Հա

Քաղաքական

18/03/2018 - 08:50

Ռուսաստանում մեկնարկել են նախագահական ընտրութիւնները

Ռուսաստանում այսօր՝ մարտի 18-ին մեկնարկել են նախագահական ընտրութիւնները: 

«alikonline.ir» - Ռուսաստանում այսօր՝ մարտի 18-ին մեկնարկել են նախագահական ընտրութիւնները: Տեղեկացնում են միջազգային ԶԼՄ-ները:

Առաջին տեղամասերը բացւել են Չուկոտկայի ինքնավար շրջանում եւ Կամչատկայի տարածքներում: Ժամային տարբեր գօտիներում քւէարկութիւնը մեկնարկելու է տեղական ժամանակով ժամը 08:00-ին, եւ տեւելու է մինչ ժամը 20:00-ն:

Ընտրութիւնների ընթացքում ընդհանրուր առմամբ գործելու են աւելի քան 97 հազար ընտրատեղամասեր, որոնցից աւելի քան 400-ը՝ արտերկրում, իսկ քւէարկութեան ընթացքին հետեւելու են 109 երկրներից մօտ 1500 միջազգային դիտորդներ:

Ընտրութիւնների բացարձակ ֆաւորիտը համարւում է գործող նախագահ Վլադիմիր Պուտինը, որը մրցակցութիւնից դուրս է:

Պուտինից բացի իրենց թեկնածութիւնն են առաջադրել Սերգէյ Բաբուրինը («Ռուսաստանի համաժողովրդական միութիւն» կուսակցութիւն), Պաւէլ Գրուդինինը («Ռուսաստանի Կոմունիստական» կուսակցութիւն), Վլադիմիր Ժիրինովսկին («Ռուսաստանի լիբերալ-դեմոկրատական» կուսակցութիւն), Մաքսիմ Սուրայկինը («Ռուսաստանի կոմունիստներ» կուսակցութիւն), Բորիս Տիտովը («Աճի» կուսակցութիւն), Գրիգորի Եաւլինսկի («Եաբլոկօ» կուսակցութիւն) եւ սկանդալային կին հեռուստա-ռադիոհաղորդավարուհի, լրագրող եւ դերասան Քսենեա Սոբչակը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։