Հա

Քաղաքական

ԱՊՐԻԼԻ 24
%AM, %20 %305 %2017 %09:%Նյմ

Քեոլնում Հայոց Ցեղասպանութեան զոհերի յիշատակին կանգնեցւած յուշարձանն առաջացրել է թուրքական համայնքի զայրոյթը

Գերմանիայի Քեոլն քաղաքում Հայոց Ցեղասպանութեան զոհերի յիշատակին կանգնեցւած յուշարձանը առաջացրել է թուրքական համայնքի զայրոյթը:

«alikonline.ir» - Գերմանիայի Քեոլն քաղաքում Հայոց Ցեղասպանութեան զոհերի յիշատակին կանգնեցւած յուշարձանը առաջացրել է թուրքական համայնքի զայրոյթը: Այս մասին ըստ «tert.am»-ի՝ գրում է թուրքական «Անադոլու» գործակալութիւնը:

Քեոլնի թուրքական համայնքի ներկայացուցիչ Լեւէնթ Թաշքըրանը յայտնել է, որ տեղի 32 թուրքական միութիւններից բաղկացած յատուկ նախաձեռնութիւնը թեմայի վերաբերեալ ժամանակին հանդիպումներ է անցկացրել Քեոլնի քաղաքապետարանում եւ հետեւել է իրադարձութիւնների զարգացմանը: Չնայած թուրքական համայնքի գործադրած ջանքերին՝ յուշարձանը կանգնեցւել է:

«Քեոլնում, որտեղ 100 հազարից աւելի թուրքեր են ապրում, նման յուշարձանի կանգնեցումը ներքին խաղաղութիւնը խաթարող քայլ ենք որակում: Մենք քաղաքապետարանի այս որոշումը չենք ընդունում եւ համարում ենք այն հակաժողովրդական»,- ասել է Թաշքըրանը:

Նշենք, որ աւելի վաղ Գերմանիայում գործող «Վտանգւած ժողովուրդներ» իրաւապաշտպան կազմակերպութիւնը կոչ է արել Օսմանեան կայսրութիւնում Առաջին համաշխարհայինի տարիներին սպանւած հայերի ու այլ քրիստոնեայ ժողովուրդների զոհերի յիշատակին նւիրւած յուշարձաններ կանգնեցնել գերմանական քաղաքներում:

Յիշեցնենք, որ անցեալ տարի Գերմանիայի Բունդեսթագը պատմական քւէարկութեամբ ցեղասպանութիւն է ճանաչել 1915 թւականին Օսմանեան Թուրքիայում իրականացւած հայերի կոտորածները:

اخبار مرتبط

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։