։ Վարչապետը վստահեցրել էր, որ հէնց ինքն է փաստաթղթերի փաթեթը փոխանցել արցախեան իշխանութեանը։

Արցախի նախագահ Բակօ Սահակեանը պատասխանել էր ՀՀ վարչապետ Նիկոլ Փաշինեանի յայտարարութեանը: «Արցախպրես» լրատւական գործակալութեանը տւած հարցազրոյցում նա ասել էր, որ նախկինում եւս Ադրբեջանի հետ բանակցութիւններից առաջ ու դրանցից յետոյ Հայաստանի իշխանութիւններն Արցախի ղեկավարութեանը տեղեակ են պահել քննարկւող հարցերի ու վերջին զարգացումների մասին:

Յարակից լուրեր

  • Ընտրութիւններում յաղթանակ է տարել կայացման փուլում գտնւող ՏԻՄ համակարգը
    Ընտրութիւններում յաղթանակ է տարել կայացման փուլում գտնւող ՏԻՄ համակարգը

    Արցախում կայացած տեղական ինքնակառավարման մարմինների ընտրութիւնների շուրջ «Ապառաժ»-ը զրուցել է ՀՅԴ Արցախի Կենտրոնական կոմիտէի անդամ Արթուր Մոսիեանի հետ:

  • Աշխարհի ամենահին գորգը պատրաստւած է եղել Հայաստանում
    Աշխարհի ամենահին գորգը պատրաստւած է եղել Հայաստանում

    Աշխարհի ամենահին՝ մ.թ.ա. 5-3 դարերով թւագրւող գորգը, համարւում է «Պազըրըկ»-ը, որը հրաշքով պեղւել է Սիբիրի սառեցւած դամբաններից:

  • «ՀՀ-Իրան յարաբերութիւններում դրական ճեղքում չկայ, գործընթացները շարունակւում են իներցիոն ուժով, քանի որ ՀՀ-ն նախաձեռնողականութիւն չի ցուցաբերում». իրանագէտ
    «ՀՀ-Իրան յարաբերութիւններում դրական ճեղքում չկայ, գործընթացները շարունակւում են իներցիոն ուժով, քանի որ ՀՀ-ն նախաձեռնողականութիւն չի ցուցաբերում». իրանագէտ

    Եթէ փորձենք գնահատել այս մէկ տարուց մի քիչ աւել ժամանակահատւածն, ապա կարձանագրենք, որ հայ-իրանական յարաբերութիւններում խոշոր գործընթացներ, առաջընթաց չենք ունեցել։ «Tert.am»-ի հետ զրոյցում նման տեսակէտ յայտնեց իրանագէտ Վարդան Ոսկանեանը՝ անդրադառնալով հարցին, որ ՀՀ վարչապետ Նիկոլ Փաշինեանը խոստացել էր խորացնել յարաբերութիւնները հարեւան երկրների հետ։

  • Իշխանութիւնն ատում է հերոսականը
    Իշխանութիւնն ատում է հերոսականը

    Հայաստանի Հանրապետութեան ներկայիս՝ մէկուկէսամեայ իշխանութիւնն արդէն բազմիցս ցոյց է տւել, որ հակակրանք ունի ցանկացած հերոսականի, ազգայինի նկատմամբ: Իշխանութեան ներկայացուցիչները, կարծես, չեն կարողանում համակերպւել այն հանգամանքի հետ, որ իրենք հերոս չեն, Արցախեան գոյամարտի, Ապրիլեան պատերազմի մասնակից-առաջամարտիկ չեն, պետականաշինութեան մէջ ներդրում չունեն: Բանակից «թռած»-ի սինդրոմն է ուղեկցում նրանց, փորձում են ամէն կերպ ազատւել այդ պիտակից, սակայն միայն հակառակն է ստացւում:

  • Ընկերական մտորումներ
    Ընկերական մտորումներ

    Վերջերս հաւաքական զրոյցի մը ընթացքին յայտնուեցաւ այն կարծիքը, թէ սփիւռքահայ կեանքի մէջ լճացում մը, եթէ ոչ արդէն նահանջ մը կ՚արձանագրուի. պատճա՞ռը՝ մեր աւանդական կուսակցութիւններու, իրենց ուղեկից կազմակերպութիւններով հանդերձ եւ թեմական-եկեղեցական կառոյցներու ժամանակավրէպ դարձած ըլլալն է։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։