Հա

Քաղաքական

02/09/2019 - 11:00

Համատեղ ջանքերով հարթում ենք 28 տարի առաջ ընտրած մեր ուղին. Բակօ Սահակեանի ուղերձը

Արցախի Հանրապետութեան նախագահ Բակօ Սահակեանը սեպտեմբերի 2-ին շնորհաւորական ուղերձ է յղել Արցախի Հանրապետութեան օրւայ առթիւ:

«alikonline.ir» - Արցախի Հանրապետութեան նախագահ Բակօ Սահակեանը սեպտեմբերի 2-ին շնորհաւորական ուղերձ է յղել Արցախի Հանրապետութեան օրւայ առթիւ:

Ինչպէս յայտնեցին Արցախի Հանրապետութեան նախագահի աշխատակազմի տեղեկատւութեան գլխաւոր վարչութիւնից, ուղերձում ասւած է.

«Սիրելի՛ հայրենակիցներ, 

Արցախի իշխանութիւնների եւ անձամբ իմ անունից ի սրտէ շնորհաւորում եմ ձեզ Արցախի Հանրապետութեան օրւայ՝ մեր կարեւորագոյն պետական տօնի առթիւ:

1991 թւականի սեպտեմբերի 2-ին մեր ժողովուրդն իրականութիւն դարձրեց իր բազմամեայ նւիրական երազանքը՝ ինքնուրոյն տնօրինել սեփական ճակատագիրը, ապրել ազատ ու անկախ հայրենիքում՝ պահելով ու փայփայելով ազգային արժէքներն ու աւանդոյթները, հաւատն ու լեզուն: Դա դժւարին, բայց եւ պատւաբեր ճանապարհ էր, որը մենք անցանք մայր Հայաստանի ու սփիւռքի մեր քոյրերի ու եղբայրների հետ ձեռք ձեռքի՝ միասին յաղթահարելով բոլոր դժւարութիւններն ու փորձութիւնները, միասին կերտելով մեծ յաղթանակներ:

Եւ այսօր էլ մենք համատեղ ջանքերով հարթում ենք 28 տարի առաջ ընտրած մեր ուղին՝ պաշտպանելով ու զարգացնելով Արցախի Հանրապետութիւնը, հետեւողականօրէն ու շարունակաբար ամրապնդելով մեր անկախ ու ժողովրդավարական պետութիւնը, ամուր հիմք դնելով սերունդների յուսալի ապագայի համար:

Թանկագի՛ն հայրենակիցներ,

Մէկ անգամ եւս շնորհաւորում եմ բոլորիս յիշարժան տօնի առթիւ եւ մաղթում խաղաղութիւն, քաջառողջութիւն ու մեծագոյն յաջողութիւններ՝ ի փառս մեր հայրենիքի բարգաւաճման ու ժողովրդի բարօրութեան»:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։