Հա

Քաղաքական

03/09/2019 - 10:00

Հայաստանի եւ Արցախի ԱԳ նախարարները քննարկել են արտաքին քաղաքական ընդհանուր օրակարգին վերաբերող հարցեր

Արցախի Հանրապետութեան ԱԳ նախարար Մասիս Մայիլեանը ընդգծել է Արցախի Հանրապետութեան միջազգային ճանաչման գործընթացում առկայ դրական միտումներին կայուն եւ անշրջելի բնոյթ հաղորդելու կարեւորութիւնը։

«alikonline.ir» - Արցախի Հանրապետութեան ԱԳ նախարար Մասիս Մայիլեանը ընդգծել է Արցախի Հանրապետութեան միջազգային ճանաչման գործընթացում առկայ դրական միտումներին կայուն եւ անշրջելի բնոյթ հաղորդելու կարեւորութիւնը։

«Արմէնպրես»-ի հաղորդմամբ՝ սեպտեմբերի 2-ին Ստեփանակերտում կայացել է Արցախի Հանրապետութեան եւ Հայաստանի Հանրապետութեան արտաքին գործերի նախարարութիւնների կենտրոնական ապարատների՝ իր ձեւաչափով առաջին համատեղ խորհրդակցութիւնը՝ արտերկրում Հայաստանի Հանրապետութեան դիւանագիտական եւ հիւպատոսական ծառայութիւնների ղեկավարների մասնակցութեամբ։

Խորհրդակցութեան ընթացքում Արցախի եւ Հայաստանի ԱԳՆ ղեկավարներ Մասիս Մայիլեանը եւ Զոհրաբ Մնացականեանը հանդէս են եկել ելոյթներով։ Արցախի արտաքին գործերի նախարարը ներկայացրել է Հանրապետութեան արտաքին քաղաքական հիմնական առաջնահերթութիւնները, նրա միջազգային ճանաչման գործընթացի եւ ադրբեջանա-ղարաբաղեան հակամարտութեան կարգաւորման շուրջ Արցախի իշխանութիւնների դիրքորոշումը։ Մասիս Մայիլեանը, մասնաւորապէս, նշել է, որ արցախեան պետականութեան ամրապնդումը, ինչպէս նաեւ որոշակի համաշխարհային միտումները, համաձայն որոնց՝ ժողովուրդների ինքնորոշման իրաւունքի իրացումը դիտարկւում է որպէս էթնօ-քաղաքական հակամարտութիւնների լուծման հիմք, նոր հնարաււորութիւններ եւ հեռանկարներ են բացել ադրբեջանա-ղարաբաղեան հակամարտութեան կարգաւորման հարցում։ ԱՀ արտաքին գործերի նախարարը նաեւ ընդգծել է Արցախի Հանրապետութեան միջազգային ճանաչման գործընթացում առկայ դրական միտումներին կայուն եւ անշրջելի բնոյթ հաղորդելու կարեւորութիւնը։

Անդրադառնալով ադրբեջանա-ղարաբաղեան հակամարտութեան խաղաղ կարգաւորման գործընթացին՝ Մասիս Մայիլեանը գոհունակութեամբ է նշել, որ երկու հայկական պետութիւնների ղեկավարութիւնների դիրքորոշումը՝ պաշտօնական Ստեփանակերտի ուղիղ եւ լիիրաւ մասնակցութեամբ բանակցութիւնների լիարժէք ձեւաչափի վերականգնման հարցում, ամբողջովին համընկնում են՝ միաժամանակ նշելով մի շարք քայլեր՝ սահմանւած նպատակին հասնելու համար։

Այնուհետեւ տեղի է ունեցել մտքերի փոխանակում՝ արտաքին քաղաքական ընդհանուր օրակարգի եւ միջազգային ասպարէզում հայկական երկու պետութիւնների առջեւ ծառացած խնդիրների լուծման համար նոր գաղափարների եւ մօտեցումների մշակման շուրջ։ Այս համատեքստում քննարկւել են համատեղ նախաձեռնութիւնների եւ ծրագրերի իրականացման ուղղութեամբ գործնական քայլեր, ինչպէս նաեւ որոշւել մի շարք հարցեր, որոնք վերաբերում են նախարարութիւնների եւ նրանց համապատասխան ստորաբաժանումների միջեւ խորհրդակցութիւնների օրակարգին՝ երկու գերատեսչութիւնների միջեւ խորհրդակցութիւնների պլանի համաձայն։ Պայմանաւորւածութիւն է ձեռք բերւել նման ձեւաչափով պարբերական խորհրդակցութիւնների անցկացման վերաբերեալ։

Յարակից լուրեր

  • Պօղոսեան. «Ունենք մեծացած Հայաստան, որովհետեւ ունենք եւ Հայաստանի, եւ Արցախի Հանրապետութիւն»
    Պօղոսեան. «Ունենք մեծացած Հայաստան, որովհետեւ ունենք եւ Հայաստանի, եւ Արցախի Հանրապետութիւն»

    Անկախութեան 28 տարիների ընթացքում ձեռք բերածի, բացթողումների եւ Հայաստանի ներկայի եւ ապագայի մասին Sputnik Արմենիան զրուցել է Մարդկային զարգացման միջազգային կենտրոնի ղեկավար Թեւան Պօղոսեանի հետ։

  • Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը
    Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը

    Ճապոնիայում հին ժամանակներում ապրել է երկու գորտ, մէկը՝ քաղաքամայր Կիոտոյում, միւսը՝ Օսակայում։ Երբ մի տարի շոգ ամռանը ցամաքում են Կիոտոյի գետակներն ու ջրանցքները, չորանում է նաեւ գորտի պալատական փոքրիկ ջրհորը, եւ գորտը որոշում է մեկնել Օսակա՝ մտածելով, որ քաղաքը ծովափին է, իսկ ինքը կեանքում ծով չի տեսել, ուստի՝ հա՛մ ծով կը տեսնի, հա՛մ գեղեցիկ Օսական կը վայելի, հա՛մ էլ չի տառապի Կիոտոյի ջրհորի չորութիւնից։ Եւ գորտը դուրս է գալիս իր տնից եւ ուղեւորւում դէպի Օսակա։

  • Գերագոյն նպատակի նոր փորձաքարը...
    Գերագոյն նպատակի նոր փորձաքարը...

    Ժողովուրդների ինքնաճանաչման ու ինքնահաստատման մնայուն երաշխիքը, յատկապէս որպէս ազգ-միաւոր, պետական անկախութիւնն է… հայութիւնն ու Հայաստան աշխարհը դա ճաշակում են արդէն 28 տարի՝ օրինաչափ վերիվայրումներով հանդերձ, որոնց մեկնակէտը, եւ ամենանշանակալին, նոյնինքն Անկախութեան վերանւաճումն էր՝ եօթ տասնամեակ անց:

  • Իշխանութեան «թաւշեայ» տրամաբանութիւնը
    Իշխանութեան «թաւշեայ» տրամաբանութիւնը

    Հայաստանի «թաւշեայ» իշխանութիւնների գործողութիւնների տրամաբանութիւնը մէկ տարուց աւելի ալեկոծում է հայկական իրականութիւնը: Վերջապէս, ի՞նչ նպատակներ են հետապնդում գործող իշխանութեան այս կամ այն քայլերը եւ ո՞րն է ընդհանուր ռազմավարութիւնը, որի շրջանակներում կատարւում են այդ քայլերը:

  • Փաշինեանը կու գայ… Փաշինեանը կու գայ…
    Փաշինեանը կու գայ… Փաշինեանը կու գայ…

    Շուտով, Հայաստանի Հանրապետութեան վարչապետը Լոս Անճելըս կը հասնի, աւելի ճիշդ պիտի ժամանէ։

    Արդէն շաբաթներէ ի վեր հայրենի եւ Սփիւռքի եւ յատկապէս Քալիֆորնիոյ հայ մամուլն ու հայկական հեռատեսիլի գրեթէ բոլոր կայանները, ամէնօրեայ յիշեցում-ծանուցումներ կը կատարեն, նոյնիսկ վարչապետի խօսք-հրաւէրով։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։