Հա

Քաղաքական

24/07/2019 - 13:10

Քաղաքագէտ. «Կարելի է անվստահութիւն յայտնել կառավարութեանը»

Քաղաքագէտ Ստեփան Դանիէլեանը կարծում է, որ գործող իշխանութիւնից աւելին սպասել պէտք չէ։

«alikonline.ir» - Քաղաքագէտ Ստեփան Դանիէլեանը կարծում է, որ գործող իշխանութիւնից աւելին սպասել պէտք չէ։

«Նիկոլը եւ քայլողներն ինչ-որ կարողացել են անել, արդէն արել են։ Շարունակութիւնն իրենց հնարաւորութիւններից բարձր է ու դրա համար պէտք չի մեղադրել, դա է իրենց կարողութիւնը, աւելին պահանջելն անիմաստ է եւ գուցէ արդար էլ չի։

Ժողովուրդն արել է այն, ինչին ունակ է եւ աշխարհում քիչ ժողովուրդներ կան, որ երկու շաբաթ տասնեակ ու հարիւրաւոր հազար մարդ հաւաքւելու դէպքում ոչ մի թուփ չտրորւի՝ անգամ եւրոպական երկրներում։

Դեկտեմբերին լրանում է կառավարութեան մէկ տարին եւ կարելի է անվստահութիւն յայտնել, սակայն մինչ այդ հանրութիւնը պէտք է իրական այլընտրանք ունենայ։
Այլընտրանքը պէտք է լինի ապագայ կառավարութեան առնւազն 5 տարւայ ծրագրի տեսքով՝ յստակ օրակարգով, ճանապսրհային քարտէզի տեսքով, ստւերային կառավարութեան տեսքով, ներքին ու արտաքին քաղաքականութեան հայեցակարգով, Արցախի խնդրի հայեցակարգով։ Սա ամբողջ ցուցակը չէ։

Աշնան սկզբից պէտք է այդ խնդիրներով զբաղւել։ Արդիւնաւէտ աշխատանքի դէպքով հանրութիւնը ճիշտ կը կողմնորոշւի։ Հակառակ դէպքում հանրութեանը պէտք չի մեղադրել, մեղաւորը նրանք են, ովքեր քաղաքական յայտ են ներկայացնում։

Յ.Գ. Գործող կառավարութեան հանրութեանն ապակողմնորոշող դատարկ գաղափարներին ու կեղծ նախաձեռնութիւններին պէտք չի արձագանքել։ Դրանց նպատակը մեր ուշադրութիւնը շեղելն է եւ բաժանարար գծեր կառուցելը։ Բաժանիր որ տիրես՝ հին սխեմա է։ Մենք այդքան ժամանակ ու այդքան ռեսուրս չունենք։

Ամռանը պէտք է լաւ հանգստանալ, որովհետեւ մեզ բեղմնաւոր աշխատանքային աշուն է սպասւում»,- գրել է նա ֆէյսբուքեան իր էջում:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։