Հա

Քաղաքական

16/04/2018 - 08:20

Ադրբեջանի իշխող կուսակցութիւնը ԵԱՀԿ-ին մեղադրել է կողմնակալ հաշւետւութիւն ներկայացնելու մէջ

Ադրբեջանի «Նոր Ադրբեջան» իշխող կուսակցութիւնը մեղադրել է ԵԱՀԿ Ժողովրդավարական ինստիտուտների եւ մարդու իրաւունքների հարցերով բիւրոյին, ԵԱՀԿ Խորհրդարանական Վեհաժողովին եւ ԵԽԽՎ-ին երկրում անցկացւած արտահերթ նախագահական ընտրութիւնների մասին կանխամտածւած կողմնակալ հաշւետւութիւն պատրաստելու համար:

«alikonline.ir» - Ադրբեջանի «Նոր Ադրբեջան» իշխող կուսակցութիւնը մեղադրել է ԵԱՀԿ Ժողովրդավարական ինստիտուտների եւ մարդու իրաւունքների հարցերով բիւրոյին, ԵԱՀԿ Խորհրդարանական Վեհաժողովին եւ ԵԽԽՎ-ին երկրում անցկացւած արտահերթ նախագահական ընտրութիւնների մասին կանխամտածւած կողմնակալ հաշւետւութիւն պատրաստելու համար: Այս մասին ըստ «tert.am»-ի՝ յայտնում է «ՌԻԱ Նովոստի»-ն:

Արտահերթ նախագահական ընտրութիւնները երկրում անցկացւել են ապրիլի 11-ին: Տւեալների մշակման արդիւնքում յայտարարւել է, որ Իլհամ Ալիեւը յաղթել է՝ ստանալով ձայների 86.02 տոկոսը: ԵԱՀԿ Մարդու իրաւունքների հարցերով բիւրոյի դիտորդները աւելի վաղ հաղորդել էր, որ ընտրութիւնների ժամանակ որոշ ընտրատեղամասերում խոչընդոտում էին իրենց աշխատանքը:

«Ադրբեջանում նախագահական ընտրութիւններն անցկացւել են օրէնսդրութեան պահանջներին համապատասխան: Երկրի ԿԸՅ-ն նախաձեռնել է բոլոր անհրաժեշտ քայլերն ազատ, արդար եւ թափանցիկ ընտրութիւնների անցկացման համար: ԵԱՀԿ-ն եւ ԵԽԽՎ-ն կանխամտածւած կողմնակալ հաշւետւութիւն են ներկայացրել Ադրբեջանի ընտրութիւնների հացով»,- յայտարարել է իշխող կուսակցութեան փոխնախագահ Սիեաւուշ Նովրուզովը:

Վերջինս յաւելել է, որ հանդիպում է անցկացրել տւեալ կազմակերպութիւնների ներկայացուցիչների հետ: Յիշեցնենք, որ ապրիլի 15-ին Ադրբեջանում յայտարարել էին նախագահական ընտրութիւնների վերջնական արդիւնքները:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։