Հա

Քաղաքական

Շաբաթ, 01 Ապրիլի 2017 09:16

ՄԱԿ-ը Ղարաբաղի հարցով «առարկայական բանակցութիւնների» վերսկսման կոչ է արել

Մենք ողջունում ենք լարւածութիւնը նւազեցնելուն ուղղւած բոլոր ջանքերը, եւ դիմում ենք կողմերին բովանդակային բանակցութիւնները վերսկսելու անհրաժեշտ քաղաքական կամք ցոյց տալ, որը կը նպաստի Լեռնային Ղարաբաղի հակամարտութեան խաղաղ կարգաւորմանը

«alikonline.ir»- ՄԱԿ-ի քարտուղարութիւնը Ղարաբաղի հարցով «առարկայական բանակցութիւնների» վերսկսման կոչ է արել՝ մատնանշելով ադրբեջանական եւ հայկական կողմերին, որոնք պէտք է անհրաժեշտ քաղաքական կամք ցոյց տան: Ուրբաթ օրը համապատասխան յայտարարութիւն է արել Միացեալ ազգերի կազմակերպութեան գլխաւոր քարտուղարի պաշտօնական ներկայացուցչի տեղակալ Ֆարհան Հաքը: Տեղեկացնում է «tert.am»-ը:

Ինչպէս փոխանցում է ՏԱՍՍ գործակալութիւնը, ՄԱԿ-ի քարտուղարութիւնը հաշւի է առել Ղարաբաղի հակամարտութեան կարգաւորման հարցով ԵԱՀԿ Մինսկի խմբի (Ռուսաստան, ԱՄՆ եւ Ֆրանսիա) վերջին յայտարարութիւնը, եւ լիովին աջակցում է Երեւանին ու Բաքւին արւած կոչերին՝ ձեռնպահ մնալու այնպիսի գործողութիւններից, որոնք կարող են սասանել հրադադարի համաձայնագիրը:

«Մենք ողջունում ենք լարւածութիւնը նւազեցնելուն ուղղւած բոլոր ջանքերը, եւ դիմում ենք կողմերին բովանդակային բանակցութիւնները վերսկսելու անհրաժեշտ քաղաքական կամք ցոյց տալ, որը կը նպաստի Լեռնային Ղարաբաղի հակամարտութեան խաղաղ կարգաւորմանը», - ասել է Հաքը:

 

Յարակից Հրապարակումներ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։