Հա

Քաղաքական

12/02/2018

Մոսկւայի մօտ կործանւել է «AN-148» մարդատար օդանաւը. «AN-148»-ի զոհւած անձնակազմի օդաչուներից մէկը հայ է

«AN-148» մարդատար օդանաւը ռադիոտեղորոշիչների տեսադաշտից կորել է Մոսկւայի «Դոմոդեդովօ» օդանաւակայանից օդ բարձրանալուց անմիջապէս յետոյ, փետրւարի 11-ի Մոսկւայի ժամանակով 14։27-ի սահմաններում (Երեւանի ժամանակով 15։27)։ Այն կատարում էր Մոսկւա-Օրսկ չւերթը։

«alikonline.ir» - Յայտնի են դարձել Մոսկւայի մօտ փետրւարի 11-ի ցերեկը կործանւած «AN-148» օդանաւի զոհւած անձնակազմի անունները։ Նրանք են.

Վլադիմիր Գուբանով՝ անձնակազմի հրամանատար

Սերգէյ Գամբորեան՝ երկրորդ օդաչու

Անաստասիա Սլաւինսկայա՝ ուղեկցորդուհի

Վիկտորիա Կոբոլ՝ ուղեկցորդուհի

Օլէգ Սերգէեւ՝ տեխնիկ

Անդրէյ Ռյաբինին՝ տեխնիկ

Ինչպէս հաղորդում է «Արմէնպրես»-ը, «Lenta.ru»-ի աղբիւրի խօսքով՝ օդանաւի անկման վայրից ոչ հեռու գտնւել են այլ օդային ապարատի բեկորներ։ Մէկ այլ աղբիւր չի բացառել, որ դա ուղղաթիռ է, որին օդում կարող էր բախւել «AN-148»-ը։

Կործանւած «AN-148» մարդատար օդանաւում նաեւ ՀՀ քաղաքացի կին է եղել: «ural56.ru»-ն հրապարակել է զոհւած ուղեւորների ցուցակը, որտեղ նշւած է նաեւ Վարսիկ Սեւոյեանը։

«AN-148» մարդատար օդանաւը ռադիոտեղորոշիչների տեսադաշտից կորել է Մոսկւայի «Դոմոդեդովօ» օդանաւակայանից օդ բարձրանալուց անմիջապէս յետոյ, փետրւարի 11-ի Մոսկւայի ժամանակով 14։27-ի սահմաններում (Երեւանի ժամանակով 15։27)։ Այն կատարում էր Մոսկւա-Օրսկ չւերթը։

Ինչպէս հաղորդում է «Արմէնպրես»-ը, արտակարգ ծառայութիւններում «ՏԱՍՍ»-ին յայտնել են, որ օդանաւում գտնւել է 65 ուղեւոր եւ անձնակազմը։ Ընդհանուր առմամբ, օդանաւում եղել է 71 մարդ։

ՌԴ ԱԻՆ-ում հաստատել են, որ օդանաւի բեկորները յայտնաբերւել են Մոսկւայի մարզի Ռամենսկոյէ շրջանում եւ այնտեղ փրկարարներ է ուղարկել։ Բացւել է թէժ գիծ, տեղեկատւութիւն կարելի է ստանալ 8-800-775-17-17 հեռախօսահամարով։

ՌԴ քննչական կոմիտէն քրէական գործ է յարուցել Մոսկւայի մօտ «AN-148» օդանաւի կործանման դէպքով, յայտնել է ՌԴ ՔԿ պաշտօնական ներկայացուցիչ Սւետլանա Պետրենկոն։

Ըստ «ՏԱՍՍ»-ի աղբիւրի՝ օդանաւի կործանման պատճառ կարող էին լինել եղանակային պայմանները, ինչպէս նաեւ անձնակազմի սխալը։

Մէկ այլ աղբիւր յայտնել է, որ ինքնաթիռի վթարից յետոյ կենդանի մնացածներ չկան։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։