Հա

Քաղաքական

07/04/2018

Ապշեցուցիչ մանրամասներ. ինչպէս են գերմանացի գեներալներն օգնել թուրքերին կոտորել հայերին

Գերմանական պարբերականը ապշեցուցիչ մանրամասներ է պարզել այն մասին, թէ ինչ դեր է ունեցել Գերմանիան Հայոց Ցեղասպանութեան ժամանակ։

«alikonline.ir» - Գերմանական պարբերականը ապշեցուցիչ մանրամասներ է պարզել այն մասին, թէ ինչ դեր է ունեցել Գերմանիան Հայոց Ցեղասպանութեան ժամանակ։ Թուրք մարդասպանները հէնց գերմանական մաուզերներից եւ թնդանոթներից, ինչպէս նաեւ տասնեակ ռազմական խորհրդականների օգնութիւնից են օգտւել մարդկութեան պատմութեան մէջ առաջին Ցեղասպանութիւնը իրագործելու համար։

Զէնքի գերմանացի մագնատները պատասխանատւութիւն են կրում Օսմանեան կայսրութեանը զէնք մատակարարելու համար։ Այդ մասին ըստ «armeniansputnik.am»-ի գրում է «Deutsche Welle»-ն` յղում անելով «Global Net - Stop the Arms Trade» հետազօտական կենտրոնին։

Հայերին, յոյներին, ասորիներին եւ եզդիներին կոտորելու համար միայն ատելութիւնը քիչ էր։ Դրան գումարւել է յուսալի նիւթական բազան` Կրուպի հրացանները, ատրճանակ-մաուզերներն ու թնդանոթները։ Նոյն Կրուպի, որը 30-ականների վերջից յայտնի է դարձել որպէս նացիզմի գլխաւոր զինագործներից մէկը։ Առաջին համաշխարհային պատերազմի ժամանակ այդ թնդանոթներից են կրակել հայերին, որոնք շրջափակման մէջ են եղել Մուսա լեռան վրայ։

Ժամանակից Գերմանիան արիութիւն է ունեցել յայտարարելու, որ իր իշխանութիւնները կապ են ունեցել Առաջին եւ Երկրորդ աշխարհամարտերի յանցագործութիւնների հետ։ 2016 թւականին Բունդեսթագն իր բանաձեւով ոչ միայն դատապարտել է Թուրքիայի քրիստոնեաների Ցեղասպանութիւնը, այլ նաեւ ընդունել, որ կայսերական Գերմանիան մասնակցել է դրան։

Բայց գերմանացի զինագործներն այդպէս էլ չընդունեցին, որ մասնակցել են այդ գործարքներին։ Կրուպի ժառանգորդը` «ThyssenKrupp» կոնցեռնը, լռում է, իսկ «Մաուզերն» արդէն չի գործում։

Այդ տարիների մասին շատ վկայութիւններ է թողել կայսերական բանակի մայոր Էբերհարդ Վոլֆսքէլը, որն օգնել է հայ բնակչութեանը սպանելու ծրագիր կազմել։ Նա Ֆահրի փաշայի` Չորրորդ թուրքական բանակի հրամանատարի տեղակալի օրոք շտաբի պետ է եղել։

«Հայերը եկեղեցու հարաւային մասի տներում էին։ Երբ հարւածեց հրետանին, շատերը տներում մահացան, մնացածները փորձեցին թաքնւել եկեղեցում։ Բայց նրանք պէտք է վազէին եկեղեցու բաց բակով, որն արդէն նշանառութեան տակ էին վերցրել մեր հետեւակները։ Վազողների վրայ կրակում էին։ Հետեւազօրը, որը ես օգտագործում էի հիմնական հարւածի համար, իրեն շատ լաւ դրսեւորեց եւ արագ առաջ շարժւեց»,- կնոջն ուղղւած նամակում գրել է մայորը։

Յայտնի է, որ գերմանացի բարձրաստիճան սպաները թուրքերի նման չեն վստահել հայերին։ Ռազմածովային կցորդ Հանս Հումանը` գերմանա-թուրքական կորպուսի անդամը եւ Թուրքիայի ռազմական նախարար Էնւեր փաշայի մտերիմ ընկերը, գրել է. «Հայերը կը կոտորւեն ռուսների հետ դաւադրութեան պատճառով։ Դա դժւար կը լինի, բայց կօգնի գործին»։

Գերմանական բանակի գեներալ-մայոր Քոլմար ֆոն դեր Գոլցը 1883թ-ին դարձել է օսմանեան պալատի գլխաւոր ռազմական խորհրդականներից մէկը եւ մեծ օգուտ բերել Մաուզերին եւ Կրուպին։ Իր օրագրում նա գրում է. «Կարող եմ վստահաբար ասել, որ առանց ինձ թուրքական բանակին չէր յաջողւի զինւել գերմանական տեխնիկայով»։

Ընկերների եւ հարազատների շրջանում ֆոն դեր Գոլցը զզւանքով է խօսել հայերի մասին` որպէս «անլւայ չարչիների ժողովրդի»։

«Նա ամրապնդել է օսմանեան պալատի եւ սուլթանի համոզմունքը, որ մէկընդմիշտ պէտք է վերջ դնել հայկական հարցին»,- ասել է Լանդգրեբերը։

Գերմանացի պատմաբանները եւս մի յատկանշական վկայութիւն են ներկայացնում։ Ֆոն դեր Գոլցի համար «երկրորդ տեսակի» էին ոչ միայն հայերը։ 1883 թ.-ին նա հրապարակել է «Das Volk in Waffen» գիրքը («Զինւած ժողովուրդ»), որտեղ գրում է` պատերազմի նպատակը պէտք է լիներ ոչ թէ կապիտուլիացիան, այլ թշնամու բնաջնջումը։

Նշենք, որ հայ եւ գերմանացի պատմաբաններն ամբողջ պատասխանատւութիւնը չեն գցում գերմանացի վարձկանների վրայ։ Ընդգծւում է, որ հիմնական մտադրութիւնը բխել է օսմանեան, այնուհետեւ` երիտթուրքական ղեկավարութիւնից։ Դա ընդգծում է նաեւ Լանդգրեբերը։

«Ոչ մէկին պետք չէ իդեալականացնել։ Ուղղակի պատմութեան պատկերը պէտք է աւելի յստակ լինի»,- գրում է նա։

Յարակից լուրեր

  • Աւստրալիայում Հայոց Ցեղասպանութեան թեմայով ցուցահանդէս է բացւել
    Աւստրալիայում Հայոց Ցեղասպանութեան թեմայով ցուցահանդէս է բացւել

    Կանբերայում գործող Աւստրալիայի ազգային համալսարանում «Ժամանելու իրաւունք» խորագրով ցուցահանդէս է բացւել, որը նւիրւած է ամբողջ աշխարհի փախստականներին՝ սկսած Հայոց Ցեղասպանութեան հետեւանքով գաղթածներից, յայտնում է Աւստրալիայի Հայ Դատի յանձնախումբը:

  • «BBC». «Ադրբեջանն աւելի շատ զէնք է ցանկանում Իսրայէլից»
    «BBC». «Ադրբեջանն աւելի շատ զէնք է ցանկանում Իսրայէլից»

    Իսրայէլի պաշտպանութեան նախարար Աւիգդոր Լիբերմանն Ադրբեջան է ժամանել երկրի նախագահ Իլհամ Ալիեւի եւ ուժային գերատեսչութիւնների ղեկավարների հետ հանդիպելու համար:

  • Աւստրալացի պրոֆեսոր. «Հոլոկոստից առաջ օսմանեան հրեաներն աջակցում էին Հայոց Ցեղասպանութեան «ճարտարապետին»»
    Աւստրալացի պրոֆեսոր. «Հոլոկոստից առաջ օսմանեան հրեաներն աջակցում էին Հայոց Ցեղասպանութեան «ճարտարապետին»»

    1915-ի գարնանը Թալէաթն ամէն ինչ անում էր, որ միջազգային հարթակում խնդիրներ չլինեն, որպէսզի հարւածի հայերին, իսկ հրեաները վախենում էին նոյն ճակատագրին արժանանալ, ուստի չէին ողջունում ո՛չ հայամէտ, ո՛չ էլ զոհամէտ որեւէ գործողութիւն: Յունիսին Իսրայէլի Քնեսեթում Առաջին Համաշխարհային պատերազմի ժամանակ հայերի սպանութիւնները որպէս ցեղասպանութիւն ճանաչելու համար քւէարկութիւնը չեղարկւեց՝ կառավարութեան բաւարար աջակցութեան բացակայութեան պատճառով:

  • Հայ Դատը հետաքննութիւն կը պահանջէ՝ Իսրայէլէն Ատրպէյճան արտածուող զէնքերու հարցով
    Հայ Դատը հետաքննութիւն կը պահանջէ՝ Իսրայէլէն Ատրպէյճան արտածուող զէնքերու հարցով

    Ամերիկայի Հայ Դատի յանձնախումբը կոչ ըրած է Միացեալ Նահանգներու արտաքին գործոց նախարարութեան, որ պաշտօնական հետաքննութիւն բանայ Իսրայէլէն Ատրպէյճան կատարուած հաւանական ապօրինի արտածումներուն հարցով, որոնք կրնան կապ ունենալ 2017-ի յուլիսին՝ իսրայէլեան անօդաչու սարքով մը Արցախի վրայ կատարուած յարձակումին հետ։ Արդարեւ, նշեալ յարձակումին ընթացքին կրնան գործածուած ըլլալ ամերիկեան արտադրութեամբ գործիքներ։

  • Բաբայեան. «ՌԴ-ն եթէ զէնք մատակարարի Ադրբեջանին, աւելի ուժեղ զէնք կը մատակարարի հայկական կողմին»
    Բաբայեան. «ՌԴ-ն եթէ զէնք մատակարարի Ադրբեջանին, աւելի ուժեղ զէնք կը մատակարարի հայկական կողմին»

    «Ռուսաստանից Ադրբեջան զէնքի մատակարարման պայմանագրերի 5 միլիարդ դոլար գնահատման մասին յայտարարութիւնը չի ազդի տարածաշրջանի կայունութեան եւ խաղախութեան պահպանման վրայ»,- «panorama.am»-ի թղթակցի հետ զրոյցում այսպիսի կարծիք յայտնեց ԱՀ նախագահի աշխատակազմի տեղեկատւութեան գլխաւոր վարչութեան պետ Դաւիթ Բաբայեանը՝ մեկնաբանելով սեպեմբերի 1-ին կայացած Պուտին-Ալիեւ հանդիպումն ու յայտարարութիւնները։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։