Հա

Քաղաքական

03/09/2019 - 14:00

Նիկոլի պոպուրին՝ որ «թալան-թալան»-ը դառնում է մանտրայ, վերջը իշխանութեան ես գալիս

Լրագրող եւ հրապարակագիր Վահան Իշխանեանն իր ֆէյսբուքեան էջում գրում է. «Ռոբերտ Քոչարեանի տարեդարձի շնորհաւորանքներն ու դրանց մէջ նրա ձեռքբերումների թւարկումը մի նոր ստրեսի մէջ գցեցին Նիկոլ Փաշինեանին, որ որպէս թերապեւտիկ միջոց իր պատանեկութիւնից մինչեւ հասուն տղամարդ ելոյթների պոպուրին մոնտաժեց, որտեղ փչացած ձայնապնակի պէս տարբեր տարիքներում կրկնում էր նոյն բանը՝ թալանել են, կը պատժենք, ամբողջ թալանածը յետ կը բերենք, ու մէկ էլ բանտից դուրս գալու ու ընտնիքի անդամների հետ ողջագուրւելու երկար տեւող յուզիչ տեսարանը։

«alikonline.ir» - Լրագրող եւ հրապարակագիր Վահան Իշխանեանն իր ֆէյսբուքեան էջում գրում է. «Ռոբերտ Քոչարեանի տարեդարձի շնորհաւորանքներն ու դրանց մէջ նրա ձեռքբերումների թւարկումը մի նոր ստրեսի մէջ գցեցին Նիկոլ Փաշինեանին, որ որպէս թերապեւտիկ միջոց իր պատանեկութիւնից մինչեւ հասուն տղամարդ ելոյթների պոպուրին մոնտաժեց, որտեղ փչացած ձայնապնակի պէս տարբեր տարիքներում կրկնում էր նոյն բանը՝ թալանել են, կը պատժենք, ամբողջ թալանածը յետ կը բերենք, ու մէկ էլ բանտից դուրս գալու ու ընտնիքի անդամների հետ ողջագուրւելու երկար տեւող յուզիչ տեսարանը։

Փչացած ձայնապնակը իր դերը խաղաց, վերջը մանկությեան երազանքը կատարւեց, երկրի ղեկավար դարձաւ, սակայն թէ ուր է այդ թալանածի վերադարձը, չի երեւում, միայն մանր մունր գումարներ բիւջէ բերւեց, որ նախորդ իշխանութիւնների ժամանակ էլ էին արւում՝ երբ յայտանաբերում էին խոշոր իւրացումներ, պաշտօնեային ստիպում էին բիւջէ մուծւել, միայն թէ այդ մասին գովազդային հոլովակներ չէին թողարկում։

Նախ ձեւակերպելը թէ ինչ է թալանը (օրինակ, քանի որ բոլշեւիկները սեփականութիւնը մարդուն շահագործելու միջոց էին համարում, նրանց համար թալան էր գրեթէ ամէն սեփականութիւն, եւ յեղափոխութիւնից անմիջապէս յետոյ սեփականզրկում սկսեցին՝ էքսպրոպրիացիա)։

Յետսովետական Հայաստանում սովորաբար թալան էին անւանում սեփականաշնորհումները (օրինակ՝եթէ հաստոցները մետաղի ջարդոնի վերածելու խաթեր գործարան սեփականշնորհելը թալան է, ապա խնդրեմ, իրենց «գործ տւող» Սիլւա Համբարձումեանը ասում է, որ Իրանում մետաղի ջարդոն ծախելով է հարստացել): Բայց հիմա պարզ չի, «Իմ քայլ»-ի համար բոլոր սեփականաշնորհումնե՞րն են թալան, թէ դրանց մի մասը, թէ՞ սեփականշնորհման մէջ ընդհանրապէս թալան չկայ: Երբ կառավարութիւնը նախորդ իշխանութեան սեփակնաշնորհած օբիեկտները հաստատեց, պարզ դարձաւ որ «Իմ քայլ»-ը սեփակնաշնորհումը թալան չի համարում։

Հանք շահագործելը թալա՞ն է, թէ՞ ոչ։ Ամուլսարի ու Թեղուտի վերագործարկումից պարզ դարձաւ որ գոնէ հանքարդիւնաբերութիւնը «Իմ քայլ»-ի համար թալան չի։

Ուրեմն տակը ի՞նչ մնաց, բիւջէիիւրացումնե՞րը, պետական գնումնե՞րը, եթէ սրանք են միայն, ապա եթէ նոյնիսկ ամբողջը պարզեն ու յետ բերեն, ի՞նչքան գումար կը լինի, կարծես այնքան էլ տպւաորիչ թիւ կարող է չլինե՞լ։

Ինչեւէ, թող պարզեն։ Թալանը սահմանելուց յետոյ, թալանածը յետ բերելն էլ ինտելեկտուալ աշխատանք է, պրոֆեսիոնալիզմ, թալանչիներին պարզելը, ապա որոնողական աշխատանք տանել աշխարհի ֆինասական ծակուծուկերում եւ այլն, եւ այլն։ Սակայն ինքնասիրահարւած նարցիսները, որ ֆէյսբուքում ճտացնում են սեփական լուսանկարը ձեւաւորելով ազգանւէր աշխատանքը պատմող մի քանի տողով, ինչպէս այլ, այնպէս էլ այս բնագաւառում ընդունակութիւն չունեն որեւէ գործ անելու, ուղղակի չեն կարող նախ բացատրել թէ թալանը ինչ է, ապա բացայայտել իրենց բացատրածը։ Իսկ այն ինչ չեն հասկանում ու չեն կարող, կասկածելի է թէ նաեւ ուզում են անել։

Նիկոլի բախտը բերեց, որ Սաշիկ Սարգսեանը 50 միլիոն դոլարը հայկական բանկից չէր հասցրել տանել, թէ չէ միտինգներին ոչ մի ձեռքբերում չէր կարող ասել։ Բայց նոյնիսկ չկարողացան ասել թէ դա ի՞նչ 50 միլիոն էր, որտեղի՞ց էր, մտնո՞ւմ էր արդեօք իրենց թալանի չեղած սահմանման մէջ։

Ուրեմն, «թալան-թալան», «բռնենք, յետ բերենք» վանակարկումների իմաստը ո՞րն էր. միայն վանկարկողի օգուտը՝ մասսաների ծափերը շահել, որ իրենց իշխանութեան բերէին»։

Յարակից լուրեր

  • Արթուր Վանեցեանի պատասխանը՝ Նիկոլ Փաշինեանին
    Արթուր Վանեցեանի պատասխանը՝ Նիկոլ Փաշինեանին

    «Հրապարակ» թերթը գրել է. «Վարչապետ Նիկոլ Փաշինեանը Լոս Անջելէսում լրագրողների հետ երեկւայ հանդիպմանն անդրադարձել է ՀՀ ԱԱԾ նախկին տնօրէն Արթուր Վանեցեանի հրաժարականի տեքստին՝ տալով խիստ գնահատականներ. «Ինքը, դէ իւրէ լինելով ԱԱԾ տնօրէն, ըստ էութեան յայտարարութիւն է անում իր գերագոյն հրամանատարի դէմ, եւ լինելով վարչապետին ենթակայ մարմին, յայտարարութիւն է անում իր ղեկավարի դէմ, դրանից աւելի մեծ անարգանք սպայի պատւին չկայ: Յետոյ իմացայ, որ ծառայութեան կայքում է տեղադրւել այդ նիւթը: Հանել են, բա ի՞նչ պիտի անէին, բա պիտի շարունակէր մնա՞լ: Սպան այդպիսի բան անի, դա նշանակում է ուսադիրները գցել աղբամանը:

  • Պօղոսեան. «Ունենք մեծացած Հայաստան, որովհետեւ ունենք եւ Հայաստանի, եւ Արցախի Հանրապետութիւն»
    Պօղոսեան. «Ունենք մեծացած Հայաստան, որովհետեւ ունենք եւ Հայաստանի, եւ Արցախի Հանրապետութիւն»

    Անկախութեան 28 տարիների ընթացքում ձեռք բերածի, բացթողումների եւ Հայաստանի ներկայի եւ ապագայի մասին Sputnik Արմենիան զրուցել է Մարդկային զարգացման միջազգային կենտրոնի ղեկավար Թեւան Պօղոսեանի հետ։

  • Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը
    Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը

    Ճապոնիայում հին ժամանակներում ապրել է երկու գորտ, մէկը՝ քաղաքամայր Կիոտոյում, միւսը՝ Օսակայում։ Երբ մի տարի շոգ ամռանը ցամաքում են Կիոտոյի գետակներն ու ջրանցքները, չորանում է նաեւ գորտի պալատական փոքրիկ ջրհորը, եւ գորտը որոշում է մեկնել Օսակա՝ մտածելով, որ քաղաքը ծովափին է, իսկ ինքը կեանքում ծով չի տեսել, ուստի՝ հա՛մ ծով կը տեսնի, հա՛մ գեղեցիկ Օսական կը վայելի, հա՛մ էլ չի տառապի Կիոտոյի ջրհորի չորութիւնից։ Եւ գորտը դուրս է գալիս իր տնից եւ ուղեւորւում դէպի Օսակա։

  • Գերագոյն նպատակի նոր փորձաքարը...
    Գերագոյն նպատակի նոր փորձաքարը...

    Ժողովուրդների ինքնաճանաչման ու ինքնահաստատման մնայուն երաշխիքը, յատկապէս որպէս ազգ-միաւոր, պետական անկախութիւնն է… հայութիւնն ու Հայաստան աշխարհը դա ճաշակում են արդէն 28 տարի՝ օրինաչափ վերիվայրումներով հանդերձ, որոնց մեկնակէտը, եւ ամենանշանակալին, նոյնինքն Անկախութեան վերանւաճումն էր՝ եօթ տասնամեակ անց:

  • Իշխանութեան «թաւշեայ» տրամաբանութիւնը
    Իշխանութեան «թաւշեայ» տրամաբանութիւնը

    Հայաստանի «թաւշեայ» իշխանութիւնների գործողութիւնների տրամաբանութիւնը մէկ տարուց աւելի ալեկոծում է հայկական իրականութիւնը: Վերջապէս, ի՞նչ նպատակներ են հետապնդում գործող իշխանութեան այս կամ այն քայլերը եւ ո՞րն է ընդհանուր ռազմավարութիւնը, որի շրջանակներում կատարւում են այդ քայլերը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։