Հա

Քաղաքական

13/02/2018 - 10:10

Յունաստանը մեղադրում է Թուրքիային Կիպրոսի ինքնիշխանութեան դէմ ոտնձգութիւնների համար

Յունաստանի արտաքին գործերի նախարարութիւնը մեղադրել է Թուրքիային միջազգային իրաւունքի, ինչպէս նաեւ Կիպրոսի ինքնիշխանութեան իրաւունքի խախտման համար:

«alikonline.ir» - Յունաստանի արտաքին գործերի նախարարութիւնը մեղադրել է Թուրքիային միջազգային իրաւունքի, ինչպէս նաեւ Կիպրոսի ինքնիշխանութեան իրաւունքի խախտման համար: Այս մասին ըստ «tert.am»-ի՝ գրում է «Բիրգիւն» պարբերականը:

Յայտնի է, որ թուրքական նաւատորմի նաւերը ուրբաթ օրւանից խոչընդոտում են «Saipem 12000» լողացող կայանքի աշխատանքները Միջերկրական ծովում, որը նաւթի հորատում է իրականացնում իտալական «ENI» նաւթային ընկերութեան համար: Նշենք, որ հորատման աշխատանքներն իրականացւում են Կիպրոսին պատկանող տնտեսական տարածքում:

Կիպրոսի արտաքին գործերի նախարարութեան կողմից տարածւած յայտարարութիւնում երկրի իշխանութիւնները կոչ են անում Թուրքիային զերծ մնալ հետագայ անօրինական քայլերից եւ կատարել միջազգային իրաւունքով նախատեսւած իրենց պարտաւորութիւնները:

Կիպրոսի նախագահ Նիկոս Անաստասիադիսն էլ նախօրէին մեղադրել էր Թուրքիային սադրանքներ իրականացնելու համար՝ շեշտելով, որ իրենք շարունակելու են պայքարել Անկարայի կողմից միջազգային իրաւունքի խախտման դէմ։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։