Հա

Քաղաքական

09/01/2018 - 10:50

Ադրբեջանը փորձում է մաքրել ԵԽԽՎ-ում կոռուպցիայի հետքերը՝ պատւիրակութեան փոփոխութեամբ

Ադրբեջանը փոփոխել է Եւրոպայի խորհրդի խորհրդարանական վեհաժողովում իր պատւիրակութեան կազմը: Պատւիրակութիւնից հեռացւել են Էլհան Սուլէյմանովը, Մուսլում Մամմադովն ու Էլշան Մուսաեւը, որոնց փոխարէն ընդգրկւել են Իւիեա Ագաեւան, Էլշադ Հասանովն ու Ասիմ Մոլազադան:

ԱՆՆԱ ՄԿՐՏՉԵԱՆ

Քաղաքագէտ

 

«alikonline.ir» - Ադրբեջանը փոփոխել է Եւրոպայի խորհրդի խորհրդարանական վեհաժողովում իր պատւիրակութեան կազմը: Պատւիրակութիւնից հեռացւել են Էլհան Սուլէյմանովը, Մուսլում Մամմադովն ու Էլշան Մուսաեւը, որոնց փոխարէն ընդգրկւել են Իւիեա Ագաեւան, Էլշադ Հասանովն ու Ասիմ Մոլազադան:

Պրոցեդուրալ առումով պատւիրակութեան կազմի փոփոխութիւնը տարէսկզբին նորմալ երեւոյթ է, սակայն առաւել հետաքրքիր է պատւիրակութիւնից այս անձանց հեռացնելը, որը կարելի է դիտարկել որպէս Ադրբեջանի կողմից փորձ՝ մաքրել ԵԽԽՎ-ում կոռուպցիոն հետքերը:

Ինչպէս յայտնի է, Էլհան Սուլէյմանովի ու Մուսլուն Մամմադովի անունները կապւած են ԵԽԽՎ-ում տարածւած կոռուպցիոն սկանդալների, «Խաւիարային դիւանագիտութեան» հետ: Սուլէյմանովն էր ԵԽԽՎ նախկին պատգամաւոր Լուկա Վոլոնտէին փոխանցել 2.39 մլն. եւրօ, ինչը խոստովանել էր Վոլոնտէն:

Ինչ վերաբերում է Մուսլուն Մամմադովին, ապա վերջինս երկար տարիներ աշխատում էր որպէս Ադրբեջանի լաբբիստ, ով «բաց չէր թողնում» ԵԽԽՎ ոչ մի նստաշրջան: Մամմադովի անունը եւս կապւած է Վոլոնտէի «գործի» հետ: Վոլոնտէն Ադրբեջանի իմիջը բարձրացնելու, Ադրբեջանում մարդու իրաւունքների վիճակի շուրջ ԵԽԽՎ-ում քննադատութիւնները մեղմելու համար կապի մէջ է եղել ոչ միայն Սուլէյմանովի, այլ նաեւ Մամմադովի հետ:

Դեռեւս 2012 թւականի դեկտեմբերին, ԵԽԽՎ-ում Ադրբեջանի քաղբանտարկեալների վերաբերեալ գերմանացի պատգամաւոր Շտրասէրի զեկոյցի քւէարկութիւնից շաբաթներ առաջ, Վոլոնտէն նամակ է գրել այդ ժամանակ ԵԽԽՎ լոբբիստ Մամմադովին՝ մանրամասնելով, թէ ԵԽԽՎ-ում որ «ընկերները» կարող են աջակցել իրենց՝ Շտրասէրի զեկոյցը տապալելու հարցում, ինչն էլ իրականութիւն դարձաւ:

Կարող ենք ասել, որ Մամմադովը կապւած է նաեւ ԵԽԽՎ-ում  բրիտանացի պատգամաւոր Ռոբերտ Վոլտէրին կաշառելու հետ, ով «Բռնութեան աճը Լեռնային Ղարաբաղում եւ Ադրբեջանի այլ օկուպացւած տարածքներում» տապալւած զեկոյցի հեղինակն էր: Զեկոյցի նախապատրաստական ու քննարկման շրջանում Մամմադովը բացայայտ «բանակցութիւններ» էր վարում Վոլտէրի հետ ԵԽ կենտրոնակայանի միջանցքներում:

«Լաւ աշխատանքի» շնորհիւ՝ Ադրբեջանում 2015 թւականի նոյեմբերին կայացած խորհրդարանական ընտրութիւններում Մուսլում Մամմադովը դարձաւ պատգամաւոր ու 2016 թւականի յունւարից ընդգրկւեց ԵԽԽՎ-ում Ադրբեջանի պատւիրակութեան կազմում՝ արդէն պաշտօնապէս գործունէութիւն ծաւալելու համար, ինչը, փաստօրէն, երկար չտեւեց:

Եթէ մինչ 2017 թւականը ԵԽԽՎ-ում կոռուպցիայի ու Ադրբեջանի կողմից պատգամաւորին կաշառելու մասին բարձրաձայնում էին միայն ԵԽԽՎ-ում ՀՀ պատւիրակութեան անդամները, ապա Միլանի դատախազութեան կողմից Վոլոնտէին փոխանցւած գումարների պատճառով գործ հարուցելուց յետոյ այն արդէն յայտնւեց Եվրոպայի խորհրդի ու ԵԽԽՎ-ի առաջնային օրակարգում: ԵԽԽՎ-ում ստեղծւեց արտաքին հետաքննութեան մարմին՝ ԵԽԽՎ-ում պատգամաւորների շրջանում կոռուպցիոն պնդումներն ուսումնասիրելու համար։ Մարմինը գաղտնիութեան պայմաններում կը գործի մինչեւ 2018 թւականի ապրիլ, որից յետոյ այն իր բացայայտումներն ու պատրաստած զեկոյցը կը ներկայացնի Վեհաժողովին:

«panorama.am»

Յարակից լուրեր

  • ԵԽԽՎ-ն մտահոգութիւն է յայտնել Փաշինեանի կոչի հետ կապւած
    ԵԽԽՎ-ն մտահոգութիւն է յայտնել Փաշինեանի կոչի հետ կապւած

    Քաղաքականապէս շահագրգիռ անձինք  պէտք է զերծ մնան այնպիսի գործողութիւններից եւ յայտարարութիւններից, որոնք կարող են դատական համակարգի նկատմամբ որպէս ճնշման գործադրում ընկալւել: Այդ մասին ասել են  ԵԽԽՎ Հայաստանի մշտադիտարկման խմբի համազեկուցողներ Իւլեա Լովոչկինան եւ Անդրէյ Շիրցելը` անդրադառնալով ՀՀ վարչապետ Նիկոլ Փաշինեանի` դատարանի մուտքերը արգելափակելու մասին կոչին:

  • Մեծ Բրիտանիայում Ադրբեջանի դեսպանն ուղերձ է յղել Հենրիխ Մխիթարեանին
    Մեծ Բրիտանիայում Ադրբեջանի դեսպանն ուղերձ է յղել Հենրիխ Մխիթարեանին

    Մեծ Բրիտանիայում Ադրբեջանի դեսպան Թահիր Թաղիզադէն վստահեցրել է, որ անձամբ է երաշխաւորում Հայաստանի ֆուտբոլի ազգային հաւաքականի կիսապաշտպան Հենրիխ Մխիթարեանի անվտանգութիւնը մայիսի 29-ին Բաքւում կայանալիք Եւրոպա լիգայի խաղարկութեան «Արսենալ»-«Չելսի» եզրափակիչ հանդիպման ժամանակ:

  • Բաքուն կրկին զօրավարժութիւններ է անցկացնում. ի՞նչ սցենարով է առաջնորդւում հակառակորդը
    Բաքուն կրկին զօրավարժութիւններ է անցկացնում. ի՞նչ սցենարով է առաջնորդւում հակառակորդը

    Ադրբեջանը կանցկացնի հերթական զօրավարժութիւնները, այս տարի հաշւով արդէն երրորդը։ Առաջին անգամ զօրավարժութիւններն անցկացւեցին մարտին, մայիսի սկզբին տեղի ունեցան Թուրքիայի հետ համատեղ մարզումները: Այժմ Բաքուն յայտարարեց նոր զօրավարժութիւնների մասին, որոնք կը կայանան մայիսի 20-24-ը։

  • Հայկական 6000 դրօշ Բաքւում. տեսարժան կը լինի, բայց ինչո՞ւ է լռում ՀՖՖ-ն
    Հայկական 6000 դրօշ Բաքւում. տեսարժան կը լինի, բայց ինչո՞ւ է լռում ՀՖՖ-ն

    Բաքւում մայիսի 29-ին կայանալիք Եւրոպայի Լիգայի եզրափակչի մասին ով չի ալարել գրել է։ Իհարկէ, եզրափակչի մասին չէ, այլ դրա հետ կապւած խնդրի։ Բանն այն է, որ ծագմամբ հայերի, այդ թւում` «Արսենալ»-ի խաղացող Հենրիխ Մխիթարեանի մուտքն Ադրբեջան արգելւած է։

  • Բաքւի մանրակրկիտ մօտեցումը «Արեւելեան գործընկերութեանը». ի՞նչ շահեց Արցախը
    Բաքւի մանրակրկիտ մօտեցումը «Արեւելեան գործընկերութեանը». ի՞նչ շահեց Արցախը

    Ռուսաստանի արտաքին գործերի նախարարութեան Միջազգային հետազօտութիւնների ինստիտուտի Եւրոատլանտեան անվտանգութեան կենտրոնի առաջատար գիտաշխատող Սերգէյ Մարկեդոնովը յատուկ «Sputnik» Արմենիայի համար վերլուծել է «Արեւելեան գործընկերութեան» 10-ամեակին նւիրւած միջոցառումների ժամանակ տեղի ունեցած Հայաստանի եւ Ադրբեջանի ղեկավարների հանդիպման արդիւնքները։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։