Հա

Քաղաքական

Հինգշաբթի, 23 Նոյեմբերի 2017 09:20

Սոչիի նստաշրջանի ամփոփիչ հաղորդագրութիւնը

ԻԻՀ-ի, Թուրքիայի ու Ռուսաստանի նախագահները համատեղ հաղորդագրութեամբ հանդէս գալով կրկին ընդգծեցին Սիրիայի ինքնիշխանութիւնն, անկախութիւնը, միասնականութիւնն ու տարածքային ամբողջականութիւնը եւ համաձայնեցին համագործակցութիւնը շարունակել մինչեւ ահաբեկչական խմբերի վերջնական պարտութիւնը:

«alikonline.ir» - ԻԻՀ-ի, Թուրքիայի ու Ռուսաստանի նախագահները համատեղ հաղորդագրութեամբ հանդէս գալով կրկին ընդգծեցին Սիրիայի ինքնիշխանութիւնն, անկախութիւնը, միասնականութիւնն ու տարածքային ամբողջականութիւնը եւ համաձայնեցին համագործակցութիւնը շարունակել մինչեւ ահաբեկչական խմբերի վերջնական պարտութիւնը: Գրում է «parstoday.com»-ը:

Չորեքշաբթի երեկոյեան Սոչիի նստաշրջանի աւարտին ԻԻՀ-ի նախագահ Հասան Ռոհանիի, Ռուսաստանի նախագահ Վլադիմիր Պուտինի եւ Թուրքիայի նախագահ Ռեջեբ Թայիբ Էրդողանի ստորագրած համատեղ հաղորդագրութեան մէջ երեք երկրները Սիրիայում Իրանի, Ռուսաստանի եւ Թուրքիայի երաշխաւորութեամբ հաստատւած հրադադարի ռեժիմի պահպանման ու ամրապնդման նպատակով եռակողմ համադրման ներկայ մակարդակի կապակցութեամբ իրենց գոհունակութիւնը յայտնեցին:

Իրանի, Ռուսաստանի եւ Թուրքիայի նախագահները նաեւ համաձայնեցին սիրիացիներին սատարել այդ երկրում միասնականութեան վերականգնման, ինչպէս նաեւ միջսիրիական համապարփակ, ազատ, արդար ու թափանցիկ գործընթացի միջոցով այդ երկրի ճգնաժամի համար քաղաքական լուծում գտնելուն, որը պիտի հանգեցնի Սիրիայի ժողովրդի հովանաւորութեամբ սահմանադրութեան մշակմանն ու ՄԱԿ-ի վերահսկողութեամբ Սիրիայում պայմանները լրացնող բոլոր քաղաքացիների մասնակցութեամբ ազատ ու արդար ընտրութիւնների կազմակերպմանը:

Ռոհանին, Պուտինն ու Էրդողանը Սիրիայի կառավարութեանն ու նաեւ Սիրիայի ինքնիշխանութեանն, անկախութեանը, միասնականութեանը, տարածքային ամբողջականութեանն ու անմասնատելիութեանը հաւատարիմ ընդդիմութեան ներկայացուցիչներին կոչ արեցին կառուցողական մասնակցութիւն ունենալ մօտ ապագայում Սոչիում գումարւելիք Սիրիայի ազգային երկխօսութեան համաժողովին:

ԻԻՀ-ի, Ռուսաստանի եւ Թուրքիայի նախագահները միջազգային հանրութեան հետաքրքրւած անդամներին կոչ արեցին Սիրիայի ժողովրդի համար առաւել օժանդակութիւններ առաքելով, ականազերծմանը թափ հաղորդելով ու նաեւ պատմական ժառանգութեան պաշտպանութեամբ եւ տնտեսական ու հասարակական գլխաւոր ենթակառուցւածքների վերակառուցմանը սատարելով պաշտպանել Սիրիայում լարւածութեան մեղմացման ու կայունութեան հաստատման գործընթացը:

Related items

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։

Joomla-ի վրիպազերծման կառավարակետ

Աշխատաշրջան

Հարցումների հսկման արդյունքները

Հիշողության օգտագործում

ՏԲ-ի հարցումներ