Հա

Քաղաքական

Կիրակի, 04 Օգոստոսի 2013 13:10

«USA Today».- «Մերձաւոր Արեւելքում գտնւող ամերիկեան դեսպանատները ժամանակաւորապէս փակ են լինելու»

«panorama.am» - «USA Today» պարբերականի փոխանցմամբ՝ ԱՄՆ-ի պետդեպարտամենտը յայտարարել է, որ Մերձաւոր Արեւելքի, Հարաւային Ասիայի եւ Հիւսիսային Աֆրիկայի տարածքում գտնւող բոլոր ամերիկեան դեսպանատները եւ հիւպատոսութիւնները ժամանակաւորապէս փակ են լինելու:
Պետդեպարտամենտի մամուլի խօսնակ Մերի Հարֆը յայտնել է, որ նախատեսւում է կիրակի օրը (այսօր, Խմբ.) փակել մի շարք ամերիկեան դեսպանատներ եւ հիւպատոսարաններ, որոնց համար, սովորաբար, կիրակին աշխատանքային օր է: Նրա ասութեամբ՝ իրենք նման քայլի են դիմում աշխատակիցների եւ այցելուների անվտանգութիւնից ելնելով:

Նա չի յստակեցրել, թէ որ դիւանագիտական հաստատութիւններն են փակւելու կիրակի օրը, որը համարւում է աշխատանքային շաբաթւայ սկիզբ՝ Միջին Արեւելքում, Հարաւային Ասիայում եւ Հիւսիսային Աֆրիկայում: Այլ երկրներում ԱՄՆ-ի դեսպանատները եւ հիւպատոսարանները սովորաբար կիրակի օրերում փակ են լինում:
Որոշ տեղեկութիւնների համաձայն՝ այս որոշման պատճառն «Ալ-Ղայիդա» խմբաւորման կողմից մահմեդական երկրներում ԱՄՆ-ի դիւանագիտական առաքելութիւնների դէմ սպառնալիքն է:

 

Ամենաշատ ընթերցւած

Քւէարկութիւն

Ապրիլի 24-ի առիթով իր ելոյթում կարտասանի՞ արդեօք Թրամփը Հայոց Ցեղասպանութիւն եզրոյթը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։