Հա

Քաղաքական

15/04/2018

ՄԱԿ-ի ԱԽ-ը մերժել է Սիրիայի հարցով ՌԴ առաջարկած բանաձեւի նախագիծը

ՄԱԿ-ի ԱԽ-ը մերժել է Սիրիայի հարցով ՌԴ առաջարկած բանաձեւի նախագիծը:

«alikonline.ir» - ՄԱԿ-ի Անվտանգութեան խորհուրդն իր ապրիլի 14-ին կայացած նիստի ընթացքում մերժել է Ռուսաստանի առաջարկած բանաձեւի նախագիծը, որը դատապարտում էր Արեւմտեան եռեակի՝ ԱՄՆ-ի, Մեծ Բրիտանիայի եւ Ֆրանսիայի Սիրիային հասցւած հարւածները:

Մոսկւայի առաջարկած բանաձեւը պահանջում էր դատապարտել Սիրիայի դէմ իրականացւած ագրեսիան:

Բանաձեւի նախագիծը պաշտպանել են ՄԱԿ-ի ԱԽ-ի անդամ երեք երկիր՝ Ռուսաստանը, Չինաստանը եւ Բոլիւիան: Ութ երկիր` ԱՄՆ-ը, Մեծ Բրիտանիան, Ֆրանսիան, Հոլանդիան, Իտալիան, Շւեդիան, Լեհաստանը, Քուվէյթը դէմ են քւէրակել առաջարկւած բանաձեւին, եւս չորս երկիր՝ Ղազախստանը, Պերուն, Հասարակած Գւինէան եւ Եթովպիան ձեռնպահ են մնացել:   

Նշենք, որ ԱԽ նիստի ընթացքում Ռուսաստանի մշտական ներկայացուցիչ Վասիլի Նեբեզնիան յայտարաել է, որ ԱՄՆ-ը կարող էր 24 ժամում վերջ դնել Սիրիայի պատերազմին՝ հրաման տալով իր «ձեռնասուն ահաբեկիչներին» դադարեցնել պայքարն օրինական իշխանութեան եւ սեփական ժողովրդի դէմ:

Վերջինս ընդգծել է, որ դաշնակիցների հարվւածները Սիրիայի ռազմական կառոյցների ուղղութեամբ, որտեղից ռազմական գործողութիւններ են իրականացվում ահաբեկիչների դէմ, ապացուցում է, որ «Արեւմուտքում նրանք, ովքեր քողարկւում են մարդասիրական հռետորաբանութեամբ եւ փորձում են իրենց ռազմական ներկայութիւնն արդարացնել ահաբեկիչներ ջախջախման անհրաժեշտութեամբ, իրականում նրանց հետ մէկտեղ երկրի կազմաքանդմանն ուղղւած աշխատանքներ են վարում»:

«Ձեր ագրեսիան հզօր հարւած եւ սպառնալիք է ՄԱԿ-ի հովանու ներքյո անցկացւող քաղաքական գործընթացի շարունակութեան հեռանկարներին: Ինչ արժէին այդ դէպքում ժնեւեան գործընթացի անվերջ ջանքերը, եթէ դուք ձեր ձեռքերով այն տանում էք դէպի հերթական ճգնաժամը»,- յաւելել է Նեբեզնիան՝ կոչ անելով ԱՄՆ-ին եւ դաշնակիցներին անհապաղ վերջ դնել ռազմական գործողութիւններին:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։