Հա

Քաղաքական

14/02/2018

Իսրայէլի ոստիկանութիւնը վարչապետ Նեթանիահուին կոռուպցիայի մեղադրանքներ ներկայացնելու համար հիմքեր է գտել

Իսրայէլի ոստիկանութիւնը 14 ամիս տեւած հետաքննութիւնից յետոյ հիմքեր է գտել անմիջապէս երկու գործով երկրի վարչապետ Բինիամին Նեթանիահուին կոռուպցիայի եւ վստահութեան չարաշահման մեղադրանքներ ներկայացնելու համար: 

«alikonline.ir» - Իսրայէլի ոստիկանութիւնը 14 ամիս տեւած հետաքննութիւնից յետոյ հիմքեր է գտել անմիջապէս երկու գործով երկրի վարչապետ Բինիամին Նեթանիահուին կոռուպցիայի եւ վստահութեան չարաշահման մեղադրանքներ ներկայացնելու համար: Ինչպէս տեղեկացնում է «tert.am»-ը՝ այս մասին յայտնում է « The Jerusalem Post»-ը՝ վկայակոչելով Իսրայէլի հեռուստատեսութեանը:

Ոստիկանութիւնը տեղեկացրել է իր ծրագրերի մասին Նեթանիահուի երկու փաստաբաններին: Վարչապետը հաստատել է, որ պատրաստւում է մեղադրանքների ներկայացմանը, սակայն վստահեցրել է, որ «կը շարունակի ղեկավարել Իսրայէլն արդար եւ պատասխանատու կերպով»: Բինիամին Նեթանիահուն պնդում է, որ անմեղ է:

Իրաւապահ մարմինները գործերից մէկով հետաքննում են վարչապետի կողմից գործարարներից թանկարժէք նւէրներ ստանալու հանգամանքը: Նիւթերում նշւում է, որ ստացած նւէրները՝ սիգարներ, շամպայն եւ թանկարժէք իրեր, քննութիւնը գնահատում է աւելի քան 280 հազար դոլար:

Գործում ներգրաււած է նաեւ պրոդիւսեր Արնոն Միլչինը, որը նոյնպէս կասկածւում է Նեթանիահուին կաշառքներ տալու համար:

Երկրորդ գործը կապւած է Իսրայելի վարչապետի փորձերի հետ՝ պայմանաւորւել երկրում ամենախոշոր թերթերից «Yedioth Ahronoth»-ի սեփականատիրոջ հետ՝ կառավարութեան գործունէութիւնը բարենպաստ կերպով լուսաբանելու համար: Ոստիկանութեան վարկածով՝ դրա դիմաց Նեթանիահուն առաջարկում էր ընդունել օրէնք, որը կը սահմանափակէր թերթի հիմնական մրցակցի՝ «Israel Hayom»-ի հնարաւորութիւնները:

Նիւթերը փոխանցւել են դատախազութիւն՝ վերջնական որոշում կայացնելու համար:

Վարչապետը յայտարարել է, որ ոչ մի հակաօրինական բան չի արել, իսկ «ընկերներից նւէրներ» ստանալն արգելւած չէ։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։