Հա

Քաղաքական

05/12/2017 - 13:10

Սաակաշւիլիին մեղադրել են Ուկրայինայում պետական յեղաշրջման փորձի համար

Վրաստանի նախկին նախագահ, Ուկրայինայի Օդեսայի շրջանի նախկին նահանգապետ Միխայիլ Սաակաշւիլին մեղադրւում է Ուկրայինայում պետական յեղաշրջում իրականացնելու փորձի համար:

«alikonline.ir» - Վրաստանի նախկին նախագահ, Ուկրայինայի Օդեսայի շրջանի նախկին նահանգապետ Միխայիլ Սաակաշւիլին մեղադրւում է Ուկրայինայում պետական յեղաշրջում իրականացնելու փորձի համար: Այս մասին ըստ «tert.am»-ի՝ հաղորդում է «rbc.ru»-ն՝ քաղաքական գործչի փաստաբանի յայտարարութեանը յղումով:

Պաւէլ Բոգոմազովի փոխանցմամբ՝ «Նոր ուժերի շարժում» կուսակցութեան առաջնորդի տանն այսօր առաւօտեան խուզարկութիւն է անցկացւել:

«Սաակաշւիլիին մեղադրում են սահմանադրական կարգի տապալման փորձի համար»,- նշել է փաստաբանը:

Ինչպէս աւելի վաղ յայտնել էր «Tert.am»-ը, Սաակաշւիլին բերման է ենթարկւել Կիեւում:

Դեկտեմբերի 5-ի առաւօտեան Սաակաշւիլիի կիեւեան բնակարանում խուզարկութիւն է սկսւել, որն իրականացւել է Ուկրայինայի գլխաւոր դատախազութեան եւ անվտանգութեան ծառայութեան աշխատակիցների կողմից:

Խուզարկութեան ժամանակ Սաակաշւիլին բարձրացել է 8 յարկանի բնակելի շէնքի կտուր ու սպառնացել ցած նետւել: Սակայն աւելի ուշ նրան յաջողւել է կտուրից յետ քաշել:

Նշւում  է, որ քաղաքական գործչին բերման են ենթարկել անմիջապէս շէնքի կտուրից:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։