Հա

Քաղաքական

12/06/2019 - 11:20

Բոզոյեան․ «Փաշինեանը գնալով նմանւում է Գորբաչովին»

«Պոլիտէկոնոմիա» հետազօտական ինստիտուտի քաղաքական մեկնաբան Երւանդ Բոզոյեանը կարծում է, որ Աբովեանի քաղաքապետի ընտրութիւնը պէտք է ազդակ լինի իշխանութեան համար։

«alikonline.ir» - «Պոլիտէկոնոմիա» հետազօտական ինստիտուտի քաղաքական մեկնաբան Երւանդ Բոզոյեանը կարծում է, որ Աբովեանի քաղաքապետի ընտրութիւնը պէտք է ազդակ լինի իշխանութեան համար։ Նա վերջին ընտրութեան մասին խօսել է «Sputnik» Արմենիայի եթերում։

Երւանդ Բոզոյեանի խօսքով` Աբովեանի քաղաքապետի ընտրութիւնը ցոյց տւեց, որ Նիկոլ Փաշինեանի իշխանութեան վարկանիշը զգալիօրէն նւազել է, եւ եթէ իշխանութիւնը հետեւութիւններ չանի, ապա 6 ամիս անց աւելի վատ վիճակում կը լինի։

Ըստ քաղաքագէտի՝ ժողովուրդն անցած տարւայ ապրիլ-մայիսին շատ ոգեւորւած էր եւ մտածում էր` նոր էջ է բացւում երկրի զարգացման համար, այդ պատճառով էլ վստահութեան քւէն տւեց Փաշինեանին։ Սակայն այս 1 տարւայ ընթացքում շօշափելի փոփոխութիւններ չեղան։

«Փաշինեանը գնալով նմանւում է Գորբաչովին, ինչպէս նա էր Խորհրդային Միութեան վերջին տարիներին․ խօսքերը շատ էին, գեղեցիկ, բայց կոնկրետ գործեր չկային»,- ասում է Բոզոյեանը։

Աբովեանի քաղաքապետի ընտրութիւնը պէտք է ազդակ լինի իշխանութեան համար։ Փաշինեանի թիմը հաւաքեց մօտ 40 տոկոս` նախկին խորհրդարանական ընտրութիւնների 70 տոկոսի փոխարէն։ Ըստ Բոզոյեանի` եթէ այսպէս շարունակւի (իսկ գահաւիժումն արագ է լինելու), այս թւերը կարող են զգալի պակասել։

Յիշեցնենք, որ ՀՀ 23 համայնքում յունիսի 9-ին անցկացւեցին տեղական ինքնակառավարման մարմինների ընտրութիւններ, որոնց, նախնական տւեալներով, մասնակցել են 32.523 ընտրող կամ ընտրողների 44.36 տոկոսը։Աբովեանում կայացած քաղաքապետի ընտրութեանը յաղթեց գործող քաղաքապետ Վահագն Գէորգեանը։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։